July 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Nêçîrvan Barzanî: Enfalkirina Barzaniyan îradeya serkeftinê li cem gelê Kurdistanê gurtir kiriye

Nêçîrvan Barzanî: Enfalkirina Barzaniyan îradeya serkeftinê li cem gelê Kurdistanê gurtir kiriye

Hewlêr (K24) – Serokê Herêma Kurdistanê di salvegera çil saliya enfalkirin û bêserûşûnkirina heşt hezar Barzanî de ragihand, enfalkirina Barzaniyan “ne tenê hêz û îradeya gelê me ya ji bo têkoşîna li dijî zulm û dîktatoriyê sist nekiriye, lê ruhê rûbirûbûnê û îradeya serkeftin û azadî, li cem tevahiya gelê Kurdistanê germtir kiriye”.

Îro Duşemê 31ê Tîrmeha 2023an, Serokê Herêma Kurdistanê Nêçîrvan Barzanî peyamek bi boneya derbasbûna 40 sal li ser enfalkirin û bêserûşûnkirina heşt hezar zarok, ciwan, zilam û pîr ên Barzanî, belav kir.

Nêçîrvan Barzanî di destpêka peyama xwe de diyar kir: “Em îro bi rêz û hurmet 40 saliya enfalkirin û wendakirina 8000 zarok, ciwan, mêr û kalên Barzanî yên ku ji dawiya Tîrmeha heta nîvê Tebaxa 1983ê, li kampên bi zorê lê hatîne bi cîh kirin, bûne qurbaniyên tawaneke hovane û reşgîriyê ji aliyê rejîma hîngê ya Iraqê ve êdî ew qet venegeriyan.”

Serokê Herêma Kurdistanê destnîşan kir: “Bi hezaran malbatên Barzaniyan yên bê desthilat li kampa Quştepe, Behirka, Herîr, Soran û cihên din bê bav û bira man û bi hezaran jinên Barzanî bê mêr man û neçar bûn rûbirûyê çarenivîsekê ne diyar û dijwar bibin û li hember bi dehan derdeserî û nexweşiyan li berxwedan û bi tenê man.”

Her wiha diyar kir: “Ew ji zarokên xwe ra bûne bav û ji bo perwerdekirin û debara jiyana xwe û mezinkirina wan gelek êş kişandin. Wan li hember tunebûn, xizanî û tenêtiyê tehemûl kirin û bi moral û ruhekî mezin rûbirûyê jiyanê bûn û bi jîrî nifşekî niştimanperwer û welatparêz bi jêhatî perwerde kirin. Ez destên her yek ji van dayikên mîhreban û dilsoz maç dikim.”

Nêçîrvan Barzanî ragihand: “Enfalkirina Barzaniyan wek hemû tawanên ku li dijî gelê Kurdistanê hatine kirin, ne tenê hêz û îradeya gelê me ya ji bo têkoşîna li dijî zulm û dîktatoriyê sist nekiriye, lê ruhê rûbirûbûnê û îradeya serkeftin û azadî, li cem tevahiya gelê Kurdistanê germtir kir û bi baweriyeka mukimtir berdewamiyê bi tekoşînê da.”

Serokê Herêma Kurdistanê got: “Bi vê minasebetê em silav li qurbaniyên Enfalê û hemû şehîdên Kurdistanê dikin û bejna xwe li hember giyanê wan ditewînin. Silav û spas ji bo hemû camêrên Hewlêr û derdora wê, li Herîr, Batas, Soran û li her derê ku lê bûn, ku alîkariya malbatên enfalkiriyên Barzanî kirin û sitarê dane wan.”

Di dawiya peyamê de diyar kir: “Di vê helkeftê da ku Herêma Kurdistanê di rewşeke hestiyar ra derbas dibe, em tekezî li ser yekdengî û yekrêziya hemû partî û pêkhatên Kurdistanê dikin ku yekane rêya serfirazî û serkeftinê ye.”

CH

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi