كارەساتا شنگالێ بوو جهێ هێلینا سێویێن بێ دەیك وباب
جوان بەرواری
هەر ژدەستپێكا هەبوونا شنگالێ تا نها خەلكێ وێ دەڤەرێ لبن فەرمانێت گران بوون و بەردەوام تووشی كارەساتێن تراژیدی بوون،ئەڤە ژی مەزنترین شێنوارێت وان بویەران و وان فەرمانێن دل ب ئێش گرتی دكەتە وێنە و بەردەوام ل بەرچاڤێن خەلكێ ڤێ دەڤەرێ و جڤاكا ئێزدی نیشانددەت و دئینتە بیرا وان كو هەردەم تووشی ڤان كۆمكوژیا هاتینە و بووینە ژێرخانا وێرانكرنا ڤێ دەڤەرێ ئەڤە ژی دبتە ئەو وێنە ئەوێ هەردەم دبیردانكا باب و كالێن ڤێ دەڤەرێ دا دگەریت و دئێتە ڤەگوهاستن بۆ لاپەرێن دیرۆكێن كەڤنار و هەتا نۆكە ژی ئەڤ وێنێن ب ئێش و كەدەر ل ناخێ جڤاكێن ئێزدی دایە و نەهاتیە راوەستاندن ودگەل ڤان كارەساتان ژی كو سەد سالیا بیستێ و بیست و ئێكێ كو سالێن پێشكەفتنێ و پێكڤە ژیانێ و شەهرە واریێ و پێشكەڤتنێن هەری مەزنن د مێژویا مرۆڤان دا ،رەنگە ئەو ژی نەبوونە ئاستەنگ ل بەر نووترین ئێرشا قركرنا ئێزدیان،بەلێ هەر حەفتێ سێ فرمان بوونە كومێت هەری مەزن دبیردانكا ئێزدیان توجاری ژی نەهاتن ژبیركرن رەنگە ئەڤە ژی ئەو پێلێن گران و دژواربوون ل هەمبەر كەڤنترین ئاینێن دەڤەرێ.
هەلبەت ئەڤێ رەوشا گران و خەتەر هەر ئاراستەك و وەربادانەك وە چەرخانەك گوژەك دژی ڤی چەنگی هەلددا ژبۆ وێ یەكێ كو بتنێ هزرو نێرێن ڤی جڤاكی بێنە گوهارتن و جڤاكێ ئێزدیاتی بەرەف كێمبوونێ ڤە ببەن،ئەڤە ژی خالێن هەری گرنگن كو بێنە سەلماندن و گەنگشەكرن لسەر پرانیا دەزگەهێن میدیایی رەوشەنبیری و رۆژنامە و گۆڤاران دا،لێ سەرەرای ڤان هەموو ئازاو مەینەتێت گران كو تشتێ هەری گرنگ ژ هەموویان بهێن مژارەكرن ئەوە كو ئەم ل سەر ب سەكنین د كۆمكوژیا فەرمانا ژ هەموویان دەردەسەری كرن و تالان كرن ،رەڤاندن، و كوشتن ،و شە هیدكرن ، و بێ سەرو شوونكرن كوئەڤ فەرمانا ڤێ داویێ یاكو ب دەستێ هێزێن توندرەوێن هۆڤ رێكخراوا تیرۆریا داعش هاتیە هەژاندن ل سەر ئاستێ هەموو جیهانێ ئەو بوویە كو شنگال داگیركری كو ئەڤ كارەساتا شنگالێ بۆ هێلینا سَیویێن بێ دایك وباب ، ئەگەر ل سەر سێویتیا ڤان زارۆكان براوەستین دێ بینن كو گەلەك دیمەنێن دل ئێش ل ناڤ دا هەنە كو تانۆكە پرانیا وان ماینە بتنێ بێ كو دایك و خوشك برا مابن ئانكو هەر زارۆكەك بتنێ مایە بێ كو ئەندامەكێ دی مابت ژ خێزانا وی ئەڤە ژی كارەساتێن هەری گرانن كو زارۆك ب چ رێ دێ هەست ب هەبوونا خۆ كەت ئانكو ب چ شێوە دێ خۆ ناسكەت كو زارۆكەكە د وەلاتەكێ دا دژیت هەست ب وێ یەكێ ناكەت كو ئەڤرۆ ژیان ل سەر سەرێ وی دا بوویە زیندانەك بێ دوماهیك و خودان توخیبەك و چارەنڤیسەك رەشبین.
دەنگێ خۆ دگەهینم جهێن پەیوەندیدار و شۆلەژێ كو زارۆك مینا دەولەتەك سەركەفتیە و ل سەردەستێ ڤی زارۆكی پاشەرۆژەك دگهۆرینێ دا هەیە و ئاڤاكەرەكە بۆ هەموو تەخ و چینێن جڤاكی،ئەڤجا یاگرنگە كو ئەڤ هێلینە بیتە جهێ جاڤدیریكرنێ و چارەسەركرنێ ،هەردیسان پەیداكرن و دابینكرنا هەمی پێتڤیێن وان یێت رۆژانە ژلایەكێ دیڤە پێتڤیە حكومەتا هەرێمێ رابت ب دامەزراندنا سەنتەرێن جۆراو جۆر بۆ ڤەكرنا ڤان زارۆكان كو رۆژانە رابن ب گهۆرینا هزروبیرێن وان ژ مەترسیا ڤێ كارەساتێ خالێن بەردەوام بوونا ژیانێ بهێن گەنگەشەكرن،هەردیسان ئازارو مەینەتێت وان ببنە ڤەكرنا دەرگەهێت نوویاتیا هند،دا بێنە هژمارتن وەك زارۆكێن هەموو جهیانێ هەست ب هەبوونا خۆ بكەن و ب بنە پاشەرۆژەك بۆ مللەتێ خۆ.
تُتاح هذه الصورة أيضا في: کوردی
