دابەزینا ئاستێ زانستی هۆكار وچارەسەری ؟؟هۆیێن فێركرنێ وەك ئەگەرەك؟
فەهمی بابێ رۆژانێ
هەكە ئەم بێژین قوتابخانە وبتایبەت قۆناغا بنەرەتی كارگەها بەرهەم ئانینا سەر كردەو فەرماندێن پێشەرۆژێ یە هێشتا كێمە بۆ رۆلێ قوتابخانێ یێ پیرۆز ژبۆ پێگەهاندنا نفشەكی خودان شیان وهەلوێست و وێرەك ودەست پاكژ،كو ل ئاستێ هەستیاریا قۆناغێن نازك وهەستیارێن داهاتی بن،بەلێ هەكە ئەم بەرێ خوە بدەینە قوتابخانێن مە ژهەمی لایانڤە دپێتڤی ل سەر راوەستیانێ نە،ژبۆ پەیداكرنا ژینگەهەكا ساخلەم ژبۆ بلندكرنا ئاستێ زانستێ ورێژا سەركەفتنێ وبەرهەڤكرنا قوتابیەكی زانا وهشیار وبیر تیژ.
ژوان هۆكارێن ساخلەم دابینكرنا هۆیێن فێركرنێ یە بۆ هەمی قوناغێن خواندنێ ژبۆ ئاسانكرنا تێگەهشتنێ وئاڤاكرنا هزر وبیرێن قوتابی وئەڤە گرێدای بودجێ وەزارەتێ یە وبەهرا پەروەردێ ومەزاختنا وی بودجەی بشێوەكی زانستی وزەلال ومفادار ودابینكرنا هەمی پێتڤیێن قوتابخانان ژهۆیێن فێركرنێ ژلایێ رێڤەبەریا تایبەت ب دابینكرنا هۆیێن فێركرنێ ڤە وئەكتیڤكرنا رۆلێ وێ كو بەردەوام داخواز بكەت ژ لایەنێن پەیوەندیدار بۆ دابینكرنا هەمی هۆیێن فێركرنێ لدەمێ گونجای وداخوازێ ژهەمی رێڤەبەریێن پەروەردا بكەت بێن وبەهرێن خوە وەرگرن ومفا ژێ ببینن وەكی وێنێن بابەتێن زمانێ كوردی وپیت وبرگان وپەرتوكێن خۆشنڤیسێ وبۆ بابەتێ بیركاریێ خشتێن لێكدانا وهەرچار كریارێن ژمێریاریێ ووێنێن رەنگاو ورەنگ وهەروەسا بۆ بابەتێ زمانێ عەرەبی وئینگلیزی و وێنێن چالاكیێن بابەتێ زانستێ وهەمی كریارێن گرێدای ناڤەرۆكا بابەتی وپۆستەرێن هەمی ئەندامێن لەشێ مرۆڤی وروەكان وداتا شۆ وفیلمێن زانستی دابین بكەن وبۆ بابەتێن جوگرافی ومێژوو دڤێت نەخشێن كوردستانی وهەمی وەلاتێن دپرۆگراما دە ودگەل یێن دیرۆكی دمێژووێ دا ویا باش ئەوە دگەل پەرتوكێن بابەتان بێنە دابەشكرن بەری دەوام دەست پێ بكەت،ژبەركو كاریگەریا مەزن ل سەر مامۆستایێ بەرێز پەیدادبیت ژنەبونا هۆیێن فێركرنێ وهەبونا وان ئاسانكاریەكا باش بۆ قوتابی چێدكەت چنكی چەند بتر ژ هەستە وەرەكی پشكدریێ دكریارا فێربونێ دا بكەت دێ قوتابی باشتر وەرگریت وژبیر ناكەت ودگەل كریارێن دی یێن مامۆستا لسەر تەختە سپیێ بۆ وان رۆندكەت وەكی دەركرنا پوختێن بابەتان ووێنەكرنا هندەك بابەتان وچێكرنا راهینانان ودانا ئەركێ مال یێ رۆژانە ودیڤچۆن وهەلسەنگاندنا بەردەوام ودانا نمران وبرەفتارێن دلینی وپەروەردەیی وناڤتێدانا ئەوێن لاواز وهاندانا وان دگەل سەمیانێن وان وبێ ترس وتۆقاندن وهەرەشە چنكی ئەنجامێن خراب ژێ دروست دبن وهەر ئەڤ قوتابینە دێ ببن سەركردەو فەرماندێن مە ودڤێت بباشی بێنە بەرهەڤكرن ژبۆ ئازادكرنا هەمی پارچێن كوردستانا بندەست وراگەهاندنا دەولەتا كوردستانا مەزن وهەڤگرتی.
تُتاح هذه الصورة أيضا في: کوردی
