ل سەر راسپاردێ “سەرۆك بارزانی” چارەنڤیسێ ٤٠٠ قوتابیێن شنگالێ قورتال دبە
تۆرا لالش یا راگەهاندنێ
ژبۆ قورتالكرنا چارەنڤیسێ نێزیكی ٤٠٠ قوتابیێن پۆلا دوازدێ یێن شنگالێ و راكرنا وان ئاستەنگ و رێگریێن یاسایی داكو ئەو قوتابی ل قوتابخانێن (تاخی) یێن كوردستانێ بێنە وەرگرتن،پشتی هەولدان و دووڤچوونەكا بەردەوام یا بەرێز “شێخ شامۆ” ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش ل دهۆكێ ب نڤیسینەكا فەرمی ل رێككەفتی 15/11/2016ێ،گازیا ڤان قوتابیان گەهاندە جەنابێ”سەرۆك بارزانی”ژبۆ چارەسەركرنا كێشەیێن وان داكو ژ خووندنێ بێ بەهرنەبن.
ل سەر راسپاردەیێن جەنابێ”سەرۆك بارزانی” وەزیرێ پەروەردا هەرێمێ رەزامەندی دا ئەو قوتابی بێنە وەرگرتن و ل دووڤ ڤان دوو ئاستەنگ و مەرجێن ل خوارێ دیاركری بێنە لادان ،داكو ئەو قوتابی بێنە وەرگرتن:
1_ كێشەیا ب سەرڤەچوونا تەمەنێ قوتابی.
2_كێشەیا(دوو سالێن كەفتنێ) كو سالێن كارەساتێ(2014_2015) و (2015_2016) نێنە هژمارتن كەفتی.
هەروەسا پەروەردا مووسل و وەزارەتا پەروەردا عێراقێ گەلەك هەولدانكرن،كو چارەیەكێ بۆ وان بكت،بەلێ بەداخەوە رەزامەندی نەكرن.
تُتاح هذه الصورة أيضا في: کوردی