شنگال بوو ئێك ژ سمبولێن هەڤناساندنێ ل سەرانسەری جیهانێ
جوان بەرواری 
شنگال ئێك ژ دەڤەرێن هەرە بەرنیاسە ل سەر نەخشەیێ هەرێما كوردستانێ و ب دیرۆكەكا دۆم درێژ هاتیە ناساندن و بوویە ئێك ژ جوگرافیێن هەرە بلند و كاراكتەر د درێژاهیا مێژوویێ دا،هەردیسان شنگال ب هەموو دەوروبەرێن خۆڤە كەڤتیە بەر پێلێت گران و شەپۆلێن پری ئێش كەردر ب سەرداهاتینە و هەردەم تاك رەویا وێ یەكێ ل بەرچاڤ گرتیە بوویە ئێك ژ مەزنترین لاپەرێن دیرۆكا كوردێن رەسەن و هەردەم پالپشتی بوو وێ چەندێ كریە كو بكارن سیستەم و رەسانایەتیا كلتۆرو چاندا خۆ ل پشت خۆ نەهێلێن و كار ل سەر بكن مینا باب و پاپیران ئەڤە ژی ڤەدگەریت ئێك ژ بنەمایێت هەرە سەرەكی و گرنگ دبیرودوز و چارچوڤێن ئولاتیێ دا.
هەردیسان سەرەرای ڤێ هەموو رەنج و كەدو دەربەردەربوونێ ئازورمەنیەت و كارەساتێن پری خەمگین و رۆژێن رەش خەلكێ شنگالێ ئانكو ب گشتی كوردێن ئێزدی بەردەوام راستی كارەسات و فەرمانێن مەزن و دژوارو گران بوویە،لێ لدووڤ ڤان ژێدەرێن هەتانۆكە ل بەرچاڤێن مە كو داوی عیوانێ راستەقینە یا هوڤاتی یا دوژمنێن كوردان و مرۆڤایەتیێ بوو بەرامبەر ئەڤی خەلكێ ژارو بەلەنگاز كو ب هەزاران كوشتن ئێخسیركرن و رەڤاندن و تالانكرن و وێرانكرن ، هاتیە دیتن د شنگالێ دا ڤی رەنگێ كارەساتا شنگالێ دیرۆكەكا پری خەمناكتر وپێشەرۆژەك نەدیارتر سەپاند ومینا وەلاتەك پری قەیران كێشەوگرفت،زێدەباری وێ چەندێ كوئەڤێن هەنێ كۆمەكا ئەگەرانە كو چ ئاسویێن گەش و چ پێشەروژێن زەلال ل بەرچاڤێن وان دیارنەبن ل دووڤ گۆتنێن باب و پاپیران كو ئەو فەرمانێن ب سەرێ شنگالێ دا هاتین هەتا نۆكە ژی ماینە دبیردانكا لاپەرێن ژیانا وان دا كو مەزنترین كارەساتا رەشبین و گران ب سەر دا هاتی ئێك ژوان ئەڤ فەرمانا رێكخراوا تیرۆرستیا داعشێ بوو كو كوردێن ئێزدی دەربەدەری رۆژێن سەخت و گران بوون و پرانیان كچ وژنێن وان بوونە قوربانیێن ڤێ كارەساتا دلتەزین و هەردیسان مال و مولك و سامانێ وان بوویە ئێك ژچارچۆڤێن رەشكرنا ژیانا وان،لێ سەرەرای ڤان هەموو ئاستەنگان وفەرمانان ڤێ رێكخراوێ كاری جهێ خوۆ دناڤا نەخشەیێ عێراقێ دابكت و هەولا وێ یەكێ دكر كو ڤێ پارچا جوگرافیێ ژی بكەتە دنەخشەیێ خۆ دا لێ هێزا وان تێرا وێ یەكێ نەكر كو بكارن وێ داگیركرنێ بهێلن دناڤا دەستێن خۆ دا ئەڤە ژی بەرهەمێ وێ رەنج وخوونا شەهیدێن كوردستانێ و پارچەیێن دی یێن كوردستانێ دئیننە بیرامە و ب هاریكاریا وان كارین شنگالێ ژ دەستێ ڤێ رێكخراوا هۆڤاتی رزگاربكن.
هەردیسان شنگال بوو ئێك ژ سمبولێن هەڤناساندنێ ل سەرانسەری جیهانێ و دكارم بێژم چیایێ وێ بوو ئێك ژ شاكارێن هێمایێ بلند ل سەر مەدیا و تۆرێن جڤاكی و زاردەڤێن خەلكێ جیهانێ هەموویێ، ئەڤە ژی رەنگە د مێژوویێ دا بتە ئێك دیرۆكێن گرنگ بۆ دەستكەڤتێن مللەتێ كورد لێ دڤێ هەموو شروڤەكرنێ ناڤەرۆكێ دا ئەرێ دێ چارەنڤیسێ شنگالێ پشتی ژناڤبرنا رێكخراوا تیرۆرستیا داعش چ بت ؟ پێتڤیە شنگال ب هژمارا جینۆسایدكرنێ بێتە هژمارتن و هەردیسان هەر لایەنەكێ بەشداری درزگاركرنا وێ داكری ب شێوەیەكێ مجاملەكرنەكا رێك پێك وبێ هەڤركی كرن بێتە چارەسەركرن و ب شێوەیەكێ ئێك رێزی ،هەردیسان ئەو خالێن كو شنگال كریە گۆرستان جارەكا دی بنە خالێن كارپێكرنێ و ڤەگوهاستنا هەموو پێتڤیێن خزمەتگوزاریێ و ب شێوەیەكێ گشتی كو شنگال بێتە سنوركرن ل سەر رێكخستنەكا رێك پێك،كو خەلكێ وێ دەما ڤەدگەرن ب شێوەیەكێ ئەمنیەتكری بچن ل سەر مال و وارێن خۆ دا كو شنگال ژڤی بارێ گرانێ فەرمانان بێتە رزگاركرن.
تُتاح هذه الصورة أيضا في: کوردی
