ئەنجامێن توندوتیژیێ لگەل قوتابییان ومەترسیێن وێ ؟؟؟
فەهمی بابێ رۆژانێ 
توندوتیژی دئێتە ناسین وەك رەفتارەكا ب هێزا هەرەشێ و وەكی ڤایرۆسەكی هەلگرێ –ئێشاندن وچەوساندن –وژناڤبرن یان لۆمە كرن –لێدان وبكارئانینا چەكی ،وتوندیا خێزانی دیار دبت ب زیانێن جەستەیی ودلینی ودەروونی وژلایێ كەسەكی ڤە ژ خێزانی وپەروەردا توند دناڤ خێزانی دا یان ل قوتابخانێ گۆشەگیریێ وترسێ ولەرزۆكیێ وبێ باوەریێ وگریێن دەروونی پەیدا دكت.
هەكە ئەم دیتنەكا مێژوویی ل بارێ جڤاكی یێ عێراقێ وبتایبەت ل كوردستانێ بكەین دێ بینین كو مرۆڤ كۆمەكا بەهرە و رەوشتا هەنە وهندەك رەفتار وبەهرێن دی نەدگەل مرۆڤی پەیدابوینە،بەلكی ژجڤاكی وژینگەهێ بۆ هاتینە چ ژمال یان ل قوتابخانێ یان ژ جادێ وەرگرتینە وبۆ ماوەكێ درێژ خوە ل سەر سەپاندینە ب بەهانا كو دگەل كەتوارێ جڤاكی دگونجن وئەو بەهرێن وەسا بووینە بارەكی گران ومەترسیدار ل سەر جڤاكی وتاكێ عێراقی،ژبەركو نفشەكی بێ هەلوێست وسەرشۆر بۆ دەستهەلاتێ پەیدادكر،چنكو نەدهێلا دەربرینێ ژبۆچۆنێن خوە بكت ویا موكور بۆ ل سەر فشارێ ل سەر جڤاكی ونەدهێلا ب ئازادی بژین و وەك پاشمایێ خوە دهژمارتن،لەوما هەتا نۆكە ژی دێ بینین كوڕ زارەڤەكی بابێ دكت ژلایێ خۆ سەپاندنێ وسەركوتكرنێ ڤە وژبەر ئاریشێن ئابوری وئاستەنگێن دارایی ودەستكورتیێ وهەژاریێ وبەلەنگازیێ كو باب نكارە پێتڤیێن زارۆكێن خوە دابین بكت وئەڤە نیڤشكێ ئاریشایە،هەروەسا ل قوتابخانا هەكە بودجەیەك نەبت پێتڤیێن قوتابی وقوتابخانێ دابین بكت ل قۆناغێن جۆراوجۆر ئەڤەژی ئاریشەكا مەزنە بۆ قوتابی،ژبەركو زۆربەی بودجێ وەزارەتێ بۆ موچێن فەرمانبەران ومامۆستایان دچت وهەروەسا ژبەر نەبوونا پلانێن گونجای هندەك ژبودجەی دزڤرتە دارایی بێ مەزاختن وژبەر ڤان ئەگەرێن ل سەری دیاركری زۆربەی قوتابیان دكەڤن یان ئاستێ وان یێ زانستی زۆر یێ لاوازە ودرەنگ فێردبن وهندەك ژلایێ دەروونی ڤە تێكدچن وەكی( تأ تأ-لەجلەجە-فأفأ) ل نك چێدبت وگەشەبوونا وان یا جەستەیی گیرۆ دبت ژبلی خەمۆكیێ ونەگوونجاندنێ دگەل دەوروبەران وترس ولەرزێ ل مال وقوتابخانێ وكۆلانێ ودێ هەست كت كو نەیێ خۆشتڤی یە وئەڤە گەفە ل سەر بارێ وی یێ دەروونی ودێ پێتڤی ب تەنایێ وجێگیریێ بت كو ئەڤە گرنگترین پێتڤیێن وی یێن ئاڤاكرنا دەروونی نە و هەكە نەزۆربەی وان قوتابخانێ دهێلن و دكەڤنە كۆلانا یان كارێ كو نەگونجت دگەل ژیێ وان دكن.
بۆ ئاڤاكرنا قوتابیەكی دەروون ساخلەم وسەركەفتی دڤێت هاریكاری دناڤبەرا خێزانێ وقوتابخانێ دا هەبت بۆ پەیداكرنا ژینگەهەكا ساخلەم بۆ خووندن وگەشەكرنا قوتابیان ب رێیا كۆمبونێن دایك وبابان ودابینكرنا پێتڤی وژینگەه وئارامی ودلۆڤانیا دلینی دگەل قوتابیان بۆ سەركەفتنێ و وەرارا ساخلەم وكەساتیەكا بهێز وباوەری بخوە هەیی وچاڤ ڤەكری ونەترس و وەلات پارێز وكوردپەروەر،چنكو ئەوە سەركردە وفەرماندێ پێشەرۆژا مللەتێ مە یێ دێرین وبێ وەلات وپارچەكری خودان دیرۆكا پری كارەسات ودەردەسەری وداستانێن مەرگەساتی ومە هێشتا پێنگاڤا ئێكێ بدروستی نەئاڤێتیە وهێشتا رێیا خەبات وكاروانێ ئازادیا كوردستانا مەزن زۆر یا دوورە ودەوربەرێن مە هەموو نەیارن ونەحەزێن مە ل دەرفەتا دگەرن، دا ئەڤا بدەست مەڤە هاتی ژناڤ ببەن،لەورا دڤێت ئەم زارۆكێن خوە لسەر دلینیێ وزانینی ووەلات پارێزیێ وكوردپەروەریێ ئاڤاكەین نەك ب توندو تیژیێ وچەوساندنێ وەكی ئەم ل سەر هاتینە پەروەردەكرن وكەس ژمە نینە چەندین گریێن دەروونی نەبن،لەوما ب ساناهی زۆربەی خەلكێ مە دهاتن خاپاندن ودژی مللەتێ خوە كاردكرن وهەتا نۆكەژی هندەك ژوان دئێنە خاپاندن.
تُتاح هذه الصورة أيضا في: کوردی
