ته‌مموز 31, 2025

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ لالش باعەدرێ پتر ژ (80)قوتابیێن زیرەک و سەرکەفتی و رێڤەبەرێن قۆتابخانان خەلاتکرن.

تۆرا لالش
ب هەلکەفتا ب دوماهیک هاتنا سالا خواندنێ 2024 /2025 و ب مەرەما ڕێز ل ماندووبوونا قوتابیێن زیرەک و سەرکەفتی و ل ژێر چاڤدێڕیا سەرۆکێ دەستەیا بلندا بنگەهێ لالش بەڕێز (سعيد جردو) ئیرۆ رۆژا سێ شەمبوویێ رێکەفتی (29 / 7 / 2025) بنگەهێ لالش تایێ باعەدرێ پتر ژ 80 قوتابیێن زیرەک و سەرکەفتی ل سنوورێ سەنتەرێ ناحیا باعەدرێ ل هۆلا باعەدرێ یا بیرەوەریا خەلاتکرن.
ڕێ و رەسمێن خەلاتکرنێ ب رێڤەچوون ب ئامادەبوونا کارگێرێن لقا 20 یا پارتی دیموکراتی کوردستان ڕێزداران (هڤال صالح نرمو) و (سفر ئاڤریڤی) و سەرۆکێ دەستەیا بلندا بنگەهێ لالش ڕێزدار (سعيد جردو) و بەرپرسێ لیژنا ناوچا باعەدرێ بەڕێز (نجیم الیاس) و خانم (ژیان حسن ) بەربژێرا پارتی دیموکراتی کوردستان بۆ پەرلەمانێ عیراقێ و کەسایەتیێن رەوشەنبیری و جڤاکی و پەروەدەی و ریهسپی و موختار و کارگیریێن قۆتابخانا و تەخا ئافرەتان و سەمیان و مالباتێن قوتابیێن زیرەک و نڤیسینگەها لالش ئێسیا و تەخ و پێکهاتێن جودا یێن باعەدرێ و دەڤەرێ.
پشتی چەندەکێ وەک رێزگرتن ژبۆ شەهیدێن بزاڤا ڕزگاری خوازا گەلێ کورد سەرکێشێ وان بارزانیێ نەمر ڕێ و رەسمێن خەلاتکرنا دەستێکرن
ل دەستپێکێ بەرپرسێ بنگەهێ لالش تایێ باعەدرێ (م خلات باعەدری) بخێرهاتنا تەڤایا ئامادەبوویان کر پیرۆزباهی ل قوتابیان کر و رۆلێ مالبات و کارگێریا ئینا زمان و تەکەز ل سەر مەرەم و ئەگەرێن ڤێ هێڤاریێ کر
لدووڤدا چاڤدێڕێ چالاکیێ ڕێزدار (سعيد جردۆ) سەرۆکێ دەستەیا بلندا بنگەهێ لالش پەیڤا بنگەهێ لالش پێشکێشکر، د پەیڤا خۆ دا پیرۆزباهی ل قوتابیێن سەرکەفتی و زیرەک و مالباتێن وان دەستەیێن کارگێڕی قۆتابخانا کر،هەروەها پشتەڤانی بنگەهێ لالش دا خویاکرن ب پشتەڤانیا حکومەتیا هەرێما کوردستانێ ب سەرۆکاتیا ڕێزدار مسرور بارزانی و ئەڤە و چەندین پرس و بابەت و خالێن گرنگ تەڤلی گۆتنێن خۆ کرن.
ل داویێ تەڤایا قوتابیان دگەل کارگێڕییێن قۆتابخانا هاتنە خەلاتکرن ب خەلاتێن بنگەهێ لالش تایێ باعەدرێ و ژلایێ بەڕێزێن ئامادەبووی ڤە هاتنە پارڤەکرن د هێڤاریەکا بالکێش و جەماوەری دا.
         

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi