ئەگەرێ پەیدابوونا شەری و وێرانكرنا دەڤەرێ كینە؟
قاسم عەلی ئەلقەیرانی
پشتی هێرشێن داعش ئانكو دەولەتا ئیسلامێ ل عێراق وشام بۆ سەر هەردوو پارێزگەهێن مووسل وئەنبار،ترسەكە مەزن كەفتە ناڤ خەلكێ ودەربەدەری وئاوارەبوون ل پارێزگەهێن عێراقێ یێن ناڤەندی وژناڤچوونا هێزێن میری ل وان دەڤەرا دزڤرت بۆ خیانەتێ وپێنگاڤەك بوو بۆ داعش.
پشتی سێ هەیڤا دەڤەرێن مادا 140 هاتینە بەردان وخەلكێ وان دەڤەرا دەربەدەر بووی ژخیانەتا ئەرەبا بوو، دوان چەند مەها دە چەند دەڤەرەكێن گرنگ بۆ حكوومەتا ناڤەندی شكەستن خوار ب تایبەتی باژێرێ صلاح الدین وجرف الصخرئەوژی ژبەر خیانەتا ئەرەبا بوو، دوێ سالێ دە چەندین پەقین ل پایتەختێ فەرەنسا ل پاریس چێبوون ئەڤە هەموو دبن بالگیا ئەرەبا دەبوون، ل سالا 2014 دەڤەرەكا كو گرنگیەكە مەزن دنەخشێ عێراقێ دە هەی وباژێرەكێ كوردی یێ رەسەن شنگال وجیەكێ ستراتیجی بوو دناڤبەرا عێراقێ وسوریا دە كەفت وتووشی باركرن وكوشتن ورەڤاندن و وێرانكرنێ بوو،داوی ئامارێن كوردێن ئێزدی ل وێ دەڤەرێ ئەو ژی (5000)ئێخسیر ژ ژن وزارۆك وكچ وپیرا و نێزیكی( 7000)ئێزدی شەهید وبریندار ژخەلكێ شنگالێ و دۆرێن( 500000) ئێزدی جیێن خۆ هێلان ونۆكە ئاوارەنە دبن خیڤەتان دە و دكاودانەكێ نەخۆش دانە ئەڤە ژی ئەرەب ئەگەر بوون،پشتی داعش تاوان ب دژی شیعا ل صلاح الدین ئەنجامداین دەمێ 1700كەسێن بێ گونەه ل سبایكر كوشتین یا كو ئەو وتاوانێن شنگال دئێنە هژمارتن تاوانێن ڤی چەرخی ئانكو چەرخێ بیست وئێكێ هندەك هێز ل ژێر ناڤێ حشدا ئەلشەعبی هاتنە پێكئینان وسەركردە وقارەمان دناڤدە دیاربوون ب هاریكارییا ئێكسەر ژئیران وحكوومەتا ناڤەندی پشتی رازەمەندییا مەرجەعییا شیعی حەشدا ئەلشەعبی كاری چەندین ئەردێ عێراقێ ژدەستێ داعش رزگار كت وداعش ژێ دەرئێخت ئەوژی جرف الصخر ونۆكە ب جرف النصر دئێتە ناسین پشتی چەندین چەكدارێن داعش لێ كوشتین وپشتی وێ صلاح الدین یا كو پشتی هنگی ب چەند هەفتیەكا رزگاركری دگەل چەند بەشەكێن بەرفرەه ژ ئەنبار.
پشتی شكەستنا شنگال وئەو كاودانێن نەچاڤەرێكری یێن ل مەخموور وگوێر چێبووین هێزێن پێشمەرگەی ب هەڤكاری دگەل هەڤپەیمانا كاری دماوێ مەهەكێ دە وان دەڤەرا ب زڤرینت وفەرە ئەم وان سەركەفتنا ژبیرنەكەین و یا ژهەموویێ گرنگتر ئەم وان هەر سێ برایێن ل گەلێك ل دەڤەرا زوومار شەهید بووین ژبیرنەكەین كو دهندەك كەنالێن تلەفزیۆنی هاتە دیاركرن كو داخوازا خەلكێ دەڤەرێ ئەو بوو كو ئەوێ دەڤەرێ ب سێ برا ب ناڤ كن،ژبەر قارەمانی وچەلەنگییا وان دئێك رۆژێ دە و ل ئێك جی ول ئێك ساتری خۆ گۆری كوردستانێ كرن.
تُتاح هذه الصورة أيضا في: کوردی
