دەرفەتا دامەزراندنێ دێ بۆ رزگاربوویێن ژ دەستێ داعشێ بت
تۆرا لالش یا راگەهاندنێ
رێڤەبەرێ كەمپا شاریا دیاركر:”ێزیكی 200رزگاربوویان ب هەموو تەمەنان ل كەمپێ دا دژین و خەلك ژی ب چاڤەكێ تایبەت بەرێ خۆ ددەنێ و هەر رێكخراوەكا پرۆژەكی یان تشتەكی پێشكێشی ئاواران بكت بەری هەر تشتەكی پلە ئێك گرنگیێ ددەینە رزگاربوویان،مە دامەزراندن یا هەی ئەگەر هاتوو لدووڤ ئاستێ رزگاربوویان بت بەری هەموویێ دەرفەتێ ددەینە وان بدامەزرینین”.
هەكار محەمەد دیاركر:”ژمارا رزگاربوویێن دەستێ داعشێ ل كەمپێ نێزیكی 200رزگاربوویانە ب هەموو تەمەنان كو ژ زارۆكان و هەتا دانعەمران،وەك كارگێریا كەمپێ مە چوو بودجێن تایبەت نینن بۆ ڤان رزگاربوویان تەرخان بكەین و خزمەتا وان پێ بكەین،لێ لدووڤ راسپاردێن رێڤەبەریا جێبەجێكار و بۆردێ كاروبارێن مرۆڤایەتی ئەم هاتینە راسپاردن تایبەت خزمەتا ڤێ توێژێ بكەین،دەستپێكێ وەختێ ژ دەستێ داعشێ دەردكەڤن و دئێن ژلایێ ساخلەمیێ ڤە پشكنین بۆ دئێنە كرن،هەكە ئێشەك هەبت و پێتڤی چارەسەریا پزیشكی بت دێ ب رێیا رێڤەبەریا گشتی یا ساخلەمیا پارێزگەها دهۆكێ بۆ را ئێتە كرن،دناڤ كەمپێ دا ئەڤ كەسێ بێت یێ بێ خودان بت ئەم خیڤەتەكێ ددەینێ و ب رێیا رێكخراوان دۆشەك و بەتەنیا و سۆپا ل دووڤ شیانا چ تشتێ بەرهەڤ بت ددەینێ و هاریكاریێ بۆ دكەین و دبێژنە خەلكێ دەوروبەر ژی هاریكاریێ بكن بۆ كەلوپەلێن نڤستنێ و خوارنێ،گۆتژی ئەم ناڤێن وان دنڤیسین دگەل رێكخراوا (WFP)بۆ دانا ئەرزاقی،هەروەسا ب رێیا رێكخراوا قەندیل هندەك هاریكاریێن مادی بۆ دئێن،هەر رێكخراوەكا دئێتە دناڤ كەمپێ دا پرۆژەكی یان تشتەكی پێشكێشی ئاواران بكت بەری هەر تشتەكی پلە ئێك ئەم گرنگیێ ددەینە رزگاربوویان و ل دووڤ دا ددەینە زارۆكان”.
رێڤەبەرێ كەمپێ ئەو چەندە ژی دیاركر:”ل كەمپێ دا مە دامەزراندن یا هەی وەختێ دامەزراندن بت ئەگەر هاتوو لدووڤ ئاستێ رزگاربوویان بت چ نێر یان مێ بت ئەگەر ئەو جه ژ هەژی وان بت ئەم بەری هەموویێ دەرفەتێ ددەینە وان بدامەزرینین،ئەگەر هاتوو دوێ خێزانێ دا كچەك یان كورەك ژدەستێ داعش دەركەفت بت و نكارت ل رێكخراوەكێ كاربكت ئەم هەول ددەین ئێك ژ خێزانا وی خودان باوەرنامە بت یان خودان شیان بت ل رێكخراوەكێ ددەینە كاری بۆ خاترا وی رزگاربوویی وەك رێزگرتن و هەموو دەما ئەم دبێژین (كچێن مە فریشتێت ڤێ دنیایێ نە و پەلگێن بەهشتێ نە) و ئەم سەرێ خۆ بۆ وان دچەمینین،ئاشكەراكر ژی هەماهەنگیەكا گەلەك بهێز دناڤ بەینا مە و رێكخراوان دا هەیە سەر بابەتێ رزگاربوویان وئەڤە ژی وەك ئەركەك ل سەر مە هەموویان ئەم خزمەتا ڤان دەیك و خووشكان بكەین”.
دربارەی رەوشا رزگاربوویان ل كەمپێ دووپاتكر:” هندەك هەینە رەوشا وان گەلەك یا باشە و هاتینە سەر سكێ خۆ یێ ژیانێ یێ بەردانا ژیانا خۆ وەك هەموو خەلكێ دی یێ نۆرمال و هاریكاریا وان ژی دكەین ،هندەك ژی وێت هەین هەتا نۆكە لبن وێ كارتێكرنا وێ بن دەستیا و زۆرداریا ژلایێ داعش ڤە هاتیە كرن ل بیرا وان و ل پێش چاڤێن وانە و هێش نەهاتیە ژیانا خۆ یا سروشتی و ل دووڤ شیانێن خۆ هەموو هەولان دكەین ب پشتەڤانیا حكوومەتا هەرێمێ ئەو تشتێ پێتڤی مە بۆ یێ كری و دناڤ جڤاكێ ئێزدی دا خەلكێ كەمپێ ژی ب چاڤەكێ تایبەت بەرێ خۆ ددەنە رزگاربوویێن دەستێ داعش ب تایبەتی ژنێ جهێ دلخۆشیا مەیە كو خەلك بخۆ ژی دپارێزن و دهاریكارن دگەل مەدا وئەگەر وەك كارگێریا كەمپێ نكارین تشتەكێ مەزن بۆ بكەین ژی ئەم پشت راستین ژ خەلكی وێ ڤالاهیێ تژی دكن”.
تُتاح هذه الصورة أيضا في: کوردی
