ته‌مموز 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جوان عزەت:لۆژیكێ‌ لڤین و نەلڤینێ‌

لۆژیكێ‌ لڤین و نەلڤینێ‌
جوان عزەت
مرۆڤ هەموو دەما حەز دكەت كەسەك بیت كو هەمی تشتێن وی ژ یێن دی باشتر بن و پەنایێ‌ دبەتە بەر وان كاران ئەوێن د زانیت كو دێ‌ وەرارەكا نوی ل نیك وی دروست كەت، بەلێ‌ ئەو د جهێ‌ خوە دا هەست ب جورێن كێماسیێ‌ دكەت، چونكو ل سەر وی نە یا پێدڤییە ببیتە كەسەك وەكو كەسێن دی هزربكەت، ئانكو ئەو ژیانا خوە ل ئاستێ‌ ژیانا هەرو هەر/ ئەبەدیێ‌ نابینیت، ئەڤ جورێ‌ مرۆڤی چجاران ناهێلیت ئەو ل سەر ئارمانجەكێ‌ تنێ‌ یێ‌ رازی بیت، داخوازا گەلەكێ‌ ژ هزر و شیانێن كو هەنە دكەت.
ئەڤ لوژیكا بەرەڤ لڤینێ‌ دچیت ئەرك و ملێن وی كەسی دخوازیتە ناڤ بارەكێ‌ گران و لڤین وی پتر دكێشتە ناڤ رەهێن كوراتیا ئێش و ئازار و نەئارامی و لێگەریان و ژیانا دونیایێ‌، مرۆڤێ‌ ب ڤی رەنگی گەشەكرنە بۆ پێشكەفتنا بوارێن جڤاكی، چونكو ئەڤە توخیبێن راستڤەكرنا باژێران د هەلبژرێن، هەموو دەما هشێن مرۆڤی د كارتێكەرێن پیشڤەچوونا رێكێن باژێرڤانیێ‌ دا دگەل هزركرنێ‌ ئالوزن. بەری جڤاكێن مرۆڤایەتی و باژێریێ‌ دروست ببن، ئەڤ سست و خاڤیا نها د دورهێلی دا هەیی نەبوو، هینگێ‌ روحا مرۆڤبوونێ‌ ل سەر ئێك پیڤەر و شیرەت برێڤەچوو، ئەو تشتێ‌ د ڤی سەردەمی دا هاتە بهیستن ل وی دەمی نە یێ‌ چێكری بوو بتنێ‌ بەر ب رەنگێن چێكرنێ‌ ڤە دهات، ئانكو ئەڤا نها ئەم خوە ژێ‌ بەرپرسیار نە بینین، واتە د ناخێن مە دا نە پاراستنا پرەنسپێن سروشتێ‌ باژێرڤانیێ‌ یە.
نابیت ئەم سەردەمێن كەڤن و نوی د ئێك تەرازویێ‌ دا هەلسەنگینین، بەلێ‌ ئەم دشێن دوو سەردەمێ‌ جیاواز ژ ئێك جودا بكەین و ئێكێ‌ بناڤێ‌ سەردەمێ‌ ئارامی و نەتێكدان و نەهوشیێ‌ بناڤ بكەین و یێ‌ دی ژی بكەینە سەردەمێ‌ نە ئارامی، تێكدان و ئالوزی و هوشیاركرنێ‌. ب ڤی مەرجی ئەو مرۆڤێن حەز بكەن هەردەم ل بەر با و سەقایێ‌ بێ‌ كێشە بن پەنایێ‌ د بنە بەر جیهانا خوە یا نەلڤینێ‌ و بەروڤاژی ئەو مرۆڤێن حەز دكەن جڤاكێ‌ وان پەیڤا وان نەخێرێ‌ گەرەنتی بكەت، بێگومان دێ‌ بۆ لایێ‌ هێرشێن گران، بەربەست و ئیشێن بەردەوام ب وەرارا لڤینێ‌ ڤە چیت، ئەڤە بخوە هاوكێشەكە زالبوونێ‌ ل سەر رێكخستن و گرنگییا پێنگاڤێن پێشكەفتنێ‌ دخوازیت.
ئەنجام: زوربەیا جڤاكان هەنە ژیانێ‌ ل سەر تاكی ساناهی دكەن و پێكولا زیندانكرنا هەلبژارتنێن وان دكەن دا بتنێ‌ هزر ل دەرڤە دا بكەن و هەست پێ‌ كەن، كو بێ‌ هەبوونا بەرپرسیاریەكێ‌ یان ژی ماندیبوونەكێ‌ نان، ئاڤ و ژین و ژیارا وان یا دستڤە هێت، بەلێ‌ ئەگەر ئەم ب شێوەكێ‌ زانستی و لوژیكی و تیوری بچینە ناڤ ڤی بابەتی دا ئەڤە مەزنترین خەلەتیا وان جڤاكا یە، كو رێكێ‌ ل بەر داهێنان و شارستنانیەتا پێشكەفتنا مرۆڤی و جڤاكێ‌ ئاستێ‌ بلند دگرن، چونكو مرۆڤ ب ڤی سالۆخەتی دێ‌ گەهیتە وێ‌ باوەرێ‌ چ ئەرك و بەرپرسیاری ل سەر من نین ئەویێن ژ من پێهەل و بلند تر و مافێن بریاران و هەلبژارتنان هەیی دشێن ژیانا من ژ روویێ‌ ئابووری و خوەشگوزەرانی و مافێن مرۆڤبوونێ‌ دامەزریینن، بەلێ‌ وێ‌ هزرێ‌ ناكەن كو ئەڤە بێ‌ ئەختوباریەكا مری یە دگەل وان دكەن، لەورا ل سەر پیڤەرێ‌ بەتالی، خازخازوكی و تەمبەلیێ‌ بەردەوام دبن، یا دیارە ئەڤ جورە جڤاكە وەرارا گەشەكرنا مرۆڤی د ناڤ دۆرهێلی دا دەتە كوژتن، داكو پتر سەقایەكێ‌ پیس و بێ‌ دەرمان بەلاڤ ببیت، بەلێ‌ پرسیار ل ڤێرێ‌ ئەوە مرۆڤ چاوان دێ‌ شێت ڤی دۆرهێلی بۆ سەقایەكێ‌ سەقامگیر گوهەریت؟!

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi