بۆچی دەستدرێژیا سكسی لسەر زارۆكان دئێتە كرن؟
عزەت برۆ 
دیاردەیا دەستدرێژیا سكسی لسەر زارۆكان ئێك ژ دیاردێن هەری مەترسیدارە لسەر ژیانا زارۆكان و هەروەسا دبتە ئەگەرێ نە ئارامی و دلگرانی و تێكدانا رەوشا جڤاكی ، ئەو كەسێن بڤی كاری رادبن تووشی نەخۆشیەكا دەروونی بووینە دبێژنێ (پیدوفیلیا) نەخۆشیەكە دەروونی و سكسی یە كەسێ نەخۆش وەسا لێ دئێت كو حەز و ئارەزۆیێن وی یێن سكسی بۆ زارۆكان زۆر دبن،رادبت ب كریارا دەستدرێژیا سكسی لسەر زارۆكێن تەمەنێ وان كێمتر ژ (14) سالی،پشتی ئەنجامدانا كریارا سكسی ژبۆ ڤەشارتنا تاوانا خۆ رادبت ب كوشتنا زارۆكان ب شێوەیەكی هۆڤانە،نەخۆشیا (پیدوفیلیا) ژ ئەگەرێ چ پەیدا دبت ؟ بتریا ئەو كەسێن ئەڤ نەخۆشیە هەی دتەمەنێ زارۆكانیێ دا دەستدرێژیا سكسی لسەر هاتیە كرن و هەروەسا ئێك ژ ئەگەرێن وێ تێكچوونا گهۆرینێ كیمایی دمێشكی دا،و تێكچۆنا كریارێن مێشكی ب تایبەتی ئەو پارچێن مێشكی یێن بەرپرس ژ حەزێن سكسی،هەروەسا چەپاندنا سكسی (كبت جنسی) نە دەرێخستنا حەزێن خۆ یێن سكسی ژبەر دابونەریتا و جڤاكێ تێدا دژیت ژبەر ڤێ یەكێ ڤان كریاران لگەل زارۆكان ئەنجام ددەت چنكو دزانت دێ كارت كۆنترۆلێ لسەر زارۆكی كت و زارۆكی ئەو دەستهەلات نینە بەرگریێ ژ خۆ بكت،نیشانێن ئەو كەسێن ئەڤ نەخۆشیە ل نك هەی ، ئەڤ كەسە بەردەوام بەحسێ ئەوان زارۆكان دكت ئەوێن تەمەنێ وان كێمتر ژ(14)سالی ،هەردیسان بەحسێ وان كەسا دكت یێن ماركرنا كچێ ل تەمەنێ كچك حەلال دكن ژبۆ بدەستڤەئینانا حەزێن خۆ یێن نە رەوا،هەردیسان ئەنجام دانا هندەك كارێن نە شەرعی وەك فارێبوون (انحراف) و هەروەسا ئەڤان جۆرە كەسا پەیوەندیێن جڤاكی یێن باش نینن،چارەسەری بۆ ڤان جۆرە كەسان،گەلەك شێوێن چارەسەریێ هەنە بەلێ یا ژ هەموویا سەركەفتی تر، دڤێت دەمێ ئەڤ نیشانە ل نك كەسەكی دیار دبت سەرەدانا نۆژداری بكت داكو چارەسەریێ وەرگرت و رێژا هۆرمۆنێت سكسی دناڤ مێشكێ وی دا كێم بت،هەروەسا خێزانا ڤان جۆرە كەسا دڤێت رۆلەكی كاریگەر هەبت دەمێ دبینت ئەندامەكی خێزانێ ئەڤ نیشانە یێت هەین و دڤێت پشتەڤانی و چاڤدێریا وی بێتە كرن ب زووترین دەم سەرەدانا نۆژدارێ تایبەت بێتە كرن،چنكو ئەو كەسێن ئەڤ نەخۆشیە هەین زوو ب زوو سەرەدانا نۆژداری ناكەن و خۆ ب كەسەكی نەخۆش نابینن.
تُتاح هذه الصورة أيضا في: کوردی
