كوردستان بوویە زەمینەیێ رەخساندنا ژیان و خۆش گوزەرانیا هەموو پێكهاتەیان
سەربەست خالد كۆچەر
هەرێما كوردستانێ مینا وەلاتەكی سەقامگیر و هێمن ،ئاشتی،ئێكگرتنا پێكڤەژیانێ لسەر ئاستێ نێڤ دەولەتی و دەرەكی تایبەت ل رۆژهەلاتا ناڤین هاتی یە ناساندن ، ناڤەندەكا ب هێزا برایەتی و پێكڤەژیانێ یە دناڤبەرا هەموو تەخ و پێكهاتەیێن كوردستانێ دا،كو دسەردەمێن جودا دا نەتەوە و ئایینێن دی ل جڤاكا كوردی دا ب برایەتی و ئێكبوونا ب هەڤرا ژیان بەردەوامی داینە ژیانێ،كوردستان پێشەنگ و پارێزەرێ سەنگەرێ بەرگری بوویە ل ماف و خواستێن هەموو پێكهاتەیان ژ روویێ هەرێمێ ڤە،ناڤەندی ،نێڤ دەولەتی و هەلگرا پەیاما راستەراست و راستەقینەیەكا بێ جێوازی یا تەڤ دەنگێ لایەن و پێكهاتەیێن ئۆلی و نەتەوەی بوویە ل جیهانێ،لەورا ئەڤ چەندە بوویە زەمینە كو پێكهاتەیێن ئایینی و نەتەوەی بەردەوام خواستی نە هەمبێزا پێكڤەژیانێ ل كوردستانێ بكن و لژێر سیبەر و سیمایێ جوانێ پێكڤەبوونەكا ب ئاشتی،گیانێ هەڤ برایەتی و ئێك دوو قەبولكرنێ ، لژێر سەركردایەتیا كوردستانێ ژیانەك باشتر و ژ هەژی ل هەرێمێ مسۆگەر بكن و بدەستڤە بینن،ئەگەر ب هووری تەماشەی وێ چەندێ بكەین سەدەمێ پێكڤەژیانا ڤان ئالیان چی یە؟ ئەو چەند ئاشكەرا دبت و بۆ وێ یەكێ ڤەدگەرت كو هەرێم و حكومەتا هەرێمێ تا رادەیەكی باش ماف و داخوازیێن هەموو نەتەوە و ئۆلان بێ جێوازیا مرۆڤی و نەتەوەی و ئایینی جێبەجێ كریە ، دیسان ئارامی و ئاڤەدانی و پاراستنا ژین و ژیارا خەلكێ هەرێمێ بوویە سەدەمێ جیێ ڤەحواندنا گشت دیانەتان و نەتەوەزانان ل كوردستانێ كو سیمایێ پێكڤەژیان،ئاشتیا جڤاكی و ناڤچەیێ ، دەڤەرێن ئایینێن دی لێ ئاكنجی پاراستنا وێ ب ئەركێ سەرملێ خۆ دانایە،ئەگەر ئاماژە ب رۆل و پێگەهێ حكومەتا هەرێمێ بكەم، نەخاسمە بەرچاڤ رونیەكێ بكەین ل سالا(2014)ێ دەمێ حكومەت تووشی دژوارترین قەیرانا دارایێ بووی ، د شەرێ مان و نەمانێ دا دگەل مەزنترین رێكخراوا تیرۆرستی یا داعش ، هەڤدەم داگیركرنا بەشەك ژ دەڤەرێن هەرێمێ ، ئەنجام دانا مەزنترین تاوان دژی خەلكێ شنگالێ و خوشك و برایێن ئێزدی ، ئاوارەبوونا بەشەكی زۆر ژ خەلكێ وان ناڤچەیان ، بەلێ ئەگەر حكومەتەك بهێزا و ئێكبوون و پێكڤەژیانا ئایینی و پێكهاتەیێن كوردستانێ نەبایە نهۆ كوردستان د رەوشەك نالەبار دابا و دقۆناغا نۆكەیا بەر ب پێشكەفتن،ئاڤەدانی نەدبوو،پێشوازی و سەرەدەریەكا باش دگەل ئاوارەیان هات كرن ، هەموو پێتڤی و خزمەتگۆزاری و جیێ حەواندنێ دابینكر بۆ خوشك و برایێن ئێزدی ، نڤیسینگەهێن تایبەتمەند ب رزگاركرنا كچ و ژنێن دەستێ داعش دا هات ڤەكرن ژلایێ سەرۆك وەزیران ڤە ، دەرئەنجام زۆربەیا هەرە زۆرا وان هاتنە رزگاركرن و كار ژلایێ حكومەتا هەرێمێ دئێتەكرن بۆ ناساندنا جینۆسایدا ئێزدیان ل جیهانێ و وێ تاوانا مەزنا دژی هەموو پیڤەر و پرەنسیپێن مرۆڤایەتیێ ل هەمبەری خوشك و برایێن ئێزدی هاتی یە كرن،ل ڤان داویان ڤەكرنا دێرەكێ بۆ ئەرمەنان كو بۆ جارا ئێكێ یە كەنیسەكا ئەرمەنان ل هەولێرا پایتەخت هاتی یە ڤەكرن ژلایێ حكومەتا هەرێمێ كو ب كوژمێ دوو ملیار دیناران بۆ تێچویێن وێ هاتبوو تەرخانكرن ، كو نهادا(120) هەزار كریستیان ، ئەرمەن ، مەسیحی ب هەموو لایەنان ل كوردستانێ ئاكنجی نە، واتە ئەو یەكە ئاشكەرا دبت ،كوردستان بوویە زەمینەیێ رەخساندنا ژیان و خۆش گوزەرانیا هەموو پێكهاتەیان و دانانا بەرێ بناغەیێ پێكڤەژیانێ ل هەرێما كوردستانێ،لەورا پێتڤی یە كابینەیا نوو یا حكومەتا هەرێمێ زێدەتر گرنگی و بزاڤێ بكت بۆ ئاڤەدانی پێشكێشكرنا خزمەتگۆزاریان ب پێكهاتەیێن كوردستانێ ب تەڤ نەتەوە و ئایینان ڤە،و پلەیا پێكڤەژیانەكا ب هەمبێزا ئاشتیێ بێتە دانان دچارچۆڤێ ب هەڤرا حەزژێكرن،ڤیانا برایەتی و گیانێ لێبۆرینێ،ئێكرێزیا كوردستانەكا بهێز دا،داواكارین بۆ پالپشتی و گرەنتیكرنا ماف داخوازیێن رەوایێن هەموو پێكهاتەیێن ئۆلی و نەتەوەی ، مەسیحی ، ئێزدی ، كلدانی ، ئەرمەنی،چنكو كوردستان هەردەم دێ ب ناڤەندەكا گرنگ و ئێكگرتی ، لێبۆرین ، تەبایی و ئاشتی بۆ گشت ئایین و ئاشتی خوازا مینت.
تُتاح هذه الصورة أيضا في: کوردی
