تۆرا لالش
بەردەوامیدان ب چالاکیێن پێنج شەمبا ڕەوشەنبیری، ئيڕۆ 19ـی حوزه‌يرانا 2025ێ، ب ئاماده‌بوونا كۆمه‌كا ئه‌كادیمی و ڕه‌وشه‌ینبیرێن ئێزدیان، بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ ڕوونشتنەکا ڤەکری ل دۆر “چل مێرا ژ لایێ مێژوویی و ئاینی ڤه” هه‌ر ل باره‌گه‌هێ خۆ ل دهۆكێ بۆ نڤيسه‌ر هۆگر حه‌یدۆ رێکخست.
وه‌كو ڕێزگرتن بۆ گيانێ جانگۆريێن كوردستانێ سه‌ركاروانێ وان بارزانيێ نه‌مر و كاك ئه‌دريسێ هه‌رده‌م ساخ ئاماده‌بوويى خۆله‌كه‌كێ سه‌كنين.
دووڤدا ئه‌ندامێ مامۆستا و سه‌رۆكێ بنگه‌هێ لالش تایێ خانكێ عنته‌ر كه‌لۆ ب كورتی ل سه‌ر ژیانناما نڤیسه‌رێ ناڤهاتی ئاخڤی.
پاشان نڤیسه‌ر هۆگر حه‌یدۆ دناڤ ئاخفتنێن خۆ دا گۆت: هەكە ل رەهـ و ریشالێن چل مێران بگەرین دێ بۆ مە خۆیا بت دیرۆكا وێ د زڤرتە سەردەمێ سۆمەریان، ژبه‌ركو د دیتنا وان ده ژمارە (40) چل گەلەك یا گرنگ بوو، گرێددان ب خوداوەند (ئەنكی) كو ل جه‌م وان خوداوەندێ ئەردی و ئەڤا ژێر ئەردی، زانین، جادوو، چارەنڤسی و هونەر ….هتد، دیارە ل جه‌م وان خوداوەندێ چل دیاردێن خوداوه‌ندێ سرۆشتی بوویە.
دیار ژی كر: ل جەم ئێزدیان و كاكائیان ژمارە چل یا گرێدایە ب هندەك داب و نەریتان ڤه مینا: چل مێرا، سماتە چل مێرا، چلە خانە، هه‌روه‌سان مەحفەلا شیخادێ ژی ژ چل ئەنداما پێك هاتبوو، هه‌روه‌سان ئێك ژ وان جهێن ل داستانێ دا هاتی(شوبور) ل جەم سۆمەریان و (شنار) دتەوراتێ دا ب جهەكی پیرۆز دهێتە دانان كو ئیرۆ دبێژنێ( شنگار) كو جهێ كوردێن ئێزدی یە.
پاشان ده‌رگه‌هێ گفتوگۆیێ هاته ڤه‌كرن و بابەت دەولەمەندترکرن و چه‌ند پرسيار ئاراسته‌ى نڤيسه‌ری كرن و هه‌موو هاتن به‌رسڤدان.
ژبۆ پتر پێشڤه‌برنا بزاڤا هزرى و ره‌وشه‌نبيرى، ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ ل هه‌موو ڕۆژێن پێنج شه‌مبا مژاره‌كا گرنگ ل دۆر بابه‌ته‌كى رێكدئێخت و تێدا دانوستاندان ل سه‌ر دئێته كرن، و بۆچۆن و ڕاسپارده و پێشنيارێن كه‌سايه‌تى و ره‌وشه‌نبيران ل به‌رچاڤ دئێنه وه‌رگرتن و دئێنه بلندكرن.
تُتاح هذه الصورة أيضا في: کوردی
