گەلۆ ناڤێ چیایێ شەنگالێ ژ ناڤێ پیرێ ئالی هاتیە گرتن؟
كۆنێ رەش/قامشلۆ
چیایێ شەنگالێ
مەزرا گەلیێ پیرا
وارێ باڤ و باپیرا
بمە خۆش نایێ
دەنگێ مەلا و گزیرا..
سەبارەت ناڤێ شەنگالێ، ب من خۆش ئەوە كو ئەز ڤان باوەریێن خۆ ژ وەرە پێشكێش بكم،د باوەریا من دا ناڤێ شەنگالێ ژ دوو پەیڤان پێك تێ،شەنگ ب واتەیا سپەهی ئان خوشك و پەیڤا ئال ل ناڤێ پیرێ ئالی ڤەدگەرە،د هەیامێ بەرێ دا قەلاچێ داسكا ئان چیایێ چێلكا، ئان هەرێما هەڤێركا كو كورمانج ژێرە دبێژن چیایێ (باگۆكێ) و خرستیان ژێرە دبێژن چیایێ (تۆر ئابدین)، خۆش جی و وار بوو ژ ئێزدیان را، نەخاسمە یێن هۆزا چێلكا،فرەهبوونا كو دناڤبەرا چیایێ باگۆكێ و چیایێ شەنگالێ دا نێزیكی ( 80 )كم هەیە و چیایێ مۆسیسانا دكەڤە دناڤبەرا وان دا، ئانكو نێزیكی (40) كم باشوورێ قەلاچێ داسكا ئان باگۆكێ دكەڤە،ئەو چیایە بەر ب باشوور ڤە درێژ دبوو ناڤ دەشتا داسكا ئان (بەریا خەلەف )ئاخا تا كو دگەهیشت گرێ قەرەسیێ و چیایێ شەنگالێ رۆژهەلاتی ڤێ هەرێمێ ژی چیایێ قەرەچۆخێ مۆسیسانا ئان چیایێ قەرەچۆخێ میران بوو ئانكو ئەو ژی جی و وارێ ئێزدیان بوو و تەڤ ئاكنجیێن وێ ئێزدیێن هۆزا چێلكا، داسكا و مۆسیسانا بوون،هنگی پیرێ ئالی سەركێشیا وان دكر،لێ خویایە پشتی كو مسلمانەتی هاتیە هەرێمێ، گەلەك زۆری ل پیرێ ئالی هاتیە كرن، وی خۆ بەر ب چیایێ شەنگالێ ڤە بەردایە و لێ ئاكنجی بوویە و ب دەمێ را ناڤێ چیا ژ خۆشبوونێ ب ناڤێ وی ڤە هاتیە گرێدان و بوویە شەنگ ئالی ئانكو چیایێ ئالی،رۆژا ئیرۆ، دەڤەرا دناڤبەرا قەلاچێ داسكا و چیایێ مۆسیسانا دا دەڤەرا ئالیان ژێ رە تێ گۆتن و نهۆ مالا مەرا ئاخا ئاكنجیێن وێ نە،د باوەریا من دا ناڤێ ئالیان ژ ناڤێ پیرێ ئالی لێ هاتیە كرن،دئەینی هەرێما ئالیان دا،ل گوندێ دێروون كەڤنكێ گۆرێن ئێزدیێن مالا هەیدەر هەنە، خەلكێن دەڤەرێ دبێژن گۆرێن ئێزدیا نە،هەروەسا نهۆ ناڤێ گەلەك گوندان د وێ دەڤەرێ دا ب گۆتنا ئالی دەستپێ دكن وەك: ئالی بەدران، ئالی قۆسێ (الەقۆسێ)، ئالی رەشا (الارەشا)، ئالی قەمشێ(الا قەمشێ)،هەم ژی هێژایە ئەم بێژن كو ددەستپێكا چەرخێ(20)ێ دا، ژ ڤان ئێلێن دەردۆرا نسێبینێ را وەك تەمكا، بووبلانا، مێرسینا، كۆچەكان گۆتنا پینار ئالی دهات گۆتن،وەكو یە دیار ئەپینار ئالی ناڤێ ئەشیرا خەلەف ئاخا بوو، خوەدیێ بەریا سنجەقێ، ئەوا كو چیایێ باگۆكێ و چیایێ شەنگالێ ب هەڤە گرێددە. وەكو من گۆت باوەریە.. باوەریا من ئەڤە.
تُتاح هذه الصورة أيضا في: کوردی
