باب وكالێن مە گۆتیە دەولەتا كوردی دێ بناڤێ ئێزدیان دروست بت
مەهدی حەسەن
پشتی ئەنجامدانا كۆمبوونەكێ دگەل پارت ولایەنێن سیاسی وب ئامادەبوونا حەموو پێكهاتێن ئۆلی ونەتەوەیی ل كوردستانێ ب سەرۆكاتیا رێزدار(مەسعودبارزانی)سەرۆكێ هەرێما كوردستانێ و(شێخ شامۆ)ئەندامێ پەرلەمانێ كوردستانێ وەك كەسەكێ ئێزدی ونوونەرێ ئێزدیان بەشداری ڤێ كۆمبوونێ بوو،ژبۆ ئەنجامدانا ڕیفراندۆمێ وسەربەخۆیا كوردستانێ وچەند بریار دڤێ كۆمبوونێ دا هاتینەدان و لژنەك هاتیەپێك ئینان بناڤێ لژنا بلندا ڕیفراندۆمێ وپێنگاڤا ئێكێ سەرەدانا پەرلەمانێ ئێكەتیا ئەوروپا بكن ل بەلجیكا ودیدار وچاڤپێكەفتنا دگەل سەرۆك وكەسایەتێن جیهانی ودۆست وهەڤالێن كوردستانێ ئەنجامدەن بۆ گەهاندنا پەیاما گەلێ كوردستانێ بۆ ڤان جهێن گرنگ لسەر ئاستێ نێڤ دەولەتی ژبۆ پالپشتیا ڕیفراندۆمێ ل كوردستانێ بێتەكرن.
تشتێ ئەم ئێزدی پێ دڵخۆش ودڵنیابن ئەندامەكێ ڤێ لژنا بلند یێ ئێزدییە ئەوژی بەرێز شێخ شامۆ دناڤ ڤی شاندێ بلندێ ڕیفراندۆمێ ب سەرۆكاتیا سەرۆك مەسعود بارزانی ومل بملێ سەرۆك بارزانی ولایەنێن دیتر ڤە لسەر مێزێن دانوستاندنێ دگەل بەرپرسێن پەرلەمانێ ئەوروپی دانوستاندنێ دكەن بناڤێ حەموو پێكهاتێن ئۆلی ونەتەوەی بۆ سەربەخۆیا كوردستانێ نوونەرێ مە ئێزدیان ژی نامەكا تێروتەسەل دگەل داهەیە بۆ گەهاندنا ئێش وئازارێن ئێزدیان وتایبەت ئەڤ فەرمانا لسەر دەستێ داعش وكرین وفرۆتنا كچ وژنێن ئێزدیا ل بازارێن ئەرەبی وئاوارەبوونا ئێزدیا لسەر ملك وحالێ وان كێشەكا گرنگە و ووژدانێ هەر مرۆڤەكی هەژاندیە وئەز ل وێ باوەریێ گۆتنێن رێزدار شێخ شامۆ ل هەرجڤینەكێ دێ گەلەك دبالكێش وكاریگەربن ،ژیەركو دەلیڤەك زێرینە بۆ ناساندنا ئێزدیا و زوڵم وزۆرداریا ل ئێزدیاتیێ هاتیەكرن جیهان بزانت،تەنها كلیلا چارەسەریا نەمانا زوڵم وزۆرداریێ ونەمانا قركرن و كوشتنا مرۆڤێ ئێزدی وئێزدیاتیێ دروستكرنا دەولەتا كوردستانێ یە ودەلیڤەك گەلەك باش هاتیە بۆ گەلێ كوردستانێ بدروستی پەیاما خۆبگەهینین دگەل ڤان سەرۆك وبەرپرسێن جیهانی بچڤێن ،نەخاسمە هەر رۆژا ئێكێ دگەل سەرۆك وبەرپرسێن بەلجیكا وسەرۆكێ هەرێما فلاندەرز وپەرلەمانێ ئێكەتیا ئەوروپا وبەرپرسێن پارتێن كریستانیا ل پەرلەمانێ ئەوروپا وب ئالایێ كوردستانێ پێشوازی ل شاندی هاتەكرن وگرنگیەكا مەزن ب شاندی هاتیە دان جهێ سەرفرازی وسەربلندیا مە دیسا وەكی دیار چەندین كۆمبوون ودیدارێن دیتر بێنەئەنجامدان ل رۆژێن بێت،هەر بۆ زانین هەر جارەكا موسیبەك بسەرێ مللەتێ مە هاتبت ئەم ئێزدی دوو جاركی زەرەر وزیان ب مە كەفتیە ئێك ژبەر ئایینی وئێك ژبەرنەتەوەیێ لڤێ گەرێ ئەم دێ دمفاداربین دگەل ڤی شاندی وەك كەسەكی ئێزدی بۆ جارا ئێكێ لڤی ئاستی پشكداربوویە ژبۆ گەهاندنا پەیاما مللەتێ كورد وناساندنا ئێزدیا ژی كو ئەم كوردێن رەسەنین،بۆ زانین مە هەر ژكەڤندا گۆتیە ئەم ئێزدی بەشەك رەسەنین ژگەلێ كوردستانێ وهەر ژكەڤن دا باب وباپیرێن مە قوربانی داینە ژبۆ پاراستنا كوردستانێ وهەركارەساتەك هاتبتە سەر مە ئەگەرێن كوردستانیەتا مە بوویە.
ژبۆ ئاڤاكرنا دەولەتا كوردی ژی بەری هەركەسەكی ئەركەكی ئایینی ونەتەوەیە ئەم ئێزدی خۆ لڤی بابەتی بكن خودان ،ژبەركو مە وەك ئێزدیا چ جه ل دنیایێ نینن وەك ئەرد وملك و وەلات تەنها ئاخا كوردستانێ نەبت ئەم بملكێ خۆ جه و وارێ خۆ دزانین،تەنها كوردستانە جهێ باب وكالێن مە جهێن خاس وباب چاكێن مە جهێ لالشا نورانی وگۆر وگۆرستانێن مە ئێزدیا كوردستانە،بەلكی نە هەرنۆكە ل دەسپێكا سالا 1991ێ ل دانوستاندنێن دگەل حكومەتا گۆربەگۆر وبەعسیا دهاتنەكرن سەرۆك بارزانی دگۆتە ئەرەبا وبەعسیا مللەتەك نینە بناڤێ كوردیان رەسەنترین كورد ئێزدینە ئەڤ رێزگرتنا ل ئێزدیا هاتیەگرتن وچوونا شێخ شامۆ دگەل سەرۆك بارزانی بۆ پرسا ڕیفراندۆمێ وسەربەخۆیا كوردستانێ ب جل وبەرگێن رەسەن یێن كوردەواری وبناڤێ ئێزدیا جهێ سەربلندیێ یە بۆ مە ئێزدیا،ژلایەكلا دیڤە شێخ شامۆ كەسانەك هەژی وزانا و رەوشەنبیرە دناڤا شاندی دا دهەر وارەكی دا دێ حەموو لایەكی دڵنیاكت كو ئێزی كوردێن رەسەنن وئەڤ كارەسات وفەرمان وجینۆسایدێن بسەرێ ئێزدیا هاتین نەبوونا دەولەتا كوردی بوو نە،پێشوەخت پیروزباهیا سەركەفتنێ لگەلێ كورستانێ بگشتی وئێزدیا ب تایبەتی دكەم وهیڤدارم شاندێ كوردستانێ ب سەرۆكاتیا سەروكێ دەولەتاكوردی سەرفەراز وسەربلند ڤەگەرن كوردستانێ.
تُتاح هذه الصورة أيضا في: کوردی
