ئێزدی و رێزگرتن …؟؟
شیلان عبدالمناف 
هە ژی گۆتنێ یە كو رێزگرتن بنیاتێ حەموو پەیوەندیێن مرۆڤایەتیێ یە،بێ رێزگرتن ژیانێ چ مانا و تاما خۆ نینە ،ئەو جڤاكێ كو رێزگرتن بۆ تاكەكەسی نەبت ژی ،جڤاكەكێ هەلوەشیایە هەلبەت رێزگرتن د حەموو پەیوەندیاندا گرنگە، ئەڤجا چ پەیوەندیێن (دلداری ، هەڤالینی ، خێزانی )…هتد.
ل ڤێدەرێ ل گۆرەی وێ پەیوەندی و تێكەلی و مرۆڤانەیا من دگەل تاكەكەسێ ئێزدی هەیە ، بۆ من چەند خالەكێن سەرەكی و گرنگ خویا بوون ئەو ژی ئەڤەنە:
1_مرۆڤێ ئێزدی دەمێ قەنجیەكێ یان خێرەكێ دگەل تە بكت ، ل تە ناپرست كا توو ژ چ ئۆلی.
2_كەسێ ئێزدی رێزێ ل كاری دگرت و ب وژدانانە وی كاری ئەنجام ددەت،یێ پێ هاتی راسپاردن.
3_یێ ئێزدی چ جار گەنگەشێن گرێدای ب ئاین و باوەری ڤە دگەل تە ناڤەكەتن ، چنكو دزانت ئەو تشتەك تایبەتە ، و رێزێ ل وێ تایبەتمەندیا تە دگرت.
4_مرۆڤێ ئێزدی بێ دەستور دان قەستا مالا تە ناكت.
5_رێزێ ل ئەمانەتێ دگرت.
6_ل دەمێ نەخۆشیەك دروست دبت خودان هەلویستە و خۆشی و نەخۆشیان دگەل تە ئامادەیە .
7_مرۆڤێ ئێزدی ئەگەر نان دگەل تە خوار ، رێزێ ل وی نانی دگرت و خیانەتێ ناكت.
هندەك جار من ژ خوە دپرسی ( بۆچی ئەڤ رێزە ل جەم ئێزدیان هەیە؟ )،هەتا خویا بوو تاكە كەسێ ئێزدی ، چ جارەكێ نەڤێت هەستێ كەسێ بەرامبەر خوە بریندار بكت ب گۆتنەكێ یا كریارەكێ … چنكو ل سەر رێزگرتنێ هاتیە پەروەردە كرن و شیرەتكرن ، ژبەر وێ یەكێ هەتا نۆكە ژی مان و ئێكگرتنا جڤاكێ ئێزدی بهەڤرا گرێدانەكا بهێز هەیە ، رێزگرتنا دناڤبەرا واندا بوویە سەدەمێ بەردەوامی دان و خۆراگری یا وان دژیانێ دا.
تُتاح هذه الصورة أيضا في: کوردی
