گەلێ كورد ل هیڤیا دەولەتا سەربەخۆیە
جوان بەرواری 
د دیرۆكا كوردان دا هەرتم كوردان ئەڤ یەكە دخواست،كو ئێدی ئەو ژی ببن خوەدی وەلاتەك ئازاد و ل سەر دیمركراسیەتا خۆ تشتێن هەری كو دبە بەژەوەندیەك بۆ بزاڤا رزگاریخوازا گەلێ كورد،ئەو ب حەموو رەنج و هێزا خۆ خوەدی دەربكەڤە و ببە نیشانا سمبولەك نەتەوەیی خوەدی دەولەتەكا سەربەخۆیی هەم بۆ گەلێ كورد و هەم دبەرچاڤێن دوژمن و وەلاتێن زلهێزو كاریگەر رزگارببە.
دەما كو مرۆڤ ل هەمبەری ڤێ یەكێ ل دیرۆكێ دنێرە دبە كو ئەو دیرۆك وەك كەڤنە شۆپەكێ دكەڤە دناڤا هزرگەریا جڤاكا كورد دا و هەرتم وێ كەڤنە شۆپێ ب دووبارەبوونێ ددەتە شۆپاندن ، ژبەر ڤێ ژینا نەخۆ ئیرۆ ئەو بنگەهێ دبە كاركتەر بۆ گەلێ كورد پێتڤی ب وەرچەرخانەك نوو هەیە و هەنەساكەك ب دیتن و ب هێزو،لەورا ژی ئەم خووندنا خۆ ب چاڤێن دوهیا خۆ گەشدكەین دەماكو ئەم ل ڤێ گەرەلیێ دنێرین وێ تەڤگەرەك كەڤنە شۆپ ژمەرە پەیدابكە،ژبەركو ئەو هیڤیا گەلان بخۆ هەی بەر خودانێ بۆ دكە پێتڤیە ل سەر بنەمایێ خووندنا ئیرۆ دوهیا خۆ پێ گەش بكە ، دبنیات دا ژی كو هندەك تشت هەنە دڤێت بێنە ڤەكۆلینكرن و زانستی بوونانە بكەڤنە بەر دانوستاندنێ ، راستە ئیرۆ گەلێ كورد ل هیڤیا وێ رۆژێ یە كو ئێدی ئەو خۆ ببنە دەولەتەك پێشكەفتنخواز و سەربەخۆ،هەردیسان ل بن زۆر وزولم و ستەم و شەهیدبوون خاپاندنا دوژمنێن دەوروبەر و بایێ شیعەو سنەیان بێنە رزگاركرن ، كورد حەموو ڤێ یەكێ ب حەسكرنەك مەزن ددەتە خووندن ، لێ گەلۆ دگەل ڤێ خووندنێ ما ئیرۆ گەلێ كورد بەرهەڤە دبێ كاراكرنەك پەرلەمانی و دناڤا قەیران بوونەك مەزن و دناڤاكێشە و ململانەك سیاسی و باردۆخەك ئالۆزدا پرسا ریفراندومێ بدەتە ئیشارەتكرن !،ب دیتنا من ئەگەر ریفراندۆم بێتەكرن ل هەردەرێ بە پرسا ریفراندومێ وێ ب مەشە ب شێوەیەكێ پێشوازی دلخۆشكەریانە لێ كو تشتێ بێتە قەبوولكرن دناڤا ڤێ پرسێ دا دەماكو ریفراندۆم ل سەر بنگەهەكێ كاراكتەری و پەژراندنا ئالیێن سیاسی و ب شێوەیەكێ هەڤگرتی ئێكبووی ئەڤ پێگەهە بكەڤە بەر دانوستاندن و جڤینان ئەو دەم وێ پرسا ریفراندومێ ب دیتنا من گەلەك ب سەركەفتیانە دئێتە ئەنجامدان.
ژلایەكێ دی ڤە پشتی كو لایەنێن سیاسی ماندیبوونەكا زۆر دیتی ل 8/ 6/ 2017 ل سەر مێزا گفتوگۆیان جڤین كو ژلایێ جەنابێ سەرۆك ( مسعود بارزانی ) هاتە راگەهاندن ل 25/9/2017 كو دێ ریفراندوم دەست پێكت،ل سەر ڤێ ژی ل هەر دەولەتێ كو هەلبژاردن ب ڤی ئاوایی دئێن كرن،لێ بەرخودانا هەری مەزن یا كو دڤێ رۆژێ دە خویادبە كو ئەوە گەل بەشداریێ دڤێ تەڤگەرێ دا بكە ل هەمبەر ڤێ ژی كو دەستكەفتێن هەری دئێن نرخاندن كو خەلكێن سڤیل ڤێ وەرچەرخانێ دا دڤێت حەقیقەتا شۆرەشا خۆ باش ناس بكە،كو ژ ئالیێ رۆژهەلاتا ناڤین دە ژ كاپیتالیزمەك بن دەستی و زولم تراژیدیەك خوەسەری دا ئایا ئەوێ رزگارببە یان نە !،سەرەرای وێ ئەو یەك ببە پێشەنگ كو سیستەما هەری بێتە ناسكرن ئەگەر ئەڤ شۆرەش و فكرا فەلسەفەیا نوو ئاڤا نەبا،ئێدی گەلێ كورد نكارە هیڤی وباوەریەكا نوو پەیدابكە و پیڤانەكێ نوو بكەتە كوكا مرۆڤاتیێ دە،لەورا ژی ئەم بۆ حەموو پارتێن سیاسی دبێژم كو تێگوشین و بەرخوەدانا خۆ یا ئیرۆ ل سەر سوباهیا خۆ بدەنە حەقیقەت كرن و ب ئێك واتابوون بریارەكا ئێكلایانە بدەن، پێتڤیە گەلێ كورد چارەسەربوونەك ب باوەری وبنواشەك فكرانە پرۆسێسا ئازادیێ سەربەخۆبوونێ ب بەلێ تیێ بدەتە میكانیزمیكرن و سیستەمەكێ خۆ گونجاندن دگەل دەرمانێن ئیرۆ دا،كو ژن و زارۆك و تاك و جڤاك لبن زولم و ستەما گەلێن زولمكار رزگابین وببنە خوەدی دەولەتەك ئازاد پێشكەفتن خواز.
تُتاح هذه الصورة أيضا في: کوردی
