هلدانا ئالایێ پیرۆزێ كوردستانێ ل فرۆكەخانەیا ئاتەتورك ؟؟؟
خالد خدر
هەر مللەتەكی هێما و سەركردێن خۆ هەنە كو ئەو هێما وسەركردە هێز و شیانێن خۆ د مەزێخن ژپێخەمەتی مللەتێ خۆ ب تایبەتی ل وەلاتێن ئازادی خواز و دیموكراسی خواز ، و دبەرامبەر دا مللەت ژی شانازیێ و سەربلندیێ دبەن ب هێما وسەركردێن خۆ وهەروەسا ل گەلەك جاران خۆ دكەنە قووربانی بۆ وان ، ئەم وەك مللەتێ كوردستانێ خودانێ سەركردەكی پڕ هێژا و بەها گرانین ، ئەوژی رێزدار سەرۆكێ هەرێما كوردستانێ یە كاك (مەسعوود بارزانی ) ، ژبلی ڤان سالێن جەنابێ وی دەربازكرین ب ب پێشمەرگایەتییا شۆرەشێن ئەیلولا مەزن و گولانا پێشكەفتن خواز ڤە و ژبلی وێ هەموو دەربەدەریێ و كۆچبەریێ و وان قووربانیێن مەزن یێن پێشكێش كرین دگەل مالباتا خۆ ژ پێخەمەتی رێیا ئازادییا گەلێ كوردستانێ و ژبلی خەبات وتێكوشینا ڤان بیست و شەش سالێن بۆری یێن پشتی سەرهلدانا پیرۆز ، ژبلی وێ ئاڤەدانیێ وپێشڤەچوونا حوكمرانییێ ل هەرێما كوردستانی لسەر دەستێ جەنابێ وی ، ئەم ئێیین باسێ یا بەریا دوو سال ونیڤا وهێرڤە كەین ، ژ هەر روویەكی ڤە بگرە ژ ئالیێ لەشكەری و ئەولەهیێ و سیاسەتا ژدەرڤە و دبلوماسییەتێ و پەیوەندیێن نێڤ دەولەتی.
هەژی ئاماژە پێكرنێ یە رێزدار سەرۆكێ هەرێمێ رولەكی ئێكجار مەزن و كاریگەر گێرایە و ماندی بوونەكا زۆر دیتییە ل ڤان هەردوو سال ونیڤا بۆری ،لدەستپێكا هێرشا چەكدارێن تیرۆرستێن داعشێ بۆ سەر هەرێما كوردستانێ ، جەنابێ وی دگەل كور و نەڤی و برازیێن خۆ غاردانە هەموو بەرۆكێن شەری و ل پێشییا هەموو خەلكێ دی بوون ژبۆ بەرسینگرتنا داعشێن دڕندە ، ئەڤ چەندا هەنێ بوویە سەدەما سەرەكی ژبۆ بلند بوونا مورال و ورەیێن پێشمەرگەیێن قارەمان ژبۆ تێكشكاندنا هێرشا داعش وبۆ ماوەكی درێژ جەنابێ سەرۆكی بارەگایێ خۆ یێ سەرەكی دەینا گوندێ سحێلا و ما دگەل پێشمەرگێن قارەمان تاكو پتریا ئاخا هەرێما كوردستانێ هاتیە ئازادكرن بتایبەتی دەڤەرا شنگالێ و ژ ئالیێ دبلوماسی ڤە جەنابێ وی بەشداری كریە د چەندین كۆنگرە و كۆربەندێن نێڤ دەولەتی دا وبەشداریا جەنابێ ل كۆربەندێ ئەولەهییا نێڤ دەولەتی یێ میونێخ ل ئەلمانیا كو هەڤدیتن و كۆمبونێن گرنگ ئەنجام داینە دگەل چەندین كاربدەستێن جیهانی ، كو ئەڤە ژی دێ بتە پێگەهەكی بهێز بۆ هەرێما كورستانێ ژ روویێ دبلوماسی ڤە ، و ژ ئالیێ سیاسی ڤە ژ ئەنجامێ سیاسەتا جەنابێ وی یا حەكیمانە و ژیرمەندانە وەكریە چەندین سەرۆك وەزیر و سەرۆكێن وەلاتێن مەزن وزلهێز سەرەدانا هەرێمی بكن ژ وان ژی سەرۆكێ فەرەنسا بەرێز (فراسوا ئۆلاند) كو ل رۆژێن ئێكێ ژ شەرێ داعش سەرەدانا هەرێمێ كر بوو ، و ژبلی ڤێ سەرەدانێ و سەرەدانەكا دی كریە و پالپشتییەكا مەزن ل هەرێمێ كریە ل شەرێ دژی داعش و ئەڤ چەندە دبیتە پالدەرەكی مەزن بۆ كوردان ژبەركو فەرەنسا وەلاتەكی زلهێزە و ئەندامەكا بەردەوامە ل جڤاتا ئەولەهییا نێڤ دولەتی دا.
دیسا سەرۆكێ هەرێمێ ژئالیێ چەندین وەلاتان ڤە هاتیە داخوازكرن ، لپەراوێزا بەشداریا جەنابێ ل كۆنگرێ میونێخ سەرەدانا فەرەنسا كریە و پێشوازییەكا ژهەژی ولایق ل سەرۆك مسعوود بارزانی هاتیە كرن ژئالیێ سەرۆكێ فەرەنسا ڤە ومینا سەرۆكێ وەلاتەكی هاتیە پێشوازی كرن ،ودیسان سەرەدانا جەنابێ وی بۆ توركییا وروودانا گرنگ دچارچووڤێ ڤێ سەرەدانێ دا هلدانا ئالایێ پیرۆزێ كوردستانێ ل فرۆكەخانەیا ئاتەتورك كو بەریا چەند سالا ناڤێ كوردستانێ قەدەغەبوو لفرۆكەخانا ناڤهاتی بێتە گۆتن.
تُتاح هذه الصورة أيضا في: کوردی
