پاشەرۆژا كۆمەلگەها بابیرێ بەرەف كوڤە
غەزوان غازی
كۆمەلگەها بابیرێ سەر ب ناوچەداریا ئەلقوش ڤەیە و ژ پێنچ گوندان پێك دئێت (جەگانە ،مشرفی ، داكا مەزن و داكا بچوك و بابیرێ )،ل دەستپێكی ئەڤ گوندنە ل جهێ رووبارێ دیجلەی لێ ل سالا (1985)ێ رژێما بەعسا ژناڤچویی كۆمڤەكرن،ژبەركو مەزنیا ژمارا ئاكنجێن گوندێ بابیرێ كۆمەلگەه ب وی ناڤی هاتە ناڤكرن.
بەری هاتنا رێكخراوا تیرۆرستیا (داعش) ئاستێ خووندنێ بەرەف پێشكەفتنێ بوو و گوندێ جەگانە خودان رێژەیەكا باشا دەرچوویێن زانكۆ و پەیمانگەهان بوو و رۆلەكی باش د كۆمەلگەهێ دا هەبوو و هەیە ،ژمارا خێزانێن كۆمەلگەهێ دگەهتە نێزیكی (1200)خێزانان و كارتێكرنا شەرێ داعش بەرچاڤ دئێتە دیتن ل ڤێ دەڤەرێ وەك كێمبوونا خەلكێ و قوتابیان و دئێتە زانین ل جیهانێ قوتابی مەزنترین سامانە،چوونا كەسێن خودان پۆست و پسپۆر و گەنج بۆ دەرڤەی وەلاتی ئایندەیێ ڤێ دەڤەرێ نەزەلالكریە،دوورریا كۆمەلگەها بابیرێ و رووبارێ دیجلە بتنێ دەه خۆلەكن و تشتێ كۆمەلگەه شانازیێ پێ دبەت پێكڤەژیانە دگەل گوند و كۆمەلگەهێن دی،نەبوونا ئاڤا ڤەخوارنێ ل دەڤەرێ ب مەزنترین كێشە دئێتە هژمارتن،چارەسەریا ڤێ كێشەیێ نەدیارە.
قوتابی پاشەرۆژا وەلاتی رێڤەدبەن،لێ ڤێ كۆمەلگەهێ ئەڤ قوتابی نینن،ژبەركو قوتابی هەینە پۆلا ئێكێ بنەرەتی نەخووندیە من گۆه لێ بوویە سەمیانێن قوتابیان دبێژن قوتابخانێ گرنگیا خۆ نینە ،ژبەركو هەگەر دەربچن ژی نائێنە دامەزراندن و ئەڤ گۆتنە زێدەبوویە پشتی هاتنا داعش و بتنێ پاشەرۆژا زارۆكێن خۆ د پرۆسەیا هەڤژینیێ دا دبینن،لبن هەژدە سالیێ دا كچ و كورێن وان هەڤژینیێ پێك دئینن.
ب بۆچۆنا من دەمێ ئاستێ قوتابیان كێم دبت دێ ئاستێ رەوشەنبیری ژی كێم بت،لەورا دبینم ئەگەر تێگەهشتنا سەمیان و قوتابیان ب ڤی شێوەی بت دێ كۆمەكا ئاریشان د جڤاكی دا پەیدابن.
تُتاح هذه الصورة أيضا في: کوردی
