رەوشا ئاواران بەرەف بارودۆخێن گران و دژوار چوویە
جوان بەرواری 
وەكی یادیار كو هەر سال وەرزێ زڤستانێ بەرەف سەقایەكێ ساردچت و دڤان سالێن ڤێ داویێ دا،سەرمایەكا ب شێوێ هشكاتی دباریت ژبەر نەباراندنا بەفر وبارانان هەر سال دچلێ زڤستانێ دا بتنێ شێوازێ هروبایەكێ دیاردبت و ئەڤە ژی رەنگە بێژین هەبوونەكا خودایی یە كو سەرما ب ڤی شێوەیی ب سەر مەدا بێت ، لێ دئەڤ سالە دا ل گۆری وان پێشهاتان كو سەرمایا ئەڤ سالە ب شێوەكێ جوداتربوو ژ یاسالێن بۆری هەردگەل ڤێ چەندێ ژی كو نەبوونا ئالاڤ و دابینكرنا گازێ ل سەر وەلاتیان رەوشا وان بەرەف بارودۆخەكێ گرانترچوو ئەو ژی بوو ئێك ژئاریشێت هەبوونا قەیرانێ.
هەولدانا وەلاتیان بۆ وێ چەندێ ب هەرحالی شیان رۆژێن سروسەقمگرتی ل سەر ژیانا خۆ یا رۆژانە هێدی هێدی دەربازبكن ،لێ تشتێ ژ هەموویان گرنگتر كو ژ ئەگەرێ ڤان قەیرانان هەبوونا تەرخانكرنا گازێ بۆ وەلاتیان ژی جوداهیەك بوو ب تایبەتی بۆ ئاواران جوداهیەكا دی تربوو ئەڤە ژی دا ڤالاتیەكا قەیرانبوونێ پركت ئەگەر ئەم نێرینەكێ بۆ رەوشا ئاواران بكەین دێ بینین كو ل نێزیكی چەندین خێزانان ئاكنجی دەڤەرێن جودا جودا دگەل داناندنا چەندین كەمپێن جۆراو جۆر بووینە و هەر خێزانەك چەند ئەندامە،بۆ نموونە ئێك ژ وان كەمپان ب ناڤێ كەمپا شاریا بوویە كو پێكهاتیە ژ1356سەرۆك خێزانان و نێزیكی 99 سەدێ خەلكێ شنگالێ تێدا ئاكنجی بوویە و ئەڤ كەمپە پێكهاتیە ژ سیستەمێ لەشكەری 342 كەس رەگەزێ نێرن و پتری هەشت هەزار كەسان ژی ب رەگەزێ مێ نە،هەردیسان 422 زاروكێن بێ سەمیان هەنە ژوانا ژی ژمارەكا زۆر دەیك نینە و نیڤا ڤێ رێژێ ژی باب نینە و هەتا 51زارۆك ژی بێ دایك و بابن و رێژەكا دی ژی ئێتە هژمارتن ژ كەسێن پەككەفتی ب راستی ژی ئەڤە كارەساتێن دل ب ئێشن ،ئەڤە ئەو ئامارێن كەمپەكێ بتنێ نە لێ ئەگەر رێژەیا هەموو ئاواران بێتە دیاركرن دێ ب شێوەكێ پتر بت و هەر ئێك ژڤان سەرۆك خێزانان دوو خیڤەتگەه بۆ هاتینە دابینكرن و خیڤەتەك بۆ پێتڤیێن خوارنێ و شووشتنێ بكاردئینن و ئێك ژی بۆ جهێ نڤستنێ و روونشتنێ بكاردئینن ئەڤە ژی وێ یەكێ دگەهینت كو رەوشا وان یا دنەباشیێ دا.
سەرەرای وان هەموو كاودانان ژی ژبەر سروسەقەمەكا زۆر د ئەڤ سالە دا رەوشا ئاواران بەرەف بارودۆخێن گران و دژوار ڤە چوویە،چنكو رێژەیەكا زۆر ژ ئالاڤێن خۆ گەرمكرنێ كارتێكرنا سەرمایێ كریە سەر ساخلەمی و رەوشا وان و تایبەت رەوشا زارۆكان دڤێ سەرمایێ دا بەرەف نەخۆشیێن سەخت و دژوار چووینە،ئەڤە ژی وی دەقی رادگەهینت كو پێتڤیە جهێن پەیوەندیدار و هەردیسان رێكخراوێن یوئێن دی رابن ب دانانا چەندین گرۆپێن هاریكاریێ وگوژمەكێ دراڤی بێتە مەزاختن،داكو بكارن هاریكاریێ بگەهینن رەوشا ڤان زارۆكان یان هەردیسان كێشێت قوتابیان ،هەروەسا كارو كارڤەدانێن دناڤا كەمپا دا ب شێوەكێ گشتی و چاوانیا مامۆستایێن وانەبێژی تایبەت د دەمەكێ هۆسا سەرما دا ئاوارەیێن كەمپا پێتڤی ب هەبوونا هاریكاریێن مرۆڤایەتی نە،داكو بكارن د زڤستانا ئەڤ سالە دا رۆژانێن ژیانا خۆ بەردەوامیێ بدەنێ،دا ژ ڤێ كێشەیێ بێنە رزگاركرن.
تُتاح هذه الصورة أيضا في: کوردی
