هاریكاریا خووندن وخوندنگەهان ئەركەكێ مرۆڤایەتی یە
ئلیاس نەعمو خەتاری
دەمێ مللەتان دڤێتن بژین وبەردەوامیێ بدەنە ژیانێ وهەردەم ئت پێشكەفتی بن ،دیسان بخوازن دململانا تەكنلۆجیایێ دا ویا زانستی دا بژین داخۆ بخەلكێ جیهانێ را بگەهینن،دوی دەمیدا دڤێتن خودان هەدارەكا مەزن بن ودبارهەلگربن وخۆ بئێشنن وماندوبكن،دیسان قوربانیێن مەزن بۆ ڤێ ب دەستڤەئینانێ داكو ل داویێ سەركەفتنێ ب دەستێ خۆڤە بینن وسەربلندبن،داكو بەردەوامیێ بدەنە پاشەرۆژا گەل و وەلاتێ خۆ وئارمانجێن خۆ سەركەفتیانە ب دەستڤەبینن.
ئیرۆ لدەمێ پێشكەفتنا جیهانێ ب هەموو شێوان تایبەت دبوارێ تەكنلۆجیا سەردەمیامەزن دا كو جیهان كریە خالەكا بچوك وب چركان كار وپەیوەندیێن هەمەجۆر دئێنە كرن ئەڤە ژی هەموویێ ژ قوتابخانا دەست پێكریە وپووتە دانا هەرە مەزن پووتە ب قوتابخانان وب قوتابی هاتییە دانە وئەڤ چەندە كریە ئارمانجا خۆیە ،لەوما لداوییان ئەنجامێن نایاپ وسەركەفتی ب دەستێ خۆڤە ئینایینە ل هێرە ئەركەكێ پیرۆز و ومرۆڤانە و ئەركەكێ نشتیمانییە كو ئەم هەموو وهەر ئێك ل دووڤ حەز وشیانێن خۆ بەرەف هاریكاریا قوتابخانا ڤە بچت ودەستێ هاریكاریێ بۆ وان درێژبكەین دا ئەم هەموو دەست ب دەست و مل بملێ دیوارێ قەیرانا دارایی ب هەرفینین وبەردەوامیێ بدەینە خووندن وخوندنگەهان وخوندەڤانان ودژی وان كەسان ب سەكنین ئەوێن ئیرۆ ئارمانجا وان خرابكرنا پرۆسا خووندنێ یە ل هەرێما كوردستانێ ب بایكۆتان وخۆ پیشاندانان.
ئیرۆ بلا ئەم هەموو بەرێ خۆ بدەینە پێشمەرگەیێن قارەمان و ل بیرا خۆ بینین دەمێ بروح وگیان ل سەنگەرێن شەری د ئامادەنە بلا سۆزێن شەهیدا ل بیرا خۆ بینین وبەرەف هاریكارییا قوتابخانا ڤە بچین , لەوما یە فەرە ئیرۆ هاریكاریا مادی ومەعنەوی وئابووری ودابینكرنا پێتڤیان بۆ قوتابخانان هەبت وەكو …گازا سپی بەلكو ئەڤێ سالێ یە كێمە , بۆیاغكرنا قوتابخانا , چاككرنا تۆرێن ئاڤێ وكارەبێ وجام وپەنجەران ودیواران وكرینا پەرگەها وپێتڤیێن دەست ئاڤێ وئاڤا ڤەخوارنێ هەتا دابینكرنا ترومبێلان بۆ هندەك كارێن قوتابخانێ،دیسان د دەمێ ئەنجامدانا چالاكیێن وەرزشی وهۆنەری و زانستی دا , فەرە سوپاسیا وان كەسا و وی خەلكی بێتە كرن دیسان وان دام و دەزگەهێن دەستێ هاریكاریێ بۆ قوتابخانان درێژكرین وبەردەوام دهاریكاربووینە دگەل رێڤەبەر وكارگێریێن قوتابخانان بۆ هەر جارەكێ یان بۆ هەر تشتەكێ پێتڤی , ئەڤە نیشانا وێ چەندێ یە داكو خەلك وجیهان بزانن مللەتێ مە مللەتەكێ خۆراگرە وهاریكارە وئاشتیخوازە وبەردەوامیێ ددەتە ژیانێ و پێشكەفتیخوازە وهەردێ سەركەفتی بت.
تُتاح هذه الصورة أيضا في: کوردی
