رەفتارێن داعش ل هەمبەری ئێزدییان د چەرخێ 21 دا و مرۆڤایەتی ل جەم كوردان
هەڤال نەوروز عەلۆ 
پشتی كو دەولەتا ئیسلامی ل عێراق و شامێ یا ناڤدار ب داعش،ل مەها شەش یا سالا 2014 دەست ب سەر باژارێ مووسل دا گرتی و ئەڤ باژارێ ناڤبری ژ هەموو لایان ڤە هاتی داگیركرن, ژ لایێ لەشكەرێ ڤە تووشی شكەستنەكا مەزن هات و داعش ل سەر تووند رەویا خۆ د بەردەوام بوون هەتا كو دەست ب سەر گوند و ناوچە و دەڤەرێن باژێرێ مووسل دا گرتین, ب شێوەیەكێ هۆڤانە رەفتارێن كرێت بەرامبەری خەلكێ سڤیل دكرن ب تایبەت كێمینا وەكو ئێزدی و مەسیحی, , گەلەك ژ خەلكێ مووسل ئاوارەی ناوچێن ئارام یێن هەرێما كوردستانێ بوون, هەروەسا دەست ب سەر ناوچێن ڤەقەتیایی یێن ماددا 140 دا گرتن.
شنگال ئێك بوو ژ وان دەڤەرێن كو داعش ل 2-3/8/2014 كەفتیە بن گەفا رێكخراوا تیرۆرستی داعش, دوێ شەڤێ دا رەفتارێ هۆڤانە بەرامبەر ئێزدییان ئەنجامدان, ئەوژی دەست كرن ب گرتنا خەلكێ سڤیل و بێ گونەه زەلام ب دارێ زۆرداریێ ژ خێزانێن وان جودا كرن و هەر كەسەكێ نەچووبا لگەل وان د كوشتن بەرامبەری زارۆكێن وان, زارۆك ژی ب دارێ زۆرێ د برن مەشق و راهێنانێ و فێری چاوانیا ب كارئینانا چەك و تەقەمەنیا دكرن و فێری شەریعەتا ئیسلامی دكرن, ژن و كچ ب خورتی ژ ناڤ دەستێ وان دبرن و وەك خولامان د ناڤ مالا و بۆ چەكدارێن خۆ د دانا كاری, هەروەسا دەولەتا ناڤبری ئەو كچ و ژن بۆ ناڤ بازارێن مووسل و رەقا و تەلەعفەر كرین و فرۆتن پێ دكرن و ل خۆ مەهر دكرن و دەست درێژیا سكسی ل هەمبەری وان بكاردئینان،زێدەباری خەلكێ پەریشان دەربەدەری سەرێ چیایێ شنگالێ بووی پیر و كال ژ كەرب و بێ هێزی ل وێ مەها گەرم دا ژبێ هێزی و خەم و نەخۆشیا دمرن و زارۆك ژ تێهن و برسا دا هاوارا وان دگەهشتە ئەسمانا هندەك ژ وان هەر ل چیا دا دمرن, هەتا كو گەهشتە وێ رادێ هەموو مافێن مرۆڤ هاتنە بنپێكرن شەرەف و كەرامەتا مرۆڤاتیێ هاتە هەرفاندن پتریا وی خەلكی ژ بەرەف ناوچێن ئارام یێن هەرێما كوردستانێ ڤە هاتن و خۆ گەهاندنە دەڤەرا بادینان,سەرەرای سۆتاندن و مال وێرانكرن و خرابكرنا گووند و باژارێن ئێزدییان ل شنگالێ و ژ ناڤبرنا پەرستگەهێن ئێزدییان و پەقاندنا جهێن پیرۆز و كەڤنار و دیرۆكی, لێ جینۆساید كرنا ئێزدییان یە بەردەوامە ژ بەركو پتری 5000 هەزار كچ و ژن و زارۆك و زەلام كەڤنە ژێر دەستێ رێكخراوا تیرۆرستی داعش و هەموو رەفتارێن نە مرۆڤان ل هەمبەری ڤان زیندانیان ئەنجامددان, گەلەك چیرۆكێن تراژیدی ل پێ خۆ هێلان, ئێزدی بوونە قوربانێ ڤی شەری كو پتری هەموو ئاین و مللەتان تووشی قركرنەكا مەزن و بێ وژدانە بوون لەوما چ هەستا مرۆڤاتی ل جەم داعش نەبوو.
ل داویێ دیار بوو كا كوردستان خودان رەوشتەكی بەرز و مەردانەیە, جهێ ئاماژێ كوردستان ب هەر چار پارچێن خۆڤە ب گشتی و كوردستانا باشور دەڤەرا بادینان ب تایبەتی خەلكێ ئەڤێ دەڤەرێ بێی جێوازی پێشوازی ل خەلكێ ئاوارەیێن شنگالێ كرن و دناڤ مالێن خۆدا حەواندن و بنەجهكرن و پێتڤیێن خۆیێ ناڤ مالێ ل سەر واندا دابەشكرن, پاشی ژلایێ رێكخراوێن مافێ مرۆڤان ڤە كەمپ بۆ وان هاتن چێكرن لێ هەر حالێ وان یێ پەریشان و بێزار بوو,چنكو ب هەزاران كچ و ژن و زەلام سێوی و بێ دایك و باب و خوشك و برا مان ب هەزارن كەفتن بن زولما ئەڤێ رێكخراوا تیرۆرستی داعش, سەرەرای دەرد و كول و دەربەدەری و دووركەفتن ژ وی وارێ تێدا مەزن بوی.
تُتاح هذه الصورة أيضا في: کوردی
