تۆرا لالش
ئیرۆ رۆژا شه‌مبوویێ 9ـی ته‌باخا 2025، نوژدار دكتور باسل عيسى و خێزانا خوه سه‌ره‌دانا په‌رستگه‌ها لالش كر ژ ئالیێ نڤیسینگه‌ها میرێ ئێزدیان هاتنه پێشوازی كرن.
خێزانا ناڤهاتی خه‌لكێ باژێرێ ته‌رتووس یا پێكهاته‌یا عه‌له‌ویێن سوریانه و د ديدارێ دا، لوقمان سلێمان ژ نڤیسینگه‌ها میرێ ئێزدیان، ڕه‌وشا شنگالێ و جینۆسایدا ئێزدیان و دیرۆك و شارستانیه‌ت و جینۆسایدا ئێزدیان بۆ شاندێ ناڤهاتی هاته گۆتن و خۆشحالیا خۆ بۆ سه‌ره‌دانا په‌رستگه‌هێ نیشان دان.
شاندێ عه‌له‌وی غه‌مگینا خوه بۆ ئه‌وا ب سه‌رێ ئێزدیان دا هاتی دیاركرن و كۆمكووژیا ئێزدیان برینه‌كا كووره و ب پره ژ هه‌زاران چیرۆكێن تراژیدی، هه‌روه‌سان گۆتن ب مخابنی ڤه پێكهاته‌یا مه ژی ژ ئالیێ رادیكالێن ئیسلامی ڤه ل سوریا دهێته كۆمه‌لكووژ كرن.
دووڤدا دناڤ گه‌لیێ په‌رستگه‌ها لالش دا گه‌ریان و هه‌موو جهــ ژ وانره هاتنه شرۆڤه‌كرن.
لالش تاكه په‌رستگه‌ها پيرۆزا ئێزديانه، دكه‌فته قه‌زا شێخان ل پارێزگه‌ها دهۆكێ و ڕێوره‌سمێن هه‌موو جه‌ژن و هه‌ڵكه‌فتێن ئۆلى لێ دئێنه كرن.
تُتاح هذه الصورة أيضا في: کوردی
