ب بزاڤێن په‌رله‌مانتارێن پارتى ل په‌رله‌مانێ عێراقێ و ئه‌ندامێن جڤاتا پارێزگه‌ها نه‌ينه‌وا، كار ل سه‌ر دروستكرنا نه‌خۆشخانه‌كا 100 ته‌ختى ل ناحيا باشيكێ دئێته‌ كرن.

‌پێنج شەمبوويێ 7ـی ته‌باخا 2025، د.ئه‌حمه‌د نازم دوبه‌ردانى، ئه‌ندامێ جڤاتا پارێزگه‌ها ‌نه‌ينه‌وا ل سه‌ر فراكسيۆنا پارتى، بۆ تۆرا لالش ڕاگه‌هاند: پڕۆژه‌يێ نه‌خۆشخانه‌يا 100 ته‌ختى ل ناحيا باشيكێ و ده‌وروبه‌ران، لدووڤ ستاندارێن بڵند و پێشكه‌فتى دئێته‌ دروستكرن.

ئه‌ندامێ جڤاتا پارێزگه‌ها ‌نه‌ينه‌وا ئاماژه‌ ب وێ چه‌ندێ دا، كار ل سه‌ر پڕۆژه‌يى به‌رده‌وامه‌ و ڕێژه‌يا بجهئينانێ تا نوكه‌ 40% تمامبوويه‌.

د.ئه‌حمه‌د نازم دبێژت: ئه‌ڤ پڕۆژه‌يێ گرنگ ب بزاڤێن په‌رله‌مانتار و ئه‌ندامێن پارتى ل په‌رله‌مانێ عێراقێ و جڤاتا پارێزگه‌هێ بۆ ده‌ڤه‌رێ بده‌ستڤه‌ئينايه‌.

‌ ناحيا باشيكێ ژ ده‌ڤه‌رێن مادا 140يێن ده‌رڤه‌ى ئيدارا هه‌رێما كوردستانێ يه‌ و دكه‌فته‌ ده‌شتا نه‌ينه‌وا ب دووراتيا 12 كيلۆمه‌تران ل باكورێ ڕۆژهه‌لاتێ مووسل، هه‌موو ئۆل و نه‌ته‌وه‌يان بخۆڤه‌دگرت.