تۆرا لالش
ب مەرەما بیرئانینا سالڤەگەرا شەهیدبوونا شەهیدێ قەهرەمان (محمود ئێزدی) ،رۆژا دوو شەمبوویێ رێکەفتی (18/8/2025) بنگەهێ لالش تایێ باعەدرێ ل گەل لیژنا ناوچا باعەدرێ یا PDK رابوون ب سازکرنا سمینارەکێ بۆ بەڕێز (محمد سعيد شهی) ل دۆر (سالڤەگەرا شەهیدکرنا شەهیدێ قەهرەمان مەحمود ئێزدی) ل هۆلا ئامادەیا باعەدرێ یا تێکەل.
ڕێ و رەسمێن سمینارێ ب رێڤەچوون ب ئامادەبوونا سەرۆکێ دەستەیا بلندا بنگەهێ لالش بەرێز (سه‌عيد جردو) و کارگێرێن لقا 20 یا PDK بەڕێزان (هڤال صالح نرمو) و (سفر ئاڤریڤی) و (شێخ ڤیان) و رێڤەبەرێ ناحیا باعەدرێ بەڕێز (ڕێزان میرزا بەگ) و و بەرپرسێ لیژنا ناوچا باعەدرێ بەڕێز (نجیم الیاس) و هەیئەتا لیژنێ و مالبات و کەس و کارێن خودێ ژێ ڕازی و کەسایەتیێن میری و حزبی و رەوشنبیری و جڤاکی و ریهسپی و موختار و تەخ و پێکهاتێن جودا یێن باعەدرێ و دەڤەرێ.
پشتی چەندەکێ وەک رێزگرتن بۆ شەهیدێن بزاڤا ڕزگاریخوازا گەلێ کورد سەرکێشێ وان بارزانیێ نەمر، ڕێ و رەسمێن سمینارێ دەستپێکرن.
ل دەستپێکێ بەرپرسێ بنگەهێ لالش تایێ باعەدرێ (م. خلات باعەدری) بخێرهاتنا تەڤایا ئامادەبوویان کر پاشی کورتیەک ل دۆر ژیانناما سمیناربێژی بەحسکر.
لدۆڤدا سمیناربێژی بەحسا ژیان و ڕۆلێ شەهیدێ ئەفسانەی کر دبزاڤا ڕزگاری خوازا گەلێ کورد دا، و چەندین ویستگەهێن قارەمانی و مێرخاسیا شه‌هیدی بۆ ئامادەبوویان شرۆڤەکرن د وان کاودانێن سەخت و دژوار یێن بزاڤا ڕزگاری خوازا گەلێ کورد ژ پێخەمەت ماف و ئازادیا ئیرۆ، دیسان رۆناهی ئێخستە باندۆرا وی دناڤا شۆرەشێ دا ل دەڤەرێ د رێکخستن و شەڕی دا دژی رژێما ژناڤچووی، ئەڤە و چەندین رۆنکرن و زەلالکرن و پرسێن جودا ل دۆر شەهیدێ قەهرەمان تێکەلی گۆتنێن خۆ کرن.
ل داویێ بنگەهێ لالش تایێ باعەدرێ قەڵغانێ ڕێز پێشکێشی سمیناربێژی کر.
هەژی گوتنێ یە، ل 18 /19 – 8 – 1979 ب دەستێن رژێما ژناڤچوویی گەهشتە کاروانێ نەمریێ پێخەمەت کوردستانەک ئازاد.
تُتاح هذه الصورة أيضا في: کوردی
