تۆرا لالش
ب هەلکەفتا بیرەوەریا (١٦)ی تەباخێ بنگەهێ لالش شێخان قوتابیێن سەرکەفتی یێن قوتابخانەیێن سەنتەرێ قەزا شێخان خەلاتکرن.
ل ژێر دروشمێ (قوتابی چەکێ زانین و زانستێ یە) ل رێکەفتی ( ۱۹ / ٨ / ۲۰۲٥ ) ب هەلکەفتا بیرەوەریا (١٦)ی تەباخێ ۷۹ ساڵیا دامەزراندنا پارتی دیموکراتی کوردستان، و ب حازربونا بەرێزان (سه‌عید جردۆ) سەرۆکێ دەستەیا بلندا بنگەهێ لالش و (صالح حه‌يده‌ر) بەرپرسێ لقا (٢٠) یا پارتی دیموکراتی کوردستان و (هه‌ڤال صالح نه‌رمو) کارگێرێ لقا (٢٠) یا پارتی و ( صادق قاسو علو ) بەرپرسێ لژنا ناوچا شێخان یا پارتی و (فوزی موسی) رێڤەبەرێ پەروەردا قەزا شێخان ب وەکالەت و ئەوقافا ئیسلامی ل شێخان و شاندێ ئەنجومەنێ کۆمەلایەتی یێ ئێزدیان ل ئێسڤنێ و چەندین سەرپەرشتێن پەروەردا قەزا شێخان و رێڤەبەر و بەرپرسێن حزبى و ميرى و قوتابخانان و کەسایەتی و موختار و رەوشەنبير و مامۆستا و سەميانێن قوتابيان، بنگەهێ لالش یێ ڕەوشەنبیری و کۆمەلایەتی تایێ شێخان رابوو ب گێرانا ڕێ و ڕەسمێن خەلاتکرنا قوتابیێن سەرکەفتی ل قوناغێن بنەرەت و ئامادەیی ل قوتابخانێن سەنتەرێ قەزا شێخان.
ل دەست پێکێ ئامادەبوویی خولەکەکێ سەکنین وەک ڕێزگرتن ل سەر گیانێ شەهیدێن کورد و کوردستانێ و سەروەرێ وان بارزانیێ نەمر و کاک ئه‌دریسێ هەر دەم ساخ، پاشان بەرێز (ئازاد مراد) بەرپرسێ بنگەهێ لالش تایێ شێخان پەيڤەك پێشكێشکر و بخێرهاتنا هەموو ئامادەبوويان كر، و د پەیڤا خۆ دا ب هەلکەفتا بیرەوەریا (١٦)ی تەباخێ رۆژا دامەزراندنا پارتا خەباتکەر و تێکۆشەر پارتی دیموکراتی کوردستان پیروزێن خۆ ئاراستەی بەرپرس و کارگێر و کادرێن لقا (٢٠) کرن، پاشان روڵێ بنگەهێ لالش ب هەموو تای و نڤیسینگەهیێن خۆڤە ب بلندی نرخاند ژ بۆ پشتەڤانیا وان یێ بێ سنوور ژ بۆ قوتابیان.
و ل دووڤدا بەرێز (سه‌عید جردۆ) سەرۆکێ دەستەیا بلندا بنگەهێ لالش د پەیڤا خۆ دا پیرۆزباهی ل قوتابیێن سەرکەفتی کر و دووپات کر هەر دەم دێ پشتەڤانیا چینا قوتابیان بین ژ بەر ئەو پاشەرۆژا مللەتێ مە نە.
و ل دووماهیێ قوتابیێن سەرکەفتی ژ پۆلا هەفتێ بنەرەت تا یازدێ ئامادەیی دگەل كارگێریێن قوتابخانان ژ لایێ تایێ شێخان ڤه هاتنە خەلاتکرن، و ژ لایێ خۆڤە ڕێڤەبەرێن قوتابخانا و قوتابیێن سەرکەفتی و سەمیانێن وان سۆپاسی و دەست خۆشی ل بنگەهێ لالش تایێ شێخان کرن ژ بۆ پشتەڤانیا وان یا بەردەوام.
بنگەهێ لالش تایێ شێخان ژ بۆ بلندكرنا ئاستێ زانستی یێ قوتابیان و گرنگیدان ب کەرتێ پەروەردێ، ساڵانە وەک بەرنامە قوتابیێن سەرکەفتی ل سەر ئاستێ قوتابخانێن سەنتەرێ قەزا شێخان خەلات د کەت.
تُتاح هذه الصورة أيضا في: کوردی
