ئەو کچا ل ناڤ سەتله‌كێ ده دژیا چی لێ ھاتيه؟
باسنيۆز:
کچێکی نێجیری، بەھۆی حاڵەتێکی دەگمەنی تەندروستییەوە، لەشی لە گەشەکردن وەستابوو، ماڵپەڕە جیھانییەکانیش نوێترین زانیارییان لەسەر ڕەوشی تەندروستیی ئەم کچە، بڵاو دەکەنەوە.
ئەمڕۆ چوارشەممە 28/12/2016، ماڵپەڕە جیھانییەکان بڵاویان کردووەتەوە، ڕەحمە ھارونا (19 ساڵ)، کە بەھۆی حاڵەتێکی دەگمەنی تەندروستییەوە لەنێو سەتڵێک دەژیا و لەشی لە گەشەکردن وەستابوو، کۆچی دوایی کردووە.
ماڵپەڕە جیھانییەکان ئاماژە بەوە دەکەن، ڕەحمە ڕۆژی یەکشەممە 25/12/2016، لە تەمەنی 19 ساڵیدا کۆچی دوایی کردووە.
ڕەحمە لە گوندی ڕەحادین ماکۆل، لە باکووری نێجیریا لەدایک ببوو، سەرەتا وەک ھەموو منداڵێکی دیکە شێوەی خۆی و جەستەی ئاسایی بوو، بەڵام لەگەڵ زیادبوونی تەمەنی، لەشی گەشەی نەدەکرد، تا ئێستاش چارەسەری تەندروستی بۆ حاڵەتە دەگمەنەکەی ئەم کچە، نەدۆزرایەوە.
تُتاح هذه الصورة أيضا في: کوردی
