ئارمانجا وێ گەهاندنا ئازارێن ئاوارێن ئێزدی یە
تۆرا لالش یا راگەهاندنێ
كچا فۆتۆگرافا ئێزدی(حەنان فێسەل) ل قەزا شنگالێ ئاكنجی یە د دیدارەكێ دا بۆ رۆژناما دەنگێ لالش خویاكر،ئاوارێن ئێزدی ل كەمپێن سنوورێ پارێزگەها دهۆكێ دژیانەكا سەخت و دژوار دا دژین،ئارمانجا من گەهاندنا ئازارێن ئاوارانە.
حەنانێ دیاركر،هەر ژ كەڤن دا من حەزا كارێ فۆتۆگرافیێ هەبوو نهۆ چەندین وێنێن جەژن و هەلكەفت و بیرەوەریێن ئایینی یێن جڤاكێ ئێزدیان هەنە و باوەرنامە ژی دڤی بواری دا بدەستخۆڤەئیناینە،پشتی رێكخراوا داعش دەست بسەر شنگال دا گرتی و ئاوارەیی پارێزگەها دهۆكێ بووین و ل كەمپان دا ئاكنجی بووین دەست ب گرتنا وێنێن ژیانا خەلكێ مە ل كەمپان دا كر و ئارمانجا من ئەوە ئێش و ئازارێن ئێزدیان و ب تایبەت ئاواران بگەهینمە جیێن شۆلەژێ ژبەركو ژیانەكا سەخت دبۆرینن،گۆتژی هاریكاری و پشتەڤانی یا كێمە لەورا بۆ من یا ب زەحمەتە بكارم دەنگێ خەلكێ خۆ یێ لێقەومیایی بگەهینمە هەموو دونیایێ كو ئەو دنەخۆشیان دا دژین.
خویاكر ژی ل دەمێ سالڤەگەرا چارێ یا كوشتارا گوندێ كۆچۆ دا،چەندین وێنە و ڤیدیۆ فۆتۆ ستوری ل وان جیێن داعش كوشتار ئەنجام دایی چێكرینە.
تُتاح هذه الصورة أيضا في: کوردی
