ژكەلەپۆرێ باب و كالا..خودانكرنا گیانەوەران
ئلیاس نەعمۆ خەتاری
وەكی گەلەك جارێن دن مەكریە بەحس وخەبەر كو ژیانا بەرێ گەلەك فەرق و جوداهی هەبوو دگەل یا ئیرۆ ئەم تێدا دژین وگەلەك گهۆرین بسەردا هاتینە لێ قۆناغ بۆ قۆناغێ وهێدی و هێدی تا پێشكەفتنا جیهانێ یا ئیرۆ ب ئەرین ونەرینێت خۆڤە وپێشكەفتنا پێشەسازی یا بەردەوام دهەموو بواران دا،لەوما خودانكرنا ئاژەلان وگیانەوەران فەرق و جوداهیەكا مەزن دگەل ئیرۆ هەبوو،دێ جارەكێ ئێین وبەرێ خۆ دەینێ كا ئەوە كار چاوا ب رێڤە دچۆن ، لدەمێ باب وكالا ژیانا مرۆڤان ئێكسەر دگەل ژیانا ئاژەلان وگیانەوەران ب رێڤە دچۆ،بەلكو گەلەك جاران دگەل وان دا دنڤستن مینا پەزی كو پترین ژ هەموو ئاژەل و گیانەوەرێن دن ب مرۆڤان ڤە دگرێدایبوون ئەوژی نە ژڤالاهیا هاتیە بەلكو پەز مسكینترین گیانەوەرە وب هیچ رەنگەكی زەرەرێ ناكت،هەر دیسان ب مفادارترین گیانەوەرە ژ بەرهەمێن پەزی شیر وهەموو جۆرێن سپیاتیێ و بەرخ وهری وگۆشت،لەوما خودانكرنا وی بڤی رەنگی بوو كو پتریا مالا پەز هەبوو وپتریا پەزی میه بوون وبزن دناڤدابوون لگەل رۆژهەلاتێ وشەبقدانا بەرێ سبێ دێ بربانە بنیا گوندی یان پشتا گوندی لجەم شڤانی ئەوی دێ بربا چێروانێ گەلەك جاران كورە جحێلەك دێ دگەل شڤانی ڤرێكربا داكو فێری كارێ شڤانیێ با و دیسان هاریكاریا شڤانی كربا دگۆتنێ دوومازۆ لكەند و چر ودۆروبەرێن گوندی تا رۆژئاڤا پاشی دێ زڤراندبا بەر گوندی وهەر مالەك دێ هاتبا پێشیا پەزی خۆ وپەز بربا مال وشڤان دێ چۆبا مالا نۆبەداری وان لێ شیفخواربا وپاشی چۆبا مالا خۆ و خودانێ پەزی پشتی پەزی بجه كربا چی خانیێن پەزی یان ل ئاخورا دێ رابا ل نیڤەكا شەڤێ خوارن دابانە پەزی كای وجەه دگۆتنێ خۆرزا پەزی ئەڤ كارە وەسا برێڤە دچۆ تا جەژنا سەرسالێ پشتی جەژنێ دێ پەز كربانە كەری ئانكو پەز ئێدی نە دئینانە مال كۆتان هەبوون لدۆرێن گوندان پەز لێ مەغەل دكرن و شڤان لناڤ پەزێ خۆ دنڤست وهەر رۆژەكێ ئێك ژ خەلكێن گوندێن ئەوێن پەزێ وان لناڤ كەری دێ چۆبا زێرەڤانی ل پەزی كربا ب شەڤێ دگۆتنە ڤی كاری شەڤ كورتك هەر مالەكا شەڤ كورتكا وانبا سبێ پشتی پەز ز مەغەلی رادبوو مەغەل دێ بۆ وێ مالێ با ئانكو بشكولێن پەزی دهاتنە بكارئینان بۆ سوتەمەنیێ ،بەری رۆژهەلاتێ دێ بربا چێروانێ پشتی رۆژ بلندبا دێ بێری چۆبانە دۆتنا پەزی،بێری ئەو ئافرەت بوو یا چۆبا بێریا پەزی ژبۆ دۆتنێ ومیژاندنا كارك و بەرخكێن پچووك و دگۆتنێ بێریڤان هەلبەت سیتلۆك ژبۆ دۆتنا پەزی و مەشك هەبوو ژبۆ هلگرتنا شیری وپارزنك ژ بۆ پارزنینا شیری وژمارەكا كەلوپەلێن جودا جودا ژبۆ ئەنجام دانا كارێ خۆ ئێ رۆژانە،دیسان برینا پەزی هەبوو لدەمێ وەرزێ سەرمایێ خلاسبا دێ رابانە ب برینا هریا میها وموێ بزنا ب مەقەسەكا تایبەت دگۆتنێ چەو ئەوژی ژ دوو پارچا پێكدهات ژێكڤەدبوو و دهاتە لێكدان و هەتا ئیرۆ رۆژ كار پێ دئێتەكرن،هەلبەت زانین بۆ ڤی كاری دڤیا ژئالیێ دووڤچۆنا بەر كاركا و بەرخكا هەبوو بەهرا پتر زارۆك و گەنج بڤی كاری رادبوون ل دۆروبەرێن گوندان دگۆتنێ بەرخڤان،هەردیسان خودانكرنا چێلا یا بەربەلاڤ بوو دناڤ خەلكێ مەدا ئەوژی بۆ مفا وەرگرتنا ژ بەرهەمێ چێلی وەكی شیر وماستی وگۆشتی وكرین وفرۆتنا وان ،جیێن تایبەت بۆ وان دهاتنە چێكرن وەكی خانی و ئافر ئانكو جیێن خوارنێ هەلبەت مەزنتربوون ژ ئێت پەزی چێلا گاڤان هەبوو سبێ تا هێڤاری لبەر دبوو ژبۆ چێروان وگەریانێ گۆلك وبەرهەمێن هەرێن باش و مفاداربوون دیسان مێ گۆنك چێلا بچووك هەبوو،گیانەوەرێن كاری وبار هەلگرتنێ دهاتنە خودانكرن ژبۆ رێڤەبرنا كارێ رۆژانە وەكی هەسپ ومەهین وهێستر وكەر جیێن تایبەت بۆ وان هەبوون ل گەلەك جی و باژێرا خانی هەبوون بۆ بێنڤەدانێ ونڤستنێ ئەو حەیوان بكری ل دهاتنە وەرگرتن دیسان صۆلبەند هەبوون بۆ چێكرنا صۆلێن وان ئاسنەكی تایبەت بوو ل بنێ صام حەیوانی ددان ژبۆ پاراستنا اندیان وی ئەوێ بڤی كاری رادبوو دگۆتنێ صۆلبەند و هنەكا كورتان چێدكرن بۆ سەر پشتا حەیوانان وهەفسار وتەنك وسەكەه بۆ گرێدانێ ل دەمێ بێنڤەدانێ وتێرك ژبۆ هەلگرتنا بارا وگەلەك پێتڤیێن دن ژبۆ ب رێڤەبرنا كارێ وان ئێ رۆژانە ل دەشت وبێدەران وخودانكرنا ئاژەلان،هەر دیسان نائێتە ژبیركرن تەعب وزەحمەتا هەرە مەزن یا باب وكالا ب ژیانا خۆڤە یا بەرێ دیتی خودانكرنا تەیر وتەوالا وجۆرێن مریشك وبالندا هەر ژكارێن وان ئێت سەرەكی بوو،لەوما مال نەبوو جیێن تایبەت تێدانەبان وەكی قنك وجیێن كوركرنان ژبۆ بحجم وسلێمان جودە وقەحفێن ئاڤێ وقەفەسێن تایبەت بۆ كۆتر وكەتیا وكرین وفرۆتنا وان و مفا ژێ وەرگرتن ب هەما جۆران،مێشێن هنگڤینی ئەڤ مێش دهاتنە خودانكرنێ ژبۆ مفاوەرگرتنا هنگڤینی وشەمایێ ژبەركو هنگڤین ئی بەها گرانە و خوارنەكا حەكیمانەیە وگەلەك ئی بمفایە بۆ ساخلەمیێ و سلامەتیێ.
تُتاح هذه الصورة أيضا في: کوردی
