دخوازت فلكلۆرێ شنگالێ بێتە پاراستن
تۆرا لالش یا راگەهاندنێ
هەلبەستڤانێ گەنج(ئەحمەد بەرەكات) خەلكێ قەزا شنگالە و نهۆ ل كەمپا خانكێ ئاكنجی یە،دكورتە دیدارەكێ دا بۆ دەنگێ لالش راگەهاند،ژ سالا(2004)وەرە هۆزان و هەلبەست نڤیسایە و ل سالا(2008) چەندین ژوانا تۆماركرینە،تەكەزكر ژی دخوازم هاریكاریا هۆنەرمەندێن شنگال بێتە كرن و فلكلۆرێ وێ بێتە پاراستن.
ئەحمەدی دیاركر،هەموو هۆزان و هەلبەست تۆماركرین یێن ئەڤینیێ بووینە و ل چەندین كۆر و سمینارا و ئاهەنگا دا پێشكێش كرینە،بەلێ پشتی كۆمكوژیا شنگالێ روودایی دوور بوویمە ژ هەلبەستێن ئەڤینیێ،نهۆ من هەموو كرینە د خزمەتا كۆمكوژیێ و غەریبیێ و ئاوارەیێ دا،گۆتژی ئەز و هەلبەست و هۆزان ب خۆشی و نەخۆشیێن خورە ژیاینە،لەوا دبێژم هەلبەست ژیانە،چەندین جارا هەول دایە هەلبەستێن خۆ بكەمە پەرتۆك،لێ ژبەر بارێ دارایی و ژیانا ئاوارەیێ نكاریە چێكم،دیسان چەندین هۆنەرندێن شنگال هەلبەستێن وی كرینە ستران و كلیپ ژوانا هۆنەرمەند(حەجی رەشو،مشدل حلو،ئەمین حەمو،عیدا شنگالی)،هەروەسا دخوازم جیێن پەیوەندیدار هاریكار بن دگەل وی و هەموو هۆنەرمەندێن شنگال،دا بكارن چاند و هۆنەرا فلكلۆرێ شنگالێ بپارێزن.
هەلبەستڤانی ئەو چەندە ژی خویاكر،داخوازێ ژ سەندیكا هۆنەرمەندێن كوردستانێ لقێ دهۆكێ دكەم لقەكێ سەندیكایێ ل شنگالێ ڤەكەن پشتی رەوش ئارام دبت،داكو فلكلۆرێ چیایێ شنگال ویێ كوردی ب گشتی بێنە پاراستن،كو هاریكار بن دگەل هەموو هۆنەرمەندێن شنگال داكو بكارن هندەكێ ژ وی فلكلۆری كلیپ بكن.
تُتاح هذه الصورة أيضا في: کوردی
