د. پرشنگ كاكایی:ئێزدیان نكاریە دەنگێ خۆ بگەهیننە جیهانێ
تۆرا لالش یا راگەهاندنێ
دكتورە(پرشنگ فلك الدین كاكایی) چاڤدێر و رەخنەگرە و نهۆ ژی وەك وانەبێژ دپەروەردەكرنا بنەمایێن دیموكراتیەت و زمانێ ئەلمانی و فێركرنا پیشەیی یە ل ئەلمانیا د دیدارەكێ دا بۆ رۆژناما دەنگێ لالش دیاركر،ماوەیەكە هاریكاریا پەنابەرێن ئَێزدی دكەم یێن ئاكنجیا وان هاتینە رەت كرن،كو حكوومەتا ئەلمانیا هندەك ئاسان كاریان بۆ وان مالباتان بكن،تاكو بكارن مافێ پەنابەریێ ل وی وەلاتی وەربگرن،ئاشكەراكرژی نە وێ كاری یە نڤیساندنەكێ لسەر كۆمكوژیێ بنڤیست و نە ژی ئێزدیان كاری یە وەكو پێتڤی دەنگێ خۆ بگەهیننە جیهانێ،دبێژت ژی ئێكەم پێنگاڤ پێتڤیە سەر ئێزدیان هەولبدەن وان كچ و ژنان رزگاربكن یێن د دەستێ تیرۆرستێن داعش دا ماین.
(پرشنگ خان)كچا (فلك الدین سابیر مەحمود كاكایی)یە ل سالا (1966) ل باژێرێ كەركووكێ چاڤێن خۆ بۆ ژیانێ ڤە كرینە، ل سالا (2008 _2012)مژوولی ناما دكتورایێ بوویە دبوارێ ژیانا كاكەییان ل ئەلمانیا،دەیكا دوو زارۆكایە و ژهەڤژینێ خۆ جودا بوویە،هەروەسا كارێ وێ چاڤدێر و رەخنەگریە،نامیلكەیەكا چاپ كری هەیە ژێر ناڤێ (رۆژنامەگەریا كوردی ل هەر 4 پارچێن كوردستانێ)،دیسان خوەدی پەرتۆكەكا دی یە كو نەهاتیە چاپكرن گرێدایی كۆمەلگەها كاكایی یانە و بابەتێن وێ بۆ ژیانا كاكاییانە لێ چنكو گەف لێ هاتبوونە كرن ژلایێ تیرۆرستان ڤە ل وێ و بابێ وێ ژی ل سالا( 2010)نە كاری نە بەلاڤ بكن،نهۆ ژی وەك وانەبێژ دپەروەردەكرنا بنەمایێن دیموكراتیەت و زمانێ ئەلمانی و فێركرنا پیشەیی،دگەل وان پەناپەرێن هاتینە ئەلمانیا ل رۆژهەلاتا ناڤین وئەفریقیا .. هتد كار دكت،داكو پەنابەر فێری كارەكی ببن بۆ خۆ و پشتی هنگی كار بكن.
لدۆر هاریكاریكرنا پەنابەرێن ئێزدی ل ئەلمانیا دكتورە (پرشنگ فلك الدین كاكایی)دبێژت:ماوەیەكە مژوولی هاریكاریا وان پەنابەرێن ئَێزدی دكەم یێن ئاكنجیا وان هاتینە رەت كرن، ژبۆ وێ یەكێ كو حكوومەتا ئەلمانیا هندەك ئاسان كاریان بۆ وان مالباتێن ئێزدی بكن،تاكو بكارن مافێ پەنابەریێ ل وی وەلاتی وەربگرن،ل سالا (2014_2017)وێ پشتەڤانی و هاریكاریا وان زارۆكێن ئێزدی كریە یێن بێ سەمیان و بێ دەیك و باب گەهشتینە ئەلمانیا و هاندایی نە كو بچنە قوتابخانێ و فێری زمانێ ئەلمانی و فێری كاری ژی ببن.
دەربارەی كۆمكوژیا بسەرێ ئێزدیان هاتی ل شنگالێ(كاكایی)دیاركر،ئەو كۆمكوژیا بسەرێ ئێزدیان هاتی تشتەكی وەسایە مرۆڤ نكارت وەسف بكەتن،ئازار و دەردەسەری و تالان و كچ و زارۆك گرتن و خورت و زەلامێن وان جانگۆری كرن،هەتا نهۆ ژی هندەك ژوان بێ سەروشوونن،ئەو كارە نە مرۆڤایەتی یە و هۆڤانەیە كو برینا ئێزدیان نائێتە سارێژ كرن،گۆتژی نە وێ كاری یە كو نڤیساندنەكێ لسەر وێ كۆمكوژیێ بنڤیست و نە ژی ئێزدیان كاری یە وەكو پێتڤی دەنگێ خۆ بگەهینن جیهانێ، دیسان ژی دەستخۆشیێ ل هندەك وان رەوشەنبیرێن ئێزدی دكەم كو كاری نە ب شێوەیەكی زانستی ئەكادیمی وان دكیۆمێنتا كۆم بكن لسەر كۆمكوژیێ و كاری لسەر بكن،ب دیتنا من ئەو باشترینە بۆ پاشەرۆژێ ژی.
سەبارەت رزگاركرنا كچ و ژنێن ئێزدی یێن د دەستێ تیرۆرستێن داعشێ دا ماین چاڤدێرێ گۆت:ئەو پر خەمگینە بۆ وان كچ و ژنێن گرتی یێن د دەستێن تیرۆرستێن داعش دا،هەروەسا دخوازم كو ئێكەم پێنگاڤ پێتڤیە ئێزدی هەولبدەن وان كچ و خوشك و ژنان رزگاربكن و پالپشتیێ ئێزدی ب دانێنە سەر خۆ و چاڤەرێ كەسی نەبن ژبۆ هاریكاریكرنا وان.
دلایەكێ دی یێ دیدارێ دا (د.پرشنگ)بەحسێ بابێ خۆ دكت و دبێژت:گەل بابێ خۆ (فلك الدین كاكایی)گەلەك نەژیایە، هەر دتەمەنێ هەفت سالی دا ئەو بابێ خۆ دگرتیخانا مووسل دا دبینت و ناس دكت،پشتی هنگی بابێ وێ لسەر هەستێ وی یێ كوردینیێ دیسان دووبارە بریارا دەستەسەركرنا وی ددەن و رژێما گۆر بگۆر یا ژناڤچووی،بابێ وێ رەوانەی گرتیخانا (ئەبو غرێب)دكن،لدۆر دەمێ ئازادكرنا ژی دیاركر،فلك الدین هەر مژوولی نڤیساندنێ بوو ل رۆژناما (التاخی)،هەر ئەگەێ نڤیساندنێن گۆتارا بابەتێن وی ناچاربووینە كو ئاوارەی وەلاتێ ئیرانێ ببن،چنكو بابێ وێ هەر مژوولی كارێ سیاسی و نەتەوەیی و حزبی بوویە،كو دوو سالان جارەێ ژی بابێ خۆ نە د دیت،ئەو چەندە ژی دیاركر ئەگه ر كچا (فلك الدین كاكایی)نەبا ل كەركووكێ ژی مابا بەرەف دەرڤەی وەلاتی نەچوو بایە، بێگۆمان وێ خووندن تەمام نەدكر وی دەمی و ئەو ئازادی ژی نەدبوو كو یا ئیرۆ وێ هەی،چنكو بابێ وێ بەردەوام كچێن خۆ هاندان كو خووندنێ تەمام بكن ئەڤ تشتە ژی ل جەم گەلەك كاكاییان نەبوو ل وی دەمی و هەتا ئیرۆ ژی.
ل داویێ و سەبارەت چ خالێن وەكهەڤیێ دناڤبەرا وێ و بابێ وێ دا هەبووینە دیاركر،بابێ وێ حەزا چاڤدێریێ و خووندنێ هەبوو،ئەو سالوخەتە ل جەم وێ ژی هەیە بەردەوام و بابێ وێ داهێنان دنڤیساندنێ دا هەبوو،تایبەت دئالیێ نڤیساندنا كوردی دا،دبێژت ژی كو بابێ وێ لسەر هەموو تشتان بابەت نڤیساندینە،كو دڤیا نهۆ هندەك هاتبانە وەرگێران بۆ سەر زمانێ ئەلمانی.
تُتاح هذه الصورة أيضا في: کوردی
