حكوومەتا عێراقێ بریارەك دژی ئاوارێن شنگال دەركر
تۆرا لالش یا راگەهاندنێ
حكوومەتا عێراقێ بریاردایە ئاهێن خوارنێ یێن ئاوارێن شنگال ژ جیێن نێزیكی كەمپان ل سنوورێ پارێزگەها دهۆكێ بۆ ناڤ شنگال بێنە ڤەگوهاستن،هەڤدەم ئاوارە دلگرانن و هێشتا پتریا وان دخیڤەت و كەمپان دا ئاكنجی نە.
(مجۆ سلێمان)ئاوارەیەكی شنگالێ یە دبێژت:پشتی ئەو ئاهێن خوارنێ هاتینە ڤەگوهاستن ئارێ نە باش یێ چووی پازدە هەزار دیناران،خەلكێ مە بەلەنگازە نكارن بڤی بەهایی بكرن،ژبەركو ئەم هەموو ل خیڤەتان دانە و پێتڤی ب هاریكاریانە،ئەڤ ئاهێن خوارنێ گەلەك ژ مە را د باش بوون لێ پشتی ڤەگوهاستنا وان بۆ شنگال حالێ گەلەكا ژ مە نەخۆش بوو،پشتی ئەو بریارا هاتیە دەرئێخستن ژبال حكوومەتا عێراقێ.
هەروەسا(داود دەروێش) ئاوارەیەكی دی یێ شنگالێ یە دیاركر،ژ ئەگەرێ ڤەگوهاستنا ئاهێن مە یێن خوارنێ ئەم گەلەك دلگرانن،وەكو دیار رۆژانە پێتڤیە ئاهێن خوارنێ ب دراڤێ خۆ بكرن ژبەركو ئەگەر ئەم ئاهێن خۆ ژ شنگال بینن پێتڤیە ب بەهایێ وی كرێ بدەین هەتا دگەهتە پارێزگەها دهۆكی، ژبەر هندێ ئەم داخوازێ ژ حكوومەتا عێراقێ و جیێن پەیوەندیدار دكن چارەیەك بۆ مە بێتە دیتن.
ئاوارێن شنگالێ ئاماژێ ب وێ چەندێ ددەن پشتی بریارا ڤەگوهاستنا ئاهێن خوارنێ هاتیە دان،دێ رەوشا مە ب زەحمتر كەفت.
تُتاح هذه الصورة أيضا في: کوردی
