ته‌مموز 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆك مه‌سعوود بارزانى: رێككه‌فتنا شنگالێ و ڤه‌گه‌ڕیانا ئاواره‌یان چاره‌یا دوماهیئینانا ئازارێن خه‌لكێ شنگالێ یه‌

سه‌رۆك مه‌سعوود بارزانى: رێككه‌فتنا شنگالێ و ڤه‌گه‌ڕیانا ئاواره‌یان چاره‌یا دوماهیئینانا ئازارێن خه‌لكێ شنگالێ یه‌
گاڤ

سه‌رۆك مه‌سعوود بارزانى راگه‌هاند، رێككه‌فتنا شنگالێ و ڤه‌گه‌ڕیانا ئاواره‌یان باشترین چاره‌یه‌ بۆ دوماهى ئینان ب ئازارێن خه‌لكێ شنگالێ.

سه‌رۆك مه‌سعوود بارزانى د نه‌هه‌مین سالیادا كۆمكوژیا كوردێن ئێزدى دا ل شنگالێ په‌یامه‌ك به‌لاڤكر و تێدا دیاركر، رێككه‌فتنا شنگال و ڤه‌گه‌ڕیانا ئاواره‌یان باشترین چاره‌یه‌ بۆ وێ یه‌كێ دوماهى ب وێ نه‌هامه‌تیێ و ئازارێن خه‌لكێ شنگالێ بهێت.

هه‌روه‌سا سه‌رۆك بارزانى دبێژیت: پشتى بۆرینا نه‌هـ سالان ژ كاره‌سانا شنگالێ ب لێبۆرین ڤه‌ برینێن شنگالێ نه‌هاتینه‌ ده‌رمانكرن و ئازار، نه‌هامه‌تى و ئاواره‌ى یا خوشك و برایێن ئێزدى به‌رده‌وامه‌ و ئاماژه‌ ب وێ یه‌كێ ژى كر جهێ پرسیارێ یه‌، بۆچى تا نوكه‌ حكومه‌تا ئیراقێ نه‌شیایه‌ رێككه‌فتنا ئاسایكرنا شنگالێ بجهـ بینیت و تا كه‌نگى حكومه‌تا ئیراقێ دێ باوه‌ریێ ب وان هێز و ئالیان ده‌ت كو رێگریێ ل بجهئینانا رێككه‌فتنا شنگالێ دكه‌ن.

سه‌رۆك بارزانى هه‌ر د په‌یاما خۆ دا زێده‌تر گۆت: گه‌لێ كوردستانێ ئه‌و چاڤه‌ڕیبوون ژ كۆمه‌لگه‌ها نێڤده‌وله‌تى و وه‌لاتێن دى هه‌یه‌ وه‌ك ئه‌لمانیا و بریتانیا ب فه‌رمى دانپێدان ب جینۆسایدكرنا ئێزدیان ژ ئالیی داعشێ ڤه‌ بكه‌ت و ب فه‌رمى كیمابارانكرن و پرۆسه‌یێن ئه‌نفال و هه‌موو تاوانێن دى كو هه‌مبه‌رى گه‌لێ كورد هاتینه‌ كرن ب جینۆساید بناسینن.

هه‌روه‌سا رۆلێ پێشمه‌رگه‌ى بلند نرخاند كو مێژوو و قاره‌مانانیا وان تۆمار كر و بۆ ئازادكرنا چیایێ شنگالێ و شنگالێ خوینا خۆ به‌خشى و تۆلا وان ژ تیرۆرستێن داعشێ ڤه‌كر.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi