ليژنا قوتابيان ل بنگه‌هێ لالش ل دهۆكێ ڕادگه‌هينت، كار ل سه‌ر دووڤچوون و پشته‌ڤانييا ڕزگاربوويێن ئێزدى ژ ده‌ستێ داعشێ، يێن بڤێن به‌رده‌واميێ ب خواندنا خۆ بده‌ن ل قوتابخانه، زانكۆ و په‌يمانگه‌هێن هه‌رێما كوردستانێ دكه‌ن.
منيب سه‌يدۆ، به‌رپرسێ ليژنا قوتابيان ل بنگه‌هێ لالش ل دهۆكێ ، بۆ تۆرا لالش یا ڕاگه‌هاندنێ گۆت: ب هه‌ماهه‌نگى ل گه‌ڵ وه‌زاره‌تا خواندنا بڵند و وه‌زاره‌تا په‌روه‌ردێ يا حكومه‌تا هه‌رێما كوردستانێ و لدووڤ چه‌ند مه‌رجان كار به‌رده‌وامه ل سه‌ر تۆماركرنا ناڤێن ڕزگاربوويێن ئێزدى ژ هه‌ردوو ڕه‌گه‌زان يێن بڤێن به‌رده‌واميێ ب خواندنا خۆ بده‌ن.
ئاماژه ب وێ چه‌ندێ دا، پێنج مه‌رج بۆ وه‌رگرتنا ڕزگاربوويان ل قوتابخانه، زانكۆ و په‌يمانگه‌هێن هه‌رێما كوردستانێ هاتينه دانان، ئه‌و ژى ئه‌ڤه‌نه:
-ده‌رچوويێن پۆلا سێيێ ناڤه‌ندا يێن بڤێن ل په‌يمانگه‌هان بێ به‌رامبه‌ر بخوونن.
-ئه‌وێن ژبه‌ر ته‌مه‌نى و كاودانێن تايبه‌ت ژ خواندنێ هاتينه ڤه‌قه‌تيان.
-ده‌رچوويێن شه‌شێ ئاماده‌يى يێن بڤێن به‌رده‌واميێ ب خواندنا خۆ بده‌ن ل كۆليژ و په‌يمانگه‌هێن حكومى و ئه‌هلى.
-قوتابيێن نوكه ل زانكۆيێن هه‌رێما كوردستانێ ب سيسته‌مێ پارالێل يان ئێڤاريان دخوونن، دكارن په‌يوه‌نديێ بكه‌ن بۆ ڤه‌گوهاستنا خواندنا خۆ بۆ بێ به‌رامبه‌ر.
-ده‌رچوويێن به‌كالۆريۆس يێن بڤێن خواندنا خۆ يا ماسته‌ر و دكتۆرايێ تمام بكه‌ن.
دا زانين ژى: ئه‌ڤ خزمه‌تگۆزارى بتنێ وان ناڤان بخۆڤه‌دگرت يێن د ليستا فه‌رمى يا ڕزگاربوويان دا هاتينه تۆماركرن و هه‌ر حاله‌ته‌كێ جودا بت ب هه‌ماهه‌نگى ل گه‌ڵ لايه‌نێن ڤه‌رمى دێ لێكۆلين ل سه‌ر ئێته كرن.
هه‌روه‌سا دياركر، ل سه‌ر ڤێ ژمارێ(07716090696)، ڕزگاربووى دكارن په‌يوه‌نديێ ب ليژنه‌يا قوتابيان بكه‌ن.
تُتاح هذه الصورة أيضا في: کوردی
