حكوومه‌تا هه‌رێما كوردستانێ هه‌موو ڤالاهیێن ژئه‌گه‌رێ ب داوى هاتنا گرێبه‌ستێن ڕێكخراوان ل كه‌مپێن ئاواران پركرينه
باسنيوز:
رێڤه‌به‌رێ كۆچ و كۆچبه‌ران و به‌رسڤدانا قه‌یرانا ل پارێزگه‌ها دهۆكێ دیاركر: “حكوومه‌تا هه‌رێما كوردستانێ، هه‌موو ئه‌و ڤالاهیى پر كرن یێن ژ ئه‌گه‌رێ دووماهی هاتنا گریبه‌ستێن رێكخراوان په‌ێدابووین ل ناڤ كه‌مپێن ئاواران سنۆرى پارێزگه‌ها دهۆكێ و ئێدارا سه‌ربه‌خۆیا زاخۆ .”
پیر ده‌یان جه‌عفه‌ر، رێڤه‌به‌رێ كۆچ وكۆچبه‌ران و به‌رسڤدانا قه‌یرانا ل پارێزگه‌ها دهۆكێ بۆ (باسنیوز) راگه‌هاند كو: “بارگرانیا مانا ئاواران ل سه‌ر حكوومه‌تا هه‌رێما كوردستانێ، گه‌له‌ك زێده‌بوویه ژبه‌ركو گریبه‌ستێن رێكخراوان دووماهیى دهین ڤالاتیى په‌ێدابیت و حكومه‌تا هه‌رێما كوردستانێ وێ ڤالاتیى پر دكه‌ت، ئه‌ڤه بیته ئه‌گه‌ر پتر بارگرانیى ل سه‌ر دام و ده‌زگه‌هێن حكومه‌تێ دروست بیت، نوكه گریبه‌ستا راكرنا گلیشى كه‌مپان و گریبه‌ستان كاره‌بى و گریبه‌ستا ئاڤێ و گریبه‌ستا هنده‌ك رێكخراوێن ته‌ندروستى دووماهیى هاتیه ئه‌و ڤالاتیى هه‌موو ژلایێ حكومه‌تا هه‌رێما كوردستانێ ڤه هاتینه پركرن.”
ئاشكه‌را كر كو: “ده‌مێ گریبه‌ستا راكرنا گلیشى دوماهى هاتى ئه‌ڤ ئه‌ركه كه‌ڤته سه‌ر ملین باژێرڤانیێن ل سنۆرێ پارێزگه‌ها دهۆكێ، هه‌روه‌سا ده‌مێ گریبه‌ستا كاره‌بى دووماهیى هاتى ئه‌وژى بارگرانی ل سه‌ر رێڤه‌به‌رێ و فه‌رمانگه‌هیێن كاره‌بێ ل دهۆكێ په‌ێدابویى ویێن ته‌ندروستى ژى ده‌مێ گریبه‌ست دوماهیى هیت، ئه‌رك كه‌ڤته سه‌ر ملێن ساخله‌میا حكوومه‌تا هه‌رێما كوردستانێ.”
گۆتژى: “نوكه هه‌موو ڤالاهیى یێن ژ ئه‌گه‌رێ دووماهیى هاتنا گریبه‌ستێن رێكخراوان په‌ێدابووین هاتینه پر كرن، گه‌له‌ك بارگرانى ل سه‌ر حكوومه‌تا هه‌رێما كوردستانێ چی بوویه، هه‌تا نوكه ژى به‌غدا وه‌كو پێدڤى هه‌ڤكاریا ئاواران نه‌كریه.”
تُتاح هذه الصورة أيضا في: کوردی
