تۆرا لالش
ل رێكه‌فتی 16/10/2025ێ، شانده‌كی ئێزدیێن رۆسیا پێكهاتبوون ژ بازرگان و ئەکادیمی و رەوشەنبیران سه‌ره‌دانا بنگه‌هێ لالش ل دهۆكێ كرن و ژ ئالیێ به‌رێزان سه‌عید جردۆ سه‌رۆكێ بنگه‌هێ لالش و جێگری وی د.سه‌عید خدیدا و ئه‌ندامێن ده‌سته‌یا بلند ڤه هاتنه پێشوازی كرن.
ل ده‌ستپێكێ هه‌ردوو ئالیان خوه‌شحالیا خوه بۆ هه‌ڤدیتنێ نیشان دان، و ژ نێزیك ڤه هایداری كار و چالاكیێن هه‌ڤدوو بوون و شاندێ ناڤبری هایداری كار و چالاكیێن بنگه‌هێ لالش بوون و رۆلێ بنگه‌هێ لالش ره‌وشه‌نبیریا كوردی و درێژه‌پێدانا پاراستنا چاند و كلتوور و فلكلورێ كوردی و خزمه‌تا وان د ناڤ ئاواران دا بلند نرخاندن.
دووڤدا ره‌وشا ده‌ڤه‌رێ و ب تایبه‌تی یا ئێزدیان یا پشتی 2014ێ هه‌تا نهۆ و ره‌وشا ئێزدیان ل دیاسپۆرایێ و مژارێن پەیوەندیدار ب پێشەرۆژا جڤاکا ئێزدیان ڤه شرۆڤه‌كرن، ل داویێ هەر دوو ئالیان تەئکید ل سەر گرنگییا كارێن هه‌ڤپشك كرن.
هەر دوو ئالی هه‌ڤرابوون ل سەر درێژەدانا ڤان جۆرە هەڤدیتنان و زێدەکرنا هەڤکاریێ دناڤبەرا هه‌ڤدوو و رەوشەنبیراندا، ژبۆ بەرژەوەندییا گشتییا جڤاکا ئێزدی و كوردستانێ له‌وران هه‌ردوو ئالیان هه‌ماهه‌نگیا خوه بۆ هه‌ڤدوو دانه دیاركرن.
دووڤدا شاندێ ناڤبری ب سه‌رپه‌رشتیا بنگه‌هێ لالش سه‌ره‌دانا باره‌گه‌هێ كه‌نالێ سه‌ما تیڤی كرن و ژ ئالیێ سه‌لام خێری رێڤه‌به‌رێ كه‌نالی و كارمه‌ندێن كه‌نالی ڤه هاتنه پێشوازی كرن و هه‌موو پشكێن كه‌نالی بۆ شاندێ ئێزدیێن رۆسی هه‌ڤكاری و خوه‌شحالیا خۆ بۆ كار و به‌رهه‌مێن سه‌ما تیڤی دانه دیاركرن.
تُتاح هذه الصورة أيضا في: کوردی
