تۆرا لالش
ئیرۆ ل رێكه‌فتی 16/10/2025ێ، شانده‌كی لقا 17 یا پارتی دیموكراتی كوردستان ل شنگال ب سه‌رپه‌رشتیا به‌رێز نازم هه‌ركی سه‌ره‌دانا بنگه‌هێ لالش ل دهۆكێ كر و ژ ئالیێ به‌رێز سه‌عید جردۆ سه‌رۆكێ بنگه‌هێ لالش و ئه‌ندامێن ده‌سته‌یا بلند هاته پێشوازی كرن.
دووڤدا روونشتنه‌كا ڤه‌كری لژێر ناڤێ (گرنگیا هه‌لبژارتنێن په‌رله‌مانێ عیراقێ بۆ كوردستانێ) ده‌ستپێكر و وه‌ك ڕێزگرتن ل سه‌ر گيانێ پاكێ جانگۆريێن كوردستانێ سه‌روه‌رێ وان بارزانيێ نه‌مر و كاك ئه‌دريسێ جوانه مه‌رگ ئاماده‌بوويى خۆله‌كه‌كێ سه‌كنين.
دووڤدا ناڤهاتی به‌حسێ پشكداریا كارا یا خه‌لكێ كوردستانێ بۆ هه‌لبژارتنان دا كر و دیاركر بهێزبوونا پارتی ل په‌رله‌مانێ عیراقێ زامنێ پاراستن و چه‌سپاندنا مافێن هه‌موو پێكهاتێن كوردستانێ یه و له‌وران داخواز ژ هه‌موو خه‌لكێ كوردستانێ بچنه سه‌ر سندۆقێن ده‌نگدانێ و ده‌نگی بده‌ته لیستا 275 یا پارتی دیموكراتی كوردستان و كاندیدێن پارتی.
هه‌روه‌سان د درێژیا ئاخفتنێن خوه دا ناڤهاتی ته‌كه‌زی ل سه‌ر گرنگیا جێبه‌جێكرنا رێككه‌فتنا شنگالێ كر و دیاركر جێبه‌جێكرنا رێككه‌فتنا شنگالی ئه‌من و ئاسایش و خۆشگوزه‌رانی دێ بۆ ته‌ڤایا ده‌ڤه‌را شنگالێ ڤه‌گه‌رت.
گۆتژی د فه‌لسه‌فه‌یا بارزانیه‌تێ دا پارتی و بارزان و سه‌رۆك بارزانی و شنگال ژێك جودانابن.
تُتاح هذه الصورة أيضا في: کوردی
