ب چاڤدێریا شێخ شامۆ سێ هۆلێن لالش ل كۆمەلگەها خانكێ دئێنە سەخبێركرن 
تۆرا لالش یا راگەهاندنێ
ب چاڤدێریا بەرێز”شێخ شامۆ”ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش ل دهۆكێ،سێ هۆلێن لالش ل كۆمەلگەها خانكێ هاتنە سەخبێركرن.
ل كۆمەلگەها خانكێ سێ هۆلێن هەلكەفتێن جڤاكی و رەوشەنبیری هەینە،ژوان ژی هۆلا قەسرئێزدین و هۆلا ربێبیێ و هەوێریا ،پشتی ئاوارەبوونا خەلكێ مەیێ شنگالێ ژمارا ئاكنجیبوویان ل كۆمەلگەهێ زێدەبوون و دووجاری ل خەلكێ كۆمەلگەهێ هات و خۆجهكرنا ئاوارەیان دڤان هۆلا دا و پشتی دەركەفتنا وان ژی ژمارا هەلكەفتا بەر ب زێدەبوونێ چوو ب تایبەتی تازی كو ئەڤ هۆلنە زیان گەهشتێ و پێتڤی نووژەنكرن و وەرارێ بوون.
ل سەر داخوازییا ئەندامێن بنگەهێ لالش تایێ خانكێ كو داخوازیەك بلندكربوون بۆ بەرێز”شێخ شامۆ”ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش ل دهۆكێ،ژبۆ درێژكرنا دەستێ پشتەڤانی و هاریكاریێ ژبۆ نووژەنكرن و پێشڤەبرنا هۆلان،ب چاڤدێریا ب”شێخ شامۆ” هۆلێن لالش هاتنە سەخبێركرن،سەرەرای قەیرانا دارایی یا هەرێما كوردستانێ تێدا دەربازدبە.
1_ هۆلا لالش ربێبیێ سەبكرنا عەردی وكرینا 120مەترێن قەنەپا وژ باشترین جۆری.
2 _ هۆلا لالش هەوێریا،چێكرنا سێوانەكا چینكویی ب درێژایا 20م و فرەهیا 7 مێتەری.
3_ هۆلا لالش قەسرئێزدین دووبارە چێكرن ونووژەنكرنا دیوارێ ژدەرڤە وبۆیاغكرنا هۆلێ و چێكرنا دەرگەهەكی بۆ دیوارێ ژدەرڤە.
4_ كرینا چادرەكا مەزن ژبۆ پێتڤیێت كۆمەلگەهێ وئاوارەیان.
5_ كرینا ـ200ـ كورسیێن پلاستیكی دگەل 100تەبلەیێن بچووك بۆ خزمەتا خەلكێ كۆمەلگەهێ وئاوارەیان .
تُتاح هذه الصورة أيضا في: کوردی
