هاریكاریێن دراڤی ب سەر ۱٦۲۸ كچ و ژنێن رزگاربووی دئێنه بەلاڤكرن
تۆرا لالش یا راگەهاندنێ
ب ئامادەبوونا بەرێزان “نۆفل حماد”پارێزگارێ نەینەوا و”شێخ شامۆ” سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ و” بشار کیکی” سەرۆکێ ئەنجومەنێ پارێزگەها نەینەوا و چەند ئەندامێن ئه‌نجوومه‌نێ پارێزگەهێ، ئیرۆ رۆژا چارشەمبوویێ 17/8/2016،ل ئاڤاهیێ بنگەهێ لالش ل دهۆكێ دەست ب بەلاڤکرنا گوژمەكێ دراڤی ب سەر 1628 كچ و ژنێن رزگاربووی یێن كوردێن ئێزدی هاتە کرن و بۆ هەر كچ و ژنەكێ 560هەزار دینار هاتیە دابینکرن.
سەیدۆ چەتۆ،سەرۆكێ فراكسیۆنا هەڤپەیمانیا برایەتی و پێكڤەژیانێ ل ئەنجوومەنێ پارێزگەها مووسلێ تایبەت بۆ مالپەرێ(تۆرا لالش یا راگەهاندنێ)گۆت:” ئەڤ دراڤە ب بریارا جڤاتا پارێزگەها مووسلێ بوو و جهێ جێبەجێكار،ئانكو ئەڤ كەسێ دراڤ دای ژ ئالیێ ئیدرا پارێزگەهێ بوو كو ب سەر 1628 كچ و ژنێن رزگاربووی ژ دەستێ داعشێ یێن كوردێن ئێزدی هاتە بەلاڤكرن و هەر كچ و ژنەكێ 560هەزار ینار گەهشتێ،پشتی هەولدانێن مە وەك جڤاتێ مە فشارل سەر ئیدارا پارێزگەهێ كر هەتا كو ڤێ هاریكاریێ پێشكێشی ڤان كچ و ژنان بكەتن”.
چەتۆ گۆتژی دێ هەولێن مە دبەردەوام بن بۆ بەردەوامیدانا ڤێ هاریكاریێ بۆ ڤان كچ و ژنان و دێ هەولدەین هەركەسەكێ زەرەر ژ دەستێ داعش دیتی مفای ژ ڤێ هاریكاریێ وەرگرت ل دەمێ داهاتی،چنكو ئەڤە ئێك ژ ئارمانجێن فراكسیۆنا هەڤپەیمانیا برایەتی و پێكڤەژیانێ یە،بۆ هندێ خزمەتا ڤی خەلكێ زەرەرمەندبووی بكەتن.
هەروەسا”سەیدۆ چەتۆ”سوپاسیەكا تایبەت ئاراستەی بنگەهێ لالش ل دهۆكێ كر بۆ هەر تشتەكێ بۆ رێكخستنا ڤێ چالاكیا بەرهەڤكری و هۆلا بنگەهی و پێتڤیێن دی و كادر و زێرەڤانێن خۆ دخزمەتا ڤێ چالاكیێ دا كرین،بۆ هندێ ئەڤ دراڤە بگەهشتە وان كچ وژنان.
تُتاح هذه الصورة أيضا في: کوردی
