رزگاربوویێن ئێزدی ل قوتابخانێن ئەلمانیا سەركەفتیێن ئێكێ نە 
تۆرا لالش یا راگەهاندنێ
ل دووڤ بریارەكا ئەلمانی ئەو رزگاربوویێن ئێزدی یێن ب مەرەما چارەسەریا دەروونی ل وی وەلاتی دژین،دڤێت بۆ ماوەیێ دوو سالان ژ زەلامێن خۆ دووبن،ڤێ یەكێ ژی رزگاربوویی نیگەران كرینە،سەرەرای هندێ هندەك ژ وان ل سەر قوتابخانێن خۆ یێن فێربوونا زمانی و گشتی ژی بووینە سەركەفتێن رێزا ئێكێ و ب تایبەت زارۆك.
بەرپرسێ نڤیسینگەها رێكخراوا پرا هەوایی ل كوردستانێ(د.میرزا) بۆ رۆژناما دەنگێ لالش ئاشكەراكر كو پتری هەزار رزگاربوویێن ئێزدی ب مەرەما چارەسەریا دەروونی بۆ وەلاتێ ئەلمانیا هاتینە رەوانەكرن،دەمێ بریار هاتیە دان كو رزگاربوویێن ژ دەستێ داعشێ بۆ ئەلمانیا بێنە رەوانەكرن،ئێك ژ وان بریارێن ئەلمانیا پێ دایی ئەو بوو كو هەر كەسێ ب رێیا مە بچتە وی وەلاتی دڤێت ئیمزایێ بكت بۆ ماوەیێ دوو سالان ئەو دوور بتن ژ زەلامێ خۆ ژبەر بارێ وان یێ دەروونی،ژبەر هندەك بارێن مرۆڤایەتی كو هەموو رزگاربوویێن نۆكە ل ئەلمانیا دژین نێزیكی ئێكن و پتریا وان زەلامێن وان نەدیارن،لەوما ژی حكوومەتێ گۆتیە داكو ئەو زارۆك ل وێدەرێ هەست ب نەخۆشیێ نەكن،دووپاتكر ژی كو چارەسەركرنا بارێ رزگاربوویان ل ئاستەكێ گەلەك باش دایە و هندەك ژ وان ل سەر قوتابخانێن خۆ یێن فێربوونا زمانی و گشتی ژی بووینە سەركەفتێن رێزا ئێكێ و ب تایبەت زارۆكا.
هەروەسا كچا رزگاربوویی(بەهار خدر) بۆ دەنگێ لالش خویاكر،ل ئەلمانیا ب شێوەیەكێ باش چارەسەریا مە دئێتە كرن و هەموو پێتڤی بۆمە هاتینە دابینكرن،بەلێ دلگرانم ژبەركو ماوەیێ چەند هەیڤانە هاتیمە خواستن و رێ نائێتە دان ئەز و هەڤالێ خۆ دمالەكێ دا بین و ژیانا خۆ ببەینە سەری، داخوازێ ژجهێن پەیوەندیدار دكەم چارەیەكێ بۆ ڤان كێشەیان ببینن،ژبەركو ئەو خەلكێ ل ڤێدەرێ یێن ب رێیا رێكخراوێ هاتین هەمان ئاریشە ژێرا پەیدا دبن.
تُتاح هذه الصورة أيضا في: کوردی
