ئێزدی ژ پاشەرۆژا خۆ ل عێراقێ نیگەرانن
تۆرا لالش یا راگەهاندنێ
پشتى بۆرينا يادا دووێ یا قركرنا ئێزدیان ل 3/8/2014 ل شنگالێ،ئێزدی دەربرینێ ژنیگەرانییا خۆ دكن ل دۆر پاشەرۆژا وان دعێراقێ دە،داخواز دكن پاراستن وبەرەڤانیكرنا كێمینەیان بێتە كرن.
ئێك ژئۆلدارێن ئێزدیان ل شنگالێ(شێخ سەبری)بۆ دەنگێ لالش دیاركر،ژبەر بەردەوامییا توند وتیژیێ پشتی بۆرینا دوو سالا ل سەر كارەساتا شنگالێ وبارودۆخێ نەخۆش یێ ئێزدیان چ دزیندانێن داعش دە وچ دژیانا ئاوارەبوونێ دا بن،و كێم خەمییا جڤاكێ نیڤدەولەتی بەرامبەر ڤێ كێشێ،لەورا ئەم دلگرانین ل دۆر پاشەرۆژا خۆ دعێراقێ دە ب تایبەتی دەڤەرێن دەشتا نەینەوا ژهەموویان پتر یێت مەترسیێ دە و یا ب سەرێ شنگال هاتی مەزنترین بەلگەیە، ئەم یێ ل سەدێ بیست وئێكێ وئەم تووشی كۆم كوژی وتلانكرن و كوشتنێ دبین وكڕین وفرۆتن ب كچ وژنێن ئێزدیان دئێتە كرن ولایەنێن شۆلەژێ یێن نێڤ دەولەتی وناڤخۆیی بێدەنگە،لەورا ئەم دخوازین جڤاكی نێڤ دەولەتی خۆ ل كێشە وگرفتێن ڤێ كێمینا بێ گونەه بكەتە خودان و بێتە پاراستن.
وەلاتیێ ناوچەیا سنوونێ(عەلی خەلەف) بۆ دەنگێ لالش دبێژت:ئەم ئێزدی نهۆ ژی هێش دپۆسیدەینە ژبەر وان كارەسات وكۆم كوژییا یێن كو ژئەگەرێ ئۆلی ونەتەوەیی هاتینە سەرێ مە،دهەمان دەم دە مە چوو زەرەر نەگەهاندیە هیچ كەسەكێ ، دڤێت ژنۆكە و وێڤە پێگری ب سیستەمێ پێكڤەژیانێ بێتە كرن وهەموو ئۆل ونەتەوە وئایین پێكڤە بژین ومە نەڤێت دگەل وان كەسا بژین یێن خوینا مە بدەستێن وان ڤە وزۆرداری ل مە كری، هەر كەسەكێ تاوانەك كربت یان پشكداری دتالانكرن وكۆمكوژییان دە كربت ب دژی ئێزدیان ئەم دخوازین ل گۆر یاسایێ بگەهتە سزایێ خۆ.
ل گۆر راپۆرتێن نەتەوەیێن ئێكگرتی كو ئەڤا ئەڤ كێمینە تووشبووینێ پێكۆل دئێتە كرن وەك جینۆساید بێتە ناساندن،چنكو ڤێ رێكخراوا توندرەو پێكۆل كریە كو 400هەزار كەسا ژناڤ ببەت،هەروەسا پتری سێ هەزار كەسێن ئێزدی هەتا نهۆ ددەستێ وان دە دگرتینە،هاریكارێ ئەمیندارێ گشتی یێ نەتەوەیێن ئێكگرتی (ئیڤان سیمونۆفیتش) ل 22چریا ئێكێ 2014 دوپاتكربوو،كو كوئەڤە تاوانەكە مەزنە رێكخراوا دەولەتا ئیسلامی ددەرهەقێ ئێزدیادە كری وئەڤ كێشە یا گەهشتیە دادگەها نێڤ دەولەتی.
تُتاح هذه الصورة أيضا في: کوردی
