نیسان 14, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

صباح سمیر:ئێزدی ب نەرمی دئێنە خاپاندن

ئێزدی ب نەرمی دئێنە خاپاندن

صباح سمیر
هەیاما چەند رۆژایە رێکەفتنەک ل دەڤەرا شنگالێ هاتییە ئەنجامدان کو پەیمانگەها ئازادیێ یا ئەمریکی بۆ ماوەکی درێژە کار ل سەر دکەت کو بەشەک ژ کەسایەتیێن شنگالێ تێدا دپشکدار بوون دگەل هندەک ژ عەرەبێن گوندێن دەردۆرێ دەڤەرا باکورێ شنگالێ و بەردەوام کۆمبوون دهاتنەکرن.
دڤان کۆمبوونا دا وەک هەر لایەنەکی بەحسێ زولما ل ئێزدییان هاتییەکرن کرینە، و ژلایێ ئێک و دن ڤە دهاتنە تۆمەتبارکرن کو ل دەمێ رێکەفتی ۳/٨/۲۰۱٤ێ رێکخراوا تیرۆرستییا داعشێ هێرشکری دەڤەر شنگالێ کری ئێزدییان زیانەکا مەزن دا ئەوژی ژلایێ جیران و دەردۆرێن خوە کو پشتەڤانیا داعش کرن.
تنێ دخوازم دیار بکم پتریا کەسایەتیێن ئێزدیان ل دەڤەرا شنگال دگەل رێزێن من بۆ هەمووان لێ نە ل وی ئاستی بوون دگەل لایەنێ عەرەبی ب وی شێوازی وێ رێکەفتنێ ب وی شێوازی ئیمزا بکەن.
دڤان کۆمبوونان دا گەلەک فەر بوو کو کۆمەکا کەسایەتیێن ئەکادیمی و خودان سەربۆر دڤان مەسەلا دا ئامار و ژمارەیێن دورست کۆمکربان ل سەر وان عەرەبێن دەست دکوشتن و رەڤاندنا کچ و ژنێن ئێزدیان دا هەیی و دابانە وان و داخوازا رادەستکرنا وان کربانە بۆ دەزگەهێن ئەمنی زێدەباری دادگەهکرنا وان یێن دەست دکوشتنا ئێزدیان دا هەیی.
شاندێ عەرەبی یێن دکۆمبوونێ دا دگەل ئێزدیان سەرجەم داتا هەبوون و دا کو ئێزدی بێنە مەجبورکرن کو دەست ژ گەلەک داخوازیێن خوە بەردەن و حکومەت و گەلەک لایەنێن لۆکالی و نێڤدەولەتی پشتەڤانێ ڤێ رێکەفتنێ بوون و ل گۆرەی پێزانینێن من کو لایەنێ چاڤدێر وێ قەرەبۆیا وان بکەت .
ل داویێ کو چەند خال دگرنگن بێنە بەرچاڤکرن کو دڤێن ل هەر کۆمبوونەک و کارەکی هۆسا د بابەتێ چارەنڤیسێ ئێزدیان دا کەسایەتیێن زانا و شارەزا دپشکداربانە و خالا هەرا گرنگتر گەلەک فەر بوو کەسوکارێن قوربانیا دپشکدار بانە تنێ کەسوکارێن قوربانیا دزانن برینا وان چاوا ساخ دبت، ئەم ژ کەسایەتی و بەهایێ وان کەسان نائینن خوار یێن پشکدار بووین دکۆمبوونێ دا،لێ پتریا وان یێن ئامادە بوویین ئەڤ بابەتە نەکارێ وانە و ئەوان شارەزایی دڤان بابەتان دا نینە دڤیا ئەوان هەول دابا ب کۆدەنگی پشکداری کربا دا ئیرۆ نەکەفتبانە بەر رەخنەیان و ئەم نە دژی ل هەڤهاتنێ نە دگەل وان بەس دڤێت دادپەروەری بێتە چەسپاندن و کەسێن دەست دکوشتن و رەڤاندنا ئێزدیان دا هەیی بێنە دادگەهکرن ئەڤە باشترین رێکەفتنە دگەل وان کەسێن دەست دجینۆسایدا مە دا هەیی و ئەو کەسێن بێ گونەهـ ژی ئێزدیان هیچ کێشەک دگول وان دا نینە .

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi