ته‌مموز 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پیر خەلات ئەلیاس:دئـێـزدیـاتـیـێ دا قـەدرێ دای وبـابـە

دئـێـزدیـاتـیـێ دا قـەدرێ دای وبـابـە

پیر خەلات ئەلیاس

قەدرێ دای و بابە ژ قەدرێ خودێ هاتییە هەکە دای و باب نەبانە هەبوون و ژیان نەبوو لەوما ژ ئەدەبێ دینێ ئێزدیان هاتیە زەلالکرن و دبێژت:
هزرا خۆ بکە لڤێ دنێ
ل ئەمرێ پەدشایی ب تنێ
ئەوی دای و باب دانان لڤێ دنێ.
قەدر و رێز و پوتە دان ئێکە ژ ئەرکانێت پیرۆز یێن خودێ ناسیێ دێێزدیاتیێ دا لەوما هەر ژ کەڤندا ئێزدیان قەدرێ دایێ و بابێ گرتییە و هەتا نهۆ ل پەستگەها پیرۆزە لالش و ل کۆچک و چڤاتا ل بەر نیشانگەهێن خاس و باپچاکان شیرەت و وەسیەت تێنە ڤەهوناندن و گۆتن: بۆ قەدرێ دایی و بابە.
1- دئێزدیاتیدا دای ژیانە :
ژیان و ئەدەب و پەروەردە و پێشکەفتن ساخلەمی ب رێیا دایێ نە و بتریا دەمێ دایێ لاڤ و هیڤینە ژ خودایێ مەزن بۆ ستار و ساخ و سلامەتیا وان زارۆکێن ژ جەرگێ و بەدنا خۆ دایین ، هەر وەسا رێزبەندیا جڤاکا ئێزدی بۆ وان کەسایە یێن قەدرێ دای و بابە گرتی لەوما ژ ئەدەبێ دنیێ ئێزدیان دەتە دیارکرن و دبێژت:
نەهـ مەها تو خودانکری
ژ ئاڤ و ئاگرا دوورکری
خەوێت شەڤا بۆتە ل خۆ خرابکری.
نەبێژە تو یەپیری
و هزرەکا بێ بیری
هەکە ب وێ نەبت ناچیە پێش دیندارا میری.
گاڤا دای یان باب نەساخ دبن
یە فەرە هنگی د خزمەت دابن
ل حەکیم و تەختۆر و تەبیبە بگێرن .
ببەنە ل لالشا نورانی و بگێرە
ل پێ دای و بابە بدەن خێرە
واجبێ وان بکەن وەکە مەلکان و مێرە .
2- دئێزدیاتیێدا باب هەبوونە :
بابێ وەفادار و خەمخۆر و رێبەر دێ بتە ئوجاخ و دێ بەختوەربت و د جڤاکا ئێزدیدا ناسیار دبت ب دان و ستاندن و خێر خواز و ئاقل مند ب روشتێ ئێمانێ و بوەریێ و ژ ئەدەبێ دینێ ئێزدیان دەتە دیارکرن و دبێژت:
تەسکەرەک هاتی ژ عەزمانە
رێ رسم و حەد وسەد بۆ مە دانانە
ئێک ژ وان وەسیەتا دای و بابانە .
باب ل عەدا هۆستایە
مال ب وە یە راوەستایە
تاحەتا وی ژ تاحەتا خودایە .

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi