ل باعهدرێ دانوستاندنەکا ڤەکری ل دۆر هندەك پرسێن ئێزدیاتیێ ب ڕێڤهچوو
تۆڕا لالش:
ئیرۆ رۆژا شەمبوویێ 25ی چريا دووێ 2023ێ، ب ئامادەبوونا بهرێز “سهعيد جردۆ” سەرۆکێ دەستەیا بلندا بنگەهێ لالش و بەرپرسێ لیژنا ناوچا باعەدرێ یا (PDK) و ههژمارەکا ڕەوشەنبیران، بنگەهێ لالش تایێ باعەدرێ دانوستاندنەکا ڤەکری ل دۆر هندەك پرسێن ئێزدیاتیێ بۆ نڤیسەرێ دەڤەرێ “غازى نزام” ل بارەگایێ بنگەهی بەرهەڤکر.
ل پێشيێ “خهلات باعهدرى” بەرپرسێ بنگەهێ لالش تایێ باعەدرێ بخێرهاتنا نڤیسەرێ ناڤهاتی و تەڤایا ئامادەبوویان کر بۆ ڤێ دانوستاندنێ و ڕۆناهی ئێخستە سەر گرنگیا ناڤەڕۆکا بابەتێ دانوستاندنێ و کەسایەتیا نڤیسەری.
لدووڤدا نڤیسەرێ ناڤهاتی ڕۆناهی ئێخستە سەر چەمک و تێگەهێ ئاینی و کورتیەك ل دۆر قۆناغێن تێرا دەرباز بووی ئینا زمان، و فۆکس ئێخستە سەر وان هزر و باوەرێن هەر ژ کەڤندا وەکو دەروازەیەك بۆ دانوستاندنێ و ئەو شەنگستێن دناڤا واندا ب شێوازهکێ زنجیرەی.
ژ ئالیەك دن ڤە غازى نزام بالکێشا ئۆلا ئێزدیان و تەکەز ل سەر چەند خالێن گرنگێن ناڤا ئۆلا ئێزدیان کر ژلایێ فەلسەفی و دیرۆکی و کەسایەتی و ئایدۆلۆژی ب بەلگە و بۆچۆنێن نڤیسەرێن جیهانی و ناوچەیی…هتد،ئەڤە و چەند تێبینی و ڕۆنکرنێن دیتر ل سەر بابەتی دانە خویاکرن.
ل داویێ دان و ستاندنەکا گەرم ل دۆر بابەتی دروست بوو دناڤبەرا نڤیسەری و ئامادەبوویان دا کو مژار و دانوستاندن مفادار و زەنگینتر بوو.
تُتاح هذه الصورة أيضا في: کوردی