ئــێـزدیـاتـی 99 ئـەرکـانـن
پیر خەلات ئەلیاس
ئەرکانا ئێکێ خودێ ناسینە ژ پەروەردا ئیمانێ هاتییە پەروەردا ئیمانێ دئێزدیاتیێ دە ژ سێ روکنا پێکهاتییە ئاقل و مەعریفەت و زانایی هەموو پێشکەفتنا و بنیاتا هەموویێ پەروەردا ئیمان و باوەریا چاک و پاکییە لەوما دئێزدیاتیێ دا گەلەک پووتە و بەها دایە پەروەردێیە و ژ ئەدەبێ دینێ ئێزدیان دایە دیارکرن و دبێژت:
ئێزدیاتی نۆت و نەهـ ئەرکانە
ئەوەل عیبادەت زمانە
ناسبوونی سەر خەتما وانە .
ئێزدیاتی نۆت و نەهـ ئەرکانێت موقەرەمن
ژ نۆت و نەهە ئەرکانا سێیا ب عەلەمن
دێ رۆژا ئاخرەتێ ل دیوانا میر کەلمن .
ئەرکانا ئێکێ ژ سێ روکنا پێکهاتییە و هەر سێ روکن ئێک و دوو تەمام دکەن و دبتە ئێزدیاتیا ساخ و ساخلەم پەروەردەیە خودێ ناس و هەسێ روکن ئەڤەنە:
1- خودێ ناسین: یەفەرە ل سەر ئینسانە عیبادەتێ و سجوودەتێ بۆ خودێ بکەن و رێز و قەدرا بدەنە رێ و رسمێن ئۆلی و ئاینی ل گۆڕ ڤەلسەفا ئەدەبێ دینی و دێ گەهنە مرازێ لەوما علمێ خودێ بۆ ئێزدیاتیێ دایە دیارکرن و دبێژت:
ئیمان ئەوە یا وە بری
چاڤ نەدەنە خەلکێ موشەمری
دا ژ تالیا وە رانەبت کفری .
هوون ژوان بن گۆهـ ل توفاقە
قەست بکەنە دیوانێت خاسا و مەحفەلێت چاکە
دا رۆژا ئاخرەتێ وە نەهاڤێژنە زکاکە .
2- قەدرێ دای و بابە و یەفەرە لسەر هەر کەسەکی قەدرێ دای و بابە بگریت و گاڤا نەساخبن ئەوان ل حەکیم و تەختۆرا بگێرت و خلمەتا وان بکەت لەوما ژ ئەدەبێ دینێ ئێزدیان کەرمکریە و دبێژت:
باب ل عەردا هۆستایە
مال ب وی یەراوەستایە
تاحەتا وی تاحەتا خودایە .
نەبێژە دایێ تو یە پیری
نەبێژە تو هزرەکا بێ بیری
ب وێ نەبت تو ناچییە پێش میری .
کەسانێ بێ رێز و عەدەت نائینت دوو سەر قەلونە
هەتا ژ تەبێت تاقەت نەچە نێزیکی موونە
هەکە خودێ داتە فەرسەت خورتیێ نەکە ل زەبونە .
3- پەروەردا گشتی یەفەرە لسەر هەر کەسەکی رێز و قەدرا بدەتە پەروەردا گشتی ب تایبەت ژ ئالیێ خوندنێ و نڤیسینی ل قوتابخانا دڤێت ئەرکێ خۆ یێ پەروەردێ ب جهـ بینت و هێدی هێدی دێ ئاقلدار و ئاقلمەند و بەهرەمەند بت و هەر وەسا رێزگرتنا گوندیاتیێ یە فەرە ئینسان قەدر و بەهایا بدەتە گوندیاتیێ و رۆژ بۆ رۆژێ ئەو قەدر و قیمەت دێ بنە رێز و پالدەرکی مەزن دنا جڤاکا ئێزدی دە و هەر کەسێ بێ رێز دێ پۆشمان بیت لەوما ژ ئەدەبێ دینێ ئێزدیان دبێژت:
هنجی جوانێ ل رێیە
هەموو کریارێت وی چێیە
ئەو حەبیبێ خودێیە.
ئاقل و زانین هەدایەتە
هنجی جوانێ چاک ب تەربیەتە
ئەو روح ل بەر پەدشێ خۆ یەب عزەتە.
کۆک و بنیاتا ئێزدیاتیێ هەموو پەروەردەیە ل سەر بنیاتا مەعریفەتێ و زانین و باوەریا ئیمانێ لەوما ئێزدی دگرێدایی سرۆشتیێ و رۆناهیا خودێنە ، رێز و سلاڤ بۆ کەسێن پەروەردەکار و مەعریفەتدار.
تُتاح هذه الصورة أيضا في: کوردی
