دئــێـزدیـاتـیـێ دا ڕێــزگـرتن یە پـیـرۆزە
پیر خەلات ئەلیاس
ئێزدیاتی خودێ ناسینە و ئێک ژ ئەرکانێت پیرۆز رێز گرتنە و زانا و ئاقل مەند و رەوشەنبیر رێبەریا ملەتان دکەن و دبنە پالدەرێن گەشبین و پێشە رۆژا نفش و ڤەمایان و ئەو رێزا بۆ وان هاتیە ل قەلەم خستن ژ بەرهەمێ وانە ئەو رێزا وان ل خۆ و بەرامبەر و دەردۆرێن خۆ گرتی ئەنجاما سەر کەفتنا ناڤ و ئوجاغانە ب تایبەت کەسێ رێزێ ل خەلکێ بگریت دێ رێز ل وی ئێتە گرتن.
ژ ئەدەبێ دینێ ئێزدیان ژ بەیتا نەسیحەتا دبێژت:
یێ بێ رێز و عەدەت نائینت دوو سەر قەلوونە
هەتا ژ تە بێت تاقەت چوجار نەچە نێزیکی موونە
هەکە خودێ داتە فەرسەت خورتیێ نەکە ل زەبوونە
رامان ژ ڤێ سەبەقێ دەتە زەلالکرن:
مرۆڤێ رێزێ ل خۆ نەگریت ئەو سەر قەلونەکا توتنێ نائینت و دبێژت: هەتا بکاری ل بەر خۆ بسەکنە و نەچە جەم مرۆڤێت موون ئانکو یێت خراب،
و دیسان دبێژت: هەکە خودێ فەرسەت( قەوەت یان هێز) داتە دڤێت تە هاژێ خۆ هەبت و خورتیێ و زۆرێ و زلمێ ل کەسی نەکەی و هەر رێزا تو خەلکێ بگری ئەو رێز بک تەیە و دێ گەهیە راستیێ و مرازێ.
سەبەقەیەک ژ ئەدەبێ دینێ ئێزدیان دبێژت:
راستی یە رێزانە
رۆناهیا دلانە
پەدشای لێ گرتی مەکانە .
رێز گرتن ئەرکەکی سەرەکی یە بۆ هەر کەسێ خودێ ناس لەوما یەفەرە رێز ل هەر کەسی بێتە گرتن وەک ئایین و ئۆل و جڤاک و کلتۆر و مللەتێن جودا و هتد.
تُتاح هذه الصورة أيضا في: کوردی
