یادا ريفراندۆمێ ل سەر ھەموو یادا یە سەركەفتی ترە
مەھدى حەسەن 
پیرۆزە بیرەوەریا (٦)شەش سالیا مەزنترین دەستکەفتا گەلێ کوردستانێ رۆا ( ٢٠١٧/٩/٢٥) بیرەوەریا ریفراندۆما سەربەخۆیا کوردستانێ یە، بیرەوەریا تە بخێر جان و قوربان ڤی ملەتی ب ملیونان شەهید و قوربانی دان پێخەمەت ئازادیێ و سەربەستیێ، ریفراندۆم کو رۆژەكا پیرۆزە دیرۆکا گەلێ مەدا لەوا پێتڤیە ئەڤ رۆژە بهێتە ساغ کرن و گرنگیەکا مەزن پێ بهێتەدان ئەو رۆژا گەلێ كوردستانێ ب ھەمی پێكھاتێن خۆڤە یێن ئاینی و نەتەوەیێ ڤە دگەل ھەمی پارت و لایەنێن سیاسی ل سەر پێشخەریا جەنابێ سەرۆك مەسعود بارزانی چوینە سەر سندۆقێن دەنگدانێ و رێژا ٩٢٪ ژ خەلكێ كوردستانێ گۆتین بەلێ بو سەربخۆیا كوردستانێ كو ئەڤە ھیڤی و خاستەكێن ھەر كوردەكی ب شەرەف بوون مە یا نیڤا دلێ خو بو جیھانێ دا دیار كرن كا گەلێ كوردستانێ چ د ڤێت ئەو بو مە كوردستانەكا سەربخو دڤێت، بەلێ داگیركەرا رێك ل ڤێ داخازیا گەلێ كوردستانێ گڕتن و ئەنجام سڕكرن و ل وی وەختی ئابلوقەكا ئابوری و سیاسی عەسمانێ كوردستانێ داخستن و ژ ھەر چار ئالیا ڕێك ل خەلكێ كوردستانێ گڕتن و ھێرشێن لەشكەری كرن و ھندەك ژ ئەحزابێن دیڤەلانكێن حەشدا شعبی و زەلامێن مالكی و عبادی دەست ژ رێفراندومێ بەردان و خو ب شرێكێن داگیركەرا دان زانین بەلێ نەزانین وەكی جەنابێ سەرۆك بارزانی گۆتی پارتی داربەرویە ب راستی ژی داربەرویە هەمی حزبێن کوردی هندی پارتی کورسی نە ئیناینە پشتی ریفراندومێ لھەلبژارتنێن پەرلەمانێ كوردستانێ ، پارتی دێ ھەر مینت خودانا كوردستانێ و ئەڤێن خیانەت كرین دێ ھەر گاڤ د شەرمەزاربن و گەل و مللەت دێ رۆژەكێ لەعنەتێ ل وان دەت ، ئەم پارتی و كوردستانی باش دزانین ڕێكا مە گەلەك سەخت و دژوارە بەلێ چو جارا دەستا دانانێن سەر ئێك بو چو كەسی و دێ بەردەوام بین ل سەر رێبازا بارزانیێ نەمر ژ بو كوردستانەكا ازاد و سەربخۆ، گەلێ كورد گەلەك ژير و ئازايە دڵنيابن نا كەڤينە بن فشارا چو دەسھەلاتێن دكتاتور ژبەر كو دیرۆك دیدەڤانە ب كیمیا و ئەنفالا گەلێ كورد دەست ژ ڤان ئارمانجا بەرنەدا و د ڤیا داگیركەر و دوژمن و دیڤەلانكێن وان باش ب زانن گەلێ كوردستانێ ب ئابلوقەكى يان برينا موچە و بودجەيێ ھەريمێ يان گەفەكا لەشكەرى خو ژ سەربخۆیا كوردستانێ نادەین ئالیەكی،خەبات و خزمەت و قوربانى دان و خۆ شەھيدكرن وبەرخودانا گەلێ كوردستانى ژ بۆ ئارمانجێن نەتەوەيى و نشتمانى بينه نە بۆ قەسرو وقولەكێ و خۆشى لەڤزەتەكا ژيانێ بيە ، ئەم گەلەك جارا دەربەدەربينە ومال و ملكێ مە تالان بيە ومال وێرانبينە ورەزيلی و ھەژارى گەلێ كوردستانێ ديتيە بەلێ ئەم نەمرينە ھەر گەلێ كوردستانێ گەلەكی زێندوبیە ،ئەم باش دزانين ئەڤ چەندە دھێتە سەرێ مە ژ بێ دەولەتبوونێ بيە ، ھەگەر مە دەولەتەك ھەبا ئەڤا ب سەرێ مە ھاتى نەدھات دڤيا ب زانين ،ھەگەر تە مال و ملك دڤێت و ژيانا خۆش وتەناھى و ئارامى دڤيا تو بەرى ھەر تشتەكى وەلاتێ خۆ ئازاد ب كەى دا سەرفراز بژى،خەلكێ شەرەفمەندى كوردستانێ نەخاسمە شنگاليا و كەركوكيا و توزخرماتوو وباشيك و بەحزانيا وھتد ، ئەڤان ژى مال و ملك ھەبوون بەس دناڤ بەرا شەڤ و رۆژەكێ دا ژ لایێ داعش ڤە ھاتن تالان كرن وكوشتن و مال وێرانكرن ،لەوا ئەم دبێژين لێڤەنابين ومە دەولەت دڤێت و دێ داكۆكيێ ل ئەنجامێن ريفراندومێ كەين ژبەر كو ريفراندوم بەڵگەكا فەرميا وەك سەنەد و قاقانى كەتين دەستێ سەرۆك بارزانى ومللەتێ كورد بو دروستكرنا دەولەتا كوردستانێ نە ئەڤرۆ سوباھى ئەلندەكا نێزيك ل ھيڤيا مە يە و ئەم پشت راستين دێ گەھين مرازا خۆ ،ئەڤ يا ھندەك لايەنێن سياسى وتێكدەر و خوفروشێن داگيركەرا د كەن دژ ى كوردستانێ وخوپيشاندانا د كەن و ملك و ئەملاكێن دەولەتێ د شۆزن و ھەولێن نەمانا كيانێ كوردى دەن و ئاخا كوردستانێ رادەستى دوژمنا دكەن جيبەجيكرنا پيلانێن دوژمنانا و داگيركەرا نە لەوا ھەر د رورەش و شەرمەزارن دناڤا چڤاكێ كوردستانێ دا و رێفراندومچی ژی د سەربەرزن، بڕس و ھەژارى بلا نەبتە رێگرى ل پێشيا پڕۆسا سياسى ڕاستە گەندەلى و نە دادپەروەرى ھەيە راستە ئەڤە سێ هەیڤا موچە نەی بەلێ ھەبوونا كوردستانەكا ئازاد و كيانەكى كوردى مەزنترە ژ ھەر تشتەكى بۆ مە بلا ئەم مالا خو ب دەستێن خۆ خراب نەكەين و نەدەينا دەستێ دوژمنا ھەر دێ روژەكێ كار رەوا ب رێڤەچت و زاڵ بين ل سەر كێم و كاسێن ھەين بەس ژ دەست دانا ڤان دەست كەفتێن ھەين ل پێناڤێ ھەر تشتەكى ھەبيت زەرەر و زيانەكا مەزنە گەلێ كوردستانێ دلشۆزێن رێبازا پارتی وبارزانى ئەركێ مە د بزاڤا ڕزگاريخوازا گەلێ كوردسانيدا و سەنگەرێ بەرەڤانيكرنێ زۆر گران بييە ، بتر ھەر ساتە وەختەكى پێتڤييە ل ئاستێ قەبارێ مەزناتيا خزمەت و خەبات و قوربانيدانا پارتى دا بين ، خوراگرى و ئێكگرتن و باوەرى ب سەروكاتيا بارزانى و ب دۆزا ڕەوايا گەلێ خو لانەدان ب بەھايێن بەرزێن كوردايەتيێ ئەو بنەمايێن كە پێتڤى بتر خەباتێ ب كەين وھەول بدەين بۆ ژناڤ برنا پيلانێن دوژمن و نەيارێن پارتى و پاراستن و ئاسايش و ئێكگرتن ژ ئەولەوياتێن خزمەت و خەباتا مە بن،ھەر چەندە پيلانەكا مەزن دژى پارتيا مە ھاتە ئەنجامدان ل سەر ئاستێ دەولى و ناڤ خويى کو ئەڤ هەرێما ب خوینا سەرێ پێشمەرگەهی هاتیە ئاڤاکرن د ڤیا ژ ناڤببەن ، بەلێ ھەر رويداو و ھێزەك نەشێت باوەريا مە يا ڕەوايا وبيروباورێن ئارمانجێن پارتيامە لەنك و لاواز ب كەت ب هەبوونا سەرۆکێ خوشتڤی کاک مەسعود بارزانی ، پشت ب خودايێ مەزن و بەرخودانا گەلێ زيندى ھەر دێ سەركەڤين و دەولەتا كوردى دێ راگەھينين پشتى مە ريفراندوم كری و تا ڤی ساتە وەختی ئەم د سەربلندین ب رێفراندومێ و لێڤەنابین ل نێزیك دێ گەھین مرازا .
تُتاح هذه الصورة أيضا في: کوردی
