جڤاكا كوردی دێ بەر ب ج ڕەوش ڤە چت؟
یوسرا دێوالی
كورد نەتەوەیەكا كەڤنە و خودان دیرۆك و زمان و كەلتۆرێ خۆیە و پێگەهەكێ مەزن و خودان ڕێز و پیرۆزی و ب بەهایە، و هەر ژ كەڤندە بۆ پاراستنا ڤان بەها و پیرۆزیان ب هەموو شیانان هەر كارەكێ د شیان دابت یا هاتییەكرن و دئێتەكرن، بزاڤێن كوردی هەر ژ كەڤن دا ژبۆ سەربەخۆیا خۆ كار كریە ژ بن دەستیێ داكو ڕزگاربن ژوانژی دوژمنێت عوسمانی (توركیا) و سەفەوی (ئیران).
ل دەمێ جیهانێ پێشكەفتن بدەستخوڤە ئینایی ئەوژی پشتی جەنگێ جیهانی یێ دووێ دەولەتێن زلهێز بۆ بدەستڤەئینانا ئایدولوژیەتا هەر تاكەكی كار كرن، داكو تاكێ دەولەتا بكەڤنە ل ژێر هەژموونا وان دا، جڤاكێ كوردی ژی ژ ڤێ ئایدولوژیەتێ نەهاتیە بێ بەهركرن، ئەڤە چەندین سالە توركیا ب ڕێیا دراما و تراژیدیێن خۆ هەتا ڕادەیەكێ بەرز جڤاكێ كوردی ب خۆ ڕاكێشایە،هەروەسا ئیران ژی ڤێ ڕێ بكاردئینت ئەڤەژی جۆرەكێ سیاسەتێ یە دگەل نەتەوا كورد دئێتەكرن و گەلەك كاریگەریێن نەرێنی لدووڤ خۆ ئیناینە، نیشانێن ڤێ كارتێكرنێ ژی بەهرا پتر ل سەر ئافرەتێ یێن دیار بووین، چنكو ئافرەت جڤاكی دروست دكەت لەوران ب خۆ ئافرەتێ وەك كارتەك و ئارمانجەك بكاردئینن، هەروەسا سەرهلدانا چەمكێ فێمێنیزم بۆ ڕۆژئاڤایی ڤەدگەرت و وان دڤێت جڤاكێ كوردی ژی ژ ڤی چەمكی دا نە د بێ بەهر بن وەسان ل ئافرەتان كریە داخوازا ئازادیێ بكەن، بەلێ ب ئازادیەكا شاش، جڤاكێ كوردی ئێك ژ وان جڤاكایە دابونەریتێن خۆ د پارێزت و پتر ژ هەرمللەتەكی جیهانێ ماف و ئازادی و ڕێز و بەها دایە ئافرەتا كورد.
ئافرەتا كورد هەر ژ كەڤن دا مل ب ملێ زەلامی خەبات كریە و پشكداری د چەندین پرۆسەیێن سیاسی دا كریە، بەلێ د جیهانا ئیرۆ یا كوردی دا پێگەهێ ئافرەتێ هێدی هێدی بەرەف ئادیلوژیەتێن بیانی دچت ئەڤەژی مەترسییە ل سەر كۆمەلگەهـا كوردی و پاشەڕۆژا زارۆكێن كوردستانێ، ئافرەت جڤاكی ئاڤا دكەت و زەلام ژی سەركردایەتێ دكەت!.
تُتاح هذه الصورة أيضا في: کوردی
