یێ نهكهت ناخۆت!
بێوار حهمدى:
ئهڤه گۆتنهكا مهزنایه و ئهم ل بن سیبهرا وێ مهزن بووینه،بهلێ كریارا وێ تاچهند یه ڕاسته؟ ئهڤه بابهته،گهلهك جاران دبت بۆ خۆشیێ یان راستیێ ئهم دبێژین و دبێژین مهزنا چ بۆ زارۆكان نههێلایه و ئهڤه راستیهكا ژیوارى یه.
دبهرێ دا مهزنان ئهڤ گۆتنه بكارئینایه و ئهم ههموو ژى دزانین بۆ وى كهسێ كارنهكهت مهزنان دگۆتێ یێ نهكهت ناخۆت ئانكو یێ كارنهكهت ئهو نانى ژى ناخۆت،لێ ل وى دهمى ژیان جوانتر و جیاوازتر بوو بێى جیاوازى و نهیهكسانى ههردووڕهگهزان كاردكر،و ئهڤ گۆتنه گهلهك دگونجت دگهل وان لێ ب ڕاستى ژى ئهگهر ئهم بهرێ خۆ بدهینێ نۆكه ژیان ژههموو لایان ڤه هاتیه گوهاڕتن، و ب گشتى مه مرۆڤان هێزا كاركرنا جاران نهمایه،ئهرێ كا ئهو مرۆڤێن سبێ زوو ژخهو ڕادبوون و ههموویا پێكڤه ل دۆر پهیداكرنا نانێ ژیانێ دكره غار؟،دبت مه نموونه ههبن و گهلهك ژى لێ زۆڕینه نهمایه، گهلهك ژمه و ب تایبهت د جڤاكا مهیا كوردى دا بهروڤاژى ڤێ گۆتنا پیرۆزیا مهزنانه و دنۆكه دا ههتاكو دكارین بێژین (یێ نهكهت ژى دخۆت) ژبلى بابهتێ كارنینه یان دهلیڤێن كارى دكێمن لێ ژیان وهكو جاران نهمایه،بتریا خهلكێ مه یێ نۆكه دهست ژكارێن بهرێ بهرداینه وهكو رابوونا زوو یا ژخهو یان چۆنا ناڤ زهڤیان و كاركرنێ یان نان پێژان و…هتد).
ژبهرهندێ ژى ئهو وهكههڤى و یهكسانى یا كاركرنێ دبهرێ دا د نۆكهدا نهمایه ئهگهر مابت ژى ب ڕێژهیهكا كێمه، نۆكه هندهك دمالێ دا كار دكهن و هندهك ژى نه ئانكو هندهك یێ دكهن دا بخۆن و هندهك ژى ناكهن و یێ دخۆن، گهلهك ژگهنجێن مه ژبۆ ژیانا خۆ و پهیداكرنا نانى بتنێ پشت بهستنێ ل سهر بابێ خۆ دكهن یان ئهگهر داهاتهكێ دى دمالێ دا ههبت،بیێ كو هزرا خۆ د وێ چهندێ دا بكهت كو ئهو ژى دێ رۆژهكێ بته خودان خێزان و مال و دێ پێتڤى كارى و ب ڕێڤهبرنا ژیانێ بت، ئهڤجا یا پێتڤى و گرنگه ئهم ڤێ گۆتنا مهزنا بكهینه دسهرێ خۆدا و نهئینینه دهر و ههموو دهما ل بهرچاڤێن مهبت، و دڤێت ب كریار ڤێ گۆتنێ ل بهرچاڤ وهربگرین و بهردهوام پێكولا وێ چهندێ بكهین كو خر ل سهر وێ چهندێ ڕازى بكهین كو ههرئێك ژمه ژلایێ خۆڤه ژ ژیانا خۆ بهرپرسه و باش بزانین كو ب دروستى ژى (یێ نهكهت ناخۆت).
س.س
تُتاح هذه الصورة أيضا في: کوردی