تۆرا لالش
وەک نەریتەکی سالانە و ب هەلکەفتا سالڕۆژا جیهانی یا کرێکاران، و ب ئامادەبوونا سەرۆکێ دەستەیا بلندا بنگەهێ لالش بەڕێز سه‌عيد جردو و شاندێ دگەل و بەرپرسێ لیژنا ناوچا باعەدرێ یا PDK بەڕێز نه‌جیم الیاس و ژمارەیه‌کا ریهسپیان و کرێکارێن باعەدرێ، رۆژا ئینیێ رێکەفتی (2 / 5 / 2025) بنگەهێ لالش تایێ باعەدرێ رابوو ب خەلاتکرنا 27 کرێکارێن سەنتەرێ ناحیا باعەدرێ.
پشتی چەندەکێ وەک رێزگرتن بۆ شەهیدێن بزاڤا ڕزگاری خوازا گەلێ کورد سەرکێشێ وان بارزانیێ نەمر، ڕێ و رەسمێن خەلاتکرنێ ل هۆلا باعەدرێ یا بیرەوەریا ب رێڤەچوون.
دەستپێکێ بەرپرسێ بنگەهێ لالش باعەدرێ مامۆستا (خلات باعەدری) بخێرهاتنا تەڤایا ئامادەبوویان کر و بەحس ل ئەگەر و مەرەمێن ئەنجامدانا ڤێ چالاکیێ بۆ ئامادەبوویان دا خویاکرن.
ل دووڤدا سەرۆکێ دەستەیا بلندا بنگەهێ لالش به‌رێز سعيد جردو د پەیڤەکێ دا بەحسا رۆلێ کرێکاران و زەحمەتکێشانا وان ل بیر ئینا و تەکەز ل سەر چەند خال و پرسێن گرێدایی ب ڤێ چالاکیێ کرن.
ل داویێ تەڤایا کرێکارێن شارەوانیا باعه‌درێ هاتنە خەلاتکرن و د کەش و هەوایەکی دلڤەکه‌ر و دلخۆشکەر دا خه‌لاتێن كرێكاران ژلایێ بەرێزێن ئامادەبووی ڤە ل سه‌ر كرێكاران هاتنە پارڤەکرن.
هەژی گوتنێ یە سالانە بنگەهێ لالش تایێ باعەدرێ رادبت ب خەلاتکرنا ڤێ تەخا گرنگا جڤاکی و بیرئانینا رۆژا وان یا جیهانی و هه‌روه‌سان كرێكار و ئاماده‌بوویان سوپاسیا تایێ باعه‌درێ كرن.
تُتاح هذه الصورة أيضا في: کوردی
